امثال سودانية

امثال سودانية

الامثال السودانية كثيرة لاحصر لها
اقدم لكم بعض الامثال المعروفة والمتداولة بيننا والعندو المزيد يدينا

المابتلحقو جدعو

البعرف عزو كلام الناس مابهزو

الحسنة في الملعون زي الشرة في القندول

خادم الفكي مجبورة علي الصلاة

البلد الما فيها التمساح بقدل فيها الورل

اصغر منك دوسوه

فى الوش حبايب وفى القفا دبايب


الراجل افجخي بصلة قبل ما يبقي اصلة ( دي وصية للنسوان )

المرة بدقوها باختها ( دي وصية للرجال )

رسلوه ينادي الداية جا يوم السماية

والشين شين كان غسل وشو مرتين


الطول طول النخله والعقل عقل السخله

القلم مابزيل بلم

عيب الزاد ولا عيب سيدو

الماعندو ضهر بينضرب على بطنو

سيد الرايحة بفتح خشم البقرة

الببارى الجداد بوديهو الكوشة

بليلة مباشر ولا ضبيحة مكاشر

بيت الجدرى ولا بيت النقرى

المصدر: :::: منتديات أبو فروع :::: - من قسم: منتدى الحوار العام

---

hlehg s,]hkdm

تحيه..طيبه
.وسعدا بالعوده لحاجات بلدنا..لان فيها ريحة الجروف.. وأنات الوداع وشوق الشوق

لالوب بلدنا ولا تمر الناس

الحوت ما بهددوه بالغرق

الجمرة تحرق الواطيها

جبل الكحل ... يهدنـّو المراويد

حياك الله اخى الصديق علي امثالك الرائعة .
الداق لدغة الدبيب بخاف من جر الحبل.
المراءه اكان فاس ما بتكسر الراس (بركــــة)