منتظر القمر...

منتظر القمر...

عيونك علمتني الغربة ونار الفرقة بي اهلي..
بشوف في عينك يوم بكرة وبشوف في التانية أمالي..
عيونك غربتي وناسي..
عيونك رنة اجراسي..
عيونك لهفة احساسي..
وأقول انساك من عمري
و أشيل الفكرة من راسي
بخاف القاك والفراق طول..
بخاف القاك وقلبك اتحول..
بقدر استحمل الصدمة..
بقدر اجيب قليب نجمة..
يرد الليل تعال يا ولدي اقعد جنبي اتحكر
فرس الريد جميل وبديع بس لابد يتعتر
وتتعتر معاه يا ولدي وتتكسر
وما بتلحق على نسفك تتحسر
يا ولدي انسى الفات انسى الماضي والاهات
بس يا ليل انا روحي معلقة في البسمات
في عيونا في خدودا في رموشا والضحكات..
بريدا وبريد الضحكة في رموشا..
بريد الوردة في خدودا...
بريد النظرة في عيونا...
انت برضو تقول لي انساها!!؟ فكرك بقدر انساها!؟
ترد القمرة في سماها...
انسى النساك انت اشتريت وهو باعك ما اشتراك
انسى الفاتك وقت الضيق ونار وحريق وما اتكرم يقيف جنبك معاك

بس يا قمرة وين القى ضياك؟
ليك علي اسأل معاك وأسأل ربي تلقى هواك
وأخش وسط الظلام والليل عشان تلقاها راجاك
و أوزع نوري فوق الكون عشان تلقى البصونو هواك
بس أصبر عشان أمشي وأجيك تاني
راجيك يا قمرة وراجي شعاعك يوصلني
أسأل الله اتصبر أصلو الصبر غالبني
بس يا قمرة وين يلقوك أخواني؟
تلقوني في عيون عشاق..
في صوت الولد سافر بعيد وساب الغربة عشان مشتاق..
في دمعة طفل همهم بكى جوفو فاضي وجوع حراق..

عرفت عنواني؟

خلاص يا قمرة عرفنا مكانك مع السلامة والله معاك.
خلاص يا قمرة عرفنا مكانك مع السلامة والله معاك.
خلاص يا قمرة عرفنا مكانك مع السلامة والله معاك.



السباعي..

المصدر: :::: منتديات أبو فروع :::: - من قسم: منتدى الشعر والشعراء والأدب

---

lkj/v hgrlv>>>

خلاص يا قمرة عرفنا مكانك مع السلامة والله معاك
شكرا السباعي

يا سباعي في ناس بتظف في الارض
الارض عشان القمر ينزل ولسه منتظرة
ونحن كمان منتظرين والقصيد قمة الروعة
تقبل مروي

شكرا شباب على مروركم والتشجيع ....

ياسباعي في حد اقول للقمر الله معاك
هذه فرص لاتاتي مرتين ....
تقبل مروري ومنتظرين روائعك

الاخ سباعي مشكور جدا علي الكلمات الراقية جدا تقبل مروري

الشكر موصول لكل من كلف نفسه واتطلع على القصيدة...

اراك يالسباعى متكى فى ركن منزوى تطلع تلك البراكين بما فيها من شفافيه حقا وحدك تتعزب بنار الجوى و التساولات المحيره وتبحث نع قمرك بين الاقمار كالنحله تحبث عن الزنبقه بين اطياف الورد كلام شفيف ماياتى الا من انسان شفيف له عزب المشاعر لاتتوقف فى الشعر من نفس الرحمن

مبروك يا سباعي **********

بسم الله الرحمن الرحيم
مبدأ كل شئ عظيم

وحاتك انت يا سباعي
افتش ليها
وعشانك انت القاهـــــــــــا
واجيبها ليك لعندك
واجي معاهــــــا
عشان تلقاهــــــا
عيان بيان
وتسرح في عيونها
العاجباك وعاجباهــــــــا
وكمان تفضل معاك طوالي
لا تسلاك ولا تنساهـــــــــا
وتعرف كمان
ليك اخوان
بهموا برضاك ورضاهــــــا
وعشان بكاء
اطفالنا يقيف
وياكلوا لحم ورغيف
ويبقي مافي نزيف
واحلامك السمحه
نبقي معاك حــققناهــــــا

كلام جميل وروح اجمل تحياتي