بسم الله الرحمن الرحيم
السلام عليكم و رحمة الله تعالى و بركاته
نعرج بهذا الموضوع قليلا عن عالم الجدية
من باب علم لا ينفع و جهل لا يضر ,
-----------------------------
قرأت قبل يومين تقريبا في صحيفة الكترونية الموضوع المدرج عن انسان أعتقد انه لا يحق لنا ان نصفه بأنه معتوه او اي تصنيف آخر مهما كان صنيعه !!! .
---------------------
الموضوع ذكرني قصة في شكل اغنية سمعتها و انا في المرحلة الابتداية ,
------------------------------
موضوع الصحيفة
شاب يسلخ كلباً نهاراً في (صينية مرور) بأم درمان!!
09-01-2013 02:17 pm
قام شاب معتوه بمطاردة كلب نهار أمس، وقتله وسحبه إلى (صينية المرور) قبالة منطقة المهندسين بأم درمان، وعلقه على (مجسم الزرافتين) الموجود في (الصينية)، وقام بسلخه تحت أنظار المارة!
وقالت المصادر إن المعتوه بدأ عملية سلخ الكلب (بمزاج عالٍ)، مشمراً عن سواعده، مما قاد كثيراً من سائقي السيارات للتوقف دقائق لمراقبة المشهد، الأمر الذي أدى إلى إرباك حركة المرور. وبعدها تدخل رجال مرور وطردوا المعتوه (بكلبه) بعيداً عن المكان.
-----------------------------------------------------------------------
ذكرني هذا الموضوع قصيدة الكلبة و من سرد السيناريو يتضح ان قصيدة الكلبة سر لقصة حقيقية .
يحكم المجتمع على حسب هواه حكم على الشاب سالخ الكلب بأنه معتوه , و قد حكم المجتمع لصالح ناس عطا حتى صا ر سلخهم للكلبة و تقسيمها و اكلها غناء يتغني به الفنان
-----------------------------------------
قصة قصيدة الكلبة:
كان عطا صاحب هذه القصيدة يعمل
بناء في الخرطوم وقالوا كان بالي ليه
كوم زبالة عاوز يبني بيه
وجاءت كلبة الجيران ووضعت صغارها
على كوم الزبالة وكان اﻻطفال بيجو
يلعبوا جمبها
فعضت ولد محجوب المذكور في
القصيدة وكان محجوب يعمل في
الشرطة فجاب بندقيته بس ما عارفة
نوع البندقية
كلاشنكوف وأطلق العيار على
الكلبة وارداها قتيلة فحزن عطا على
الكلبة والف قصيدته ووزع فيها لحم
الكلبة على الجميع
اما عبلة وصدفة فهما كلبتان صديقتان
للمجني عليها زعلن عليها وخلو الجري
فوق الحرامية وحردن السمك الفي
السهلة
واظنهم دلو الحرامية على بيت محجوب
وعثمان عبد الرحمن هو عثمان اليمني
الذي تغنى بها
--------
اجمل اشعار و اغاني الطمبور (غناء عثمان اليمني)
إنصنتو وأسمعوا يا زماله
حقيقة وحاصلة مو ساكت قوالة
كلبة والدة فوق كوم الزبالة
محجوب كلموه قام مشاله
مستعجل قبل ياخد سؤالا
بي فد طلقة يتم بي عياله
كلبة في بيوت عجبين سكونا
اتحدوها تدخلوا في شؤونا
قدر ما كشرت ومرقت سنونا
بي فد طلقة أتم بي عيونا
بعد سلخوها واجتمعوا الرجاله
وكل الشاف له قوطة سمينة شاله
أخوياً لينا شغال في أم جلالة
قال ناولوني ماعون حتى لو كان شوالا
بعد شحدوا البرش طوالي فروه
وفرحان بابكر مما يسره
وصفق إيديه وقال يا أخوانا تروه
وكل الما هو قادر ﻻ نضره
أكلوا وخلوه والباقي شروه
بعزل حقي في منديل واصرُه
