[align=right]
مشتاق... بحليل
يالسمحه... الفارسه
الحارسه...حداكى
عظيمنا... النيل
درويش...ممدود
هايم....غرقان
مجذوب في بهاك
ماهو... الأهداك
ألوان من .. طيف
وأروع ....حُله
وكساكي... إكليل
مشتاق... آلسمحه
ومغبون... بلحيل
حزنان..... والله
وفعلاً..... ندمان
شان ... إنو خطاي
تاهت... في طريق
ودّاني .... بعيد
أصبحت... أسير
أمواج... الغربه
التلعب......بيّ
يمين.... وشمال
خلاص ... آناس
مليتها.... عديل
عِيشه....الذِله
ما هناك آ السمحه
أنا... والليل...
أصبحنا أصحاب
عاملين ...شُله
نسمر يوماتي..
نعيد... نجتر ...
أحلى... الذِكرى
وفي بُعدي أكيد
بشتاق ... بالكيل
للشمس... التشرق
تسطع تحرِق تلسع
ووقتين.. توصل
صدر... سماكي..
وتدى الزول
الأغبش... طيبه
ومن غير ريِبه
بتدى... الحلوة...
سمارة... اللون
وملامح... العِزة
النفس النازل طالع
يا الكنتى... زمان
وكمان لا زلِتي
إنسانه...فريده
وسرِك... باتع
شوقي... كثير
والله ...لخريِفك
رعدِك... يرطن
وبرقك... شالِع
أه... يالسمحه...
الحُبك... ساكن
قلب...قصايدي
وجُوه...ُغناي
من كنت صغيراً
طفلاً شافِع
مُشتاق بلحيل
للشوفه.. الطله
قلبي ... عليكي
وبسأل... الله
يزول... الوجع
الطوّل... فيكي
عشان... تتشافي
ونسعد... بيكي
أكيد... والله[/align]
lajhr fgpdg (hgthjp hgsldp)
مشتاق بلحيل (الفاتح السميح)
العرض الشجري
