اصدقاء وابناء منطقة جمعتهم الغربة والسكن ونفس العمر احدهم قرر الزواج ورسى الاختيار على احداهن تسكن ببلدة اخرى ولكن من ضمن المنطقة المهم السيد العريس قرر ان يخبر صديقة بما عزم علية وفى امسية نهاية الاسبوع فضفض لصديقة وصدم عندما فاجأة صديقة وبالصوت العالى ماتعرسها دى انا كنت قاعد عندهم فى البيت أيامى الطالب فى الثانوى نخرتها فى السماء ومافى زول مالى عينها والعريس زولا عاقل قال لصديقو دا ما سببا بحمى العرس وطلب من صديقو تفسير اكثر وزولنا لم يزيد اكثر من انها رغما من انهم كانوا قاعدين معاهم طوال ثلاث سنوات دراسية كانت صارمة معهم جدا ولاتزيد فى التحية اكثر من تحية مقتضبة وانها لاتسمح لهم بالجلوس فى التلفزيون معهم وبكل صرامة بتتطلب منهم الذهاب للنادى القريب لمتابعة المباريات الهامة . العريس داخليا انبسط جدا وما ادلى بة صديقة جعلة يحمد اللة انة احسن الاختيار وسافر واكمل الزوج وبعد فترة استقدم زوجتة معة بالغربة وفى احدى العزومات فؤجى العزابة بان زوجة زميلهم التى كانت تاتى بعد العزومة للتحية والانسحاب الفورى لاحظوا انها وقفت فى باب الصالون ووجهت كلامها لصديق وزميل زوجها بالعزوبية بانة عيب عليهو ماذكرة لزوجها حين استشارة فى الزواج منها وذكرت لة انها كانت لاتسمح لهم بالجلوس فى التلفزيون لان امها بتكون راقدة جنب التلفزيون ولمن همن يجوا مابترضى تكون غير مصنقرة وهمن جلوس وامها طول النهار متعبة فى اعمال البيت زائد خدمة اكثر من 3 طلاب معهم بالبيت وذكرت ليهو انو لمن انت وغيرك سكنتم معنا بالبيت شفتو السمح والشين فى بيتنا وعيب تطلعوة لانو انتو اولاد بيت وفى النهاية طلبت من الحضور ان ينتهى الموضوع فى محلو لانهم الان رحلو الخرطوم ولازال بيتهم سكن لبعض الطلاب من الجنسين وكذلك بعض الموظفين ومنزلة لناس البلد ولوعرف اخوانها وابوها الموضوع دا ربما يكون مردودهم سلبى جدا تجاة اى ساكن جديد .
gh d[f Hk jr,g ;g lh juvt KKK ,d[f
لا يجب أن تقول كل ما تعرف ،،، ويجب أن تعرف كل ما تقول
العرض العادي