البيعضي وﻻدنا ﻻبد من نضرُه
وأصلو سعراً حايم الله يكافي شره
عبله وصدفه زعلانات يحدرو
وحادات لمدة أسبوع ما ينرو (ما يهوهون)
وﻻ إن شافوا الحرامي وراه يجرو
وﻻ في السهله من الحوت يفطرو
الحقيقة هي لونه ازرق وصوفه يرهز
وكل الشافه أول مرة قال عنز
أتاريه الدنيا ماشي عليها حزحز
وبي واحد عيار نافوخا بزبز
وكمان عبدالرحيم أحمد حضيري
قال سيبوا الغلبة والحجة الكتيري
اللحم جيبوه جوه من الهجيري
الراس أوعكم تدوه غيري
أنا زوﻻً نفسي بالتقسيم جديري
وأنتوا شوفوا لي المكرضمي والكبيري
الحوش كتمه ومرتفعي الحرارة
وفضيل يهرج موقف فوقنا غارة
قال: أدوني كوم لي واتنين لي جبارة
العشرين قرش راحت خسارة
حضر بي غفلة عثمان ود بشارة
وفرش طرفه قال جيبوا المرارة
سلمان أصله شارف وزيه ما في
جاهم واحدةِ ﻻبسهِ وواحدِة حافي
ﻻ قولة سلام ﻻ قال عوافي
وفتحت خشمو قال يا ديل قفافي
أدوني الفوت شوفوا الخﻼفي
نص كوم كوستيليته وباقيه صافي
عمي الحاج كمان راجل مصلي
قال يا ابني نظرك مو مجلي
وتنشن ﻻ هو واطي وﻻ معلي
بس لكن قوي وما بينوكللي
شويتين مو كتير جاهم خليفة
قال الراس أسلخوه سوه نفيه
يتوكل وحده وﻻ مع رغيفة
وصفوا المرقة في الباطن نضيفة
والليلة التوم كومو قال ظلموه فيه
جا شايله براه داير يسلقوه ليه
ساد حوشه ومتاقي البيت عليه
في شان ﻻ ضيف وﻻ شحات يجيه
أحمد حمزة قال حصانه جراي
يفج في الناس يعاين جاي وبي جاي
فرصه سعيدة قال بعملكم رأي
قال نعملها شية تستاكل مع الشاي
كمان عوض الكريم يبدي ويرائي
شاف اللمة قال شني الحكاية
هسي دي كرامة وﻻ محل سماية
اللروح أجيب ما عوني جايي
سيدأحمد بعيد لكنه عشمان
ما بيقدر يصل حارس له دكان
رسلو كومو صحبة أي إنسان
وبالتقررو المجموعة قبﻼن
عبدالرحيم الحاج ينقنق وما هو راضي
وقال كومين قليلي على وﻻدي
ممحوق وأشوى من لحم الجدادي
وإنتوا شوفوا طريقة سوو لي الزيادي
باقي سعيد فضيل بالحيل مدروش
يمط القوطة طول مترين وينتش
وقال والله مو هش
ومزه متل دي دايري الزول يغبش
جا عبدالله أخوه بالليل بيهرش
وقالب عينيه حمرا وما بيرمش
وقال أصله خوتكم بقت غش
محل تقسيمه وينو نروح نفتش
بدل نقمح من الرمرام نقرمش
أتاريه السر يلوم في الناس وينبش
وغضبان يترقض متل المتلبش
الليلة خضر ود محمد نور بالحيل أتغشه
بعد ما جاب صلصتو وبصلو حشاه
لقاهم شالوه خلوا الواطه غبشه
طنطن وما رضى وسوالو دوشه
وغمض بالزعل من بيته طشه
فضل الله ما كان في حد طاريه
قال جاني المرسال بعد جبت خضاري
رزقاً ﻻ ني حاريه ﻻ ني داريه
هو شايله والضبان مباريه
قال بقسم منه لي عبدالله جاري
عطا قرمان لحم قال كله سيبوه
اليوم جمعة وكان عازم نسيبه
جدع القفة غادي وفر توبه
والطايوق مشكنو في جيوبو
و لـ كبير أخوانو لملمو بي خبوبو
كمان داسي الجلد ورافض يجيبو
كل زوﻻً ذكرتو ومني زعلان
وأصلو راس القايدة عثمان عبدالرحمن
هو يشجع فيني وأنا برضي شفقان
وحاول يحفظ ويوضعلها ألحان
rt jHlg v,um hglai]
قف تأمل روعة المشهد
العرض المتطور
