قلت ليها

قلت ليها

قـلت ليــــها ..
وإيدى فى أيديها
دمعة حزن سالت ..
جاى منك ... وماشى ليك
يا مداين غربة طالت
لو مدارات نجمي ضلت ..
وسكة السفر استحالت ..
كوني فى دربي الحقيقة
الديمة ليها مشاعري مالت..
قلت ليها ..
وكنت راجع لي عينيها
من أسى الزمن المسافر فى المشاوير .. العصيبة
من متاهات الأماني
فى مدار الحسن ضماها وحبيبه ..
بيني لا بينك مزار ..
لا محطات إنتظار .. لا مواعيدك قريبة
إنتى يا الفرح .. الحقيقة المستحيل ..
هدهدي الصبر الجميل وامسحي الألم المخيم ..
فى المدارات الرحيبة
قلت ليها
الحقيقة الضايعة بين .. قلبي وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب
تزف البشرى فى ساعة مجيك
وأنتي عارفة .. وقلت ليك
يانى أكثر زول بريدك ... يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادني حيرة .. على العلي
لا مراكب البشرى ختن.. قلبي عندك
وأنتي لاقلبك نساني ولاخليل

المصدر: :::: منتديات أبو فروع :::: - من قسم: منتدى الشعر والشعراء والأدب

---

rgj gdih

يا شعر أنت فم الشعور
وصدفة اروح الكئيب
يا شعر انت صدى نحيب القلوب
والصب الغريب
يا شعر انت مدامع علقت باهداب الحياة
يا شعر انت دم ، تفجر من كلوم الكائنات
يا شعر قلبي مثلما تدري شقي مظلم
فيه الجرح ، والنجل ، يقطر مداورها الدم
جمدت على شفتيه أرزاء الحياة العابسة
فهو التعيس يذيبه نوح القلوب البائسة

يا محمد أمير لك التحايا
(يا مدائن غربة طالت )
يا دموع في الظلمة سالت
ياقلوب للوحدة مالت
يا نفوس بالحسرة قالت
يا ابوفروع يا فيض المحنه
يادوحة العشق المكنا
يا واحة في شكل جنه
الشوق ليك ولاهلنا

الاخوة ابوسفيان / محمد امير ...... لكم منى التحايا والاشواق ...... وازيد فوق كلام ابوسفيان ..... ابوفروع طيبة وحنينة وفى ربوعا عشنا وربينا حار فراقا النار علينا ....... اخى محمد ارجو ان تستمر فى مثل هذة المقاطع الشعرية حتى يتزكر ابوسفيان وامثالة (ابوفروع) ويعودو حنينا للديار .