الحمى النزفية والوهمة الكبرى
مشهداول:
شافع الروضة:يمه الليله عامله شنو فى الفطور...والله ياولدى ملاح شرموط تمام....لا لا انا راجع الروضه ...مالك ياجنا؟ المدرسة قالت لينا ماتاكلو لحم و ماتشربو لبن
مشهد ثاني:
سيد اللبن:تعالى يا حاجه فاطنه شيلى لبنك ... برى يايمه مالى بشرب اللبن عشان اموت..... انا لسه صغيره وجاهله......ها مافى اى حاجه.....واللبن رخيص 6 رطل ب 1000 ومعاهو هواده .....والله لو معاهو بقره مابدورو
مشهد ثالث:
عليك الله عندك لحم ضان؟ لا والله والبقر دا مالو؟....مافى حاجه لكن ناس البيت عندهم ضغط مابياكلو لحم البقر.......
مشهد رابع :
تعلن وزارة الصحة خلو منطقة الجزيرة من مرض الحمى النزفيه
زول ساى: سمح الحاصل شنو؟
مشهد اخير :
مابين تلك المشاهد والحقيقة عتمة..
الواقع انو لافى حمى ولا حاجه كل الحاصل بعض الحالات التى لا تكاد تحصى على اصابع اليد . والاشاعة سرت كالهشيم فى النار
والوهم بضخم الحاجات.....انا جاتنى ملاريا لمدة اسبوع قربت اكتب وصيتى من الوهم واد خل وامرق اليوم كلو ....
وافكر ياربى القيامة بتكون قريبة ولابعيده....وحاجات تانية كتيرة....وجنس جرسه......هسى الحمد لله والفضل لله شديد اتلتل وكمان نزلت الشغل ......ونلتقى ...(قريبى)
hgpln hgk.tdi ,hg,iln hg;fvn
المواضيع المتشابهه
الحمى النزفيه والوهمى الكبرى
العرض المتطور
