ربي ينادي يا عبادي أسألوني وأنا قريب و أسمع اللي دعاني
يارب من خشيتك فاضت عيوني
يارب كل الخلق ما ينفعوني
و لا دروا كيف بحياتي أعاني
لو ما كفلت الرزق ما يكفلوني
قادر تغير حالتي في ثواني
يارب ذابت من دموعي جفوني
و علقت بك كل الرجا و الأماني
يارب لو ناديت ما يسمعوني
و أنت السميع لكل قاصي وداني
لو أشتكي للخلق ما ينصفوني
يا منصف المظلوم همي طواني
أعظم معاني المدح ما يسعفوني
يحتار في شكرك عظيم المعاني
يا الواحد اللي فيك أحسن ظنوني
يا عالمن وش في فؤادي كواني
ما همني لو هالخلايق نسوني
رضاك همي و كل هالكون فاني
لو يجتمع كل البشر ما أذوني
مادام ربي من أذاهم حماني
وإذا رضوا عني فلا ينفعوني
إلا إذا ربي بفضله رعاني
جمر المعاصي والذنوب أحرقوني
أخطي وربي من البلايا كفاني
يا رب جيتك و انت عالم شجوني
انت الوحيد اللي عيونك تراني
مالي سوى حفرة بها يدفوني
واللي تأثر بعد ساعة نساني
وش موقفي في القبر لو يسألوني
وشلون حالي لو لساني عصاني
وش حالتي بعدين لا عذبوني
وأصبحت أناظر في جهنم مكاني
ياويلتي ويلاه لا وقفوني
ما بين يدينك كيف بيكون شاني
وش حيلتي لو هالجوارح عصوني
وش موقفي لو إن ربي عماني
ياويل حالي يومهم يسحبوني
وش ينفع الندمان عد الثواني
يااااارب لطفك من ذنوبن بلوني
يااااارب جيتك والمشاعر تعاني
كن المعاصي يا إلهي عموني
وضيعت نفسي بالأمل والأماني
واليوم جيتك أشتكي زود هوني
وأنت العزيز اللي بفضله حواني
تعقدت يارب أبسط شؤني
وأشتد ضيقي و كثر همي ملاني
يالله طلبت كن معي كن في عوني
جيتك أبشكي ذل طعم الهواني
كل البشر يا خالقي حاربوني
محدن يحاول يفهم اللي أعاني
أبكي ألم ما حاولوا يفهموني
فوضت لك أمري و همن طواني
يا منقذ الغرقى الغموم اغرقوني
ياللي بقربك ذقت طعم الأماني
يالله طلبتك وانت قلت اسألوني
تحسن ختامي في نعيم الجناني
وبرؤيتك يارب تسعد عيوني
وفي جنة الفردوس عظم مكاني
dh vf lk oadj; thqj ud,kd
يا رب من خشيتك فاضت عيوني
العرض الشجري