الأخوة اعضاء المنتدي اطرح اليكم اليو م موضوع لعمل معمل كمبيوتر بالقرية ليدرس به الطلبة دراسة عملية لزيادة الوعي الثقافي بالقرية للطلبة وربطة بشبكة إنترنت حيث أن الإنترنت أصبح بأسعار
الأخوة اعضاء المنتدي اطرح اليكم اليو م موضوع لعمل معمل كمبيوتر بالقرية ليدرس به الطلبة دراسة عملية لزيادة الوعي الثقافي بالقرية للطلبة وربطة بشبكة إنترنت حيث أن الإنترنت أصبح بأسعار رخيصة وفي متناول الجميع وأصبحت أجهزة الكمبيوتر بأسعار رخيصة ولدينا خبرات كثيرة من خريجي القرية في مجال الكمبيوتر والشبكات وأنا شخصياً سوف أقوم بالتدريس بدون أي مقابل وسوف أتبرع بجهاز كمبيوتر لذا أناشد اخواننا في المنتدي بهذا الموضوع
دفع الله الزين يوسف 0914498549
تسلم اخي دفع الله علي هذا الطرح الجميل ونتمنا من الله ان يوفقنا واياكم علي عمل الخير
وابشر بي الخير لو في شي نحن معاك وياريت تورين محتاج لي شنو في البدايه علي الاقل الواحد يقدر اقدم لي حاجة
بسيطة لي (ابوفروع الحبيب )اخوك مرتضي ودالشام (00966565920988)
إحتياجات المعمل:-
1. عدد (10) أجهزة كمبيوتر في عدد (2) طالب في الكمبيوتر في الدورة الواحدة .
2. بطاريات مخفض الكهرباء + (10) موزع (مشترك) .
3. HUB او ROYER لربط الاجهزة مع بعضها بالشبكة .
4. عدد (1) جهاز سيرفر .
5. عدد (1) طابعة Hp Laser Jet 3d + عدد (1) سبورة متحركة و (20) قلم شيني .
6. عدد (1) جهاز برجكتر .
7. عدد (1) مكيف للمعمل وعدد (2) مروحة وفرش للأرضية .
علماً بأنني أتبرع بجهاز كمبيوتر بكامل ملحقاته من أجل هذه التوعية العلمية للأجيال القادمة في القرية وسوف ننسق مع رابطة أبناء القرية العاملين بولاية الخرطوم وسوف أعمل في تدريس الطلبة في الأوقات التي اتواجد فيها بالقرية نرجو الإهتمام بالموضوع الأخوة أعضاء المنتدي
بسم الله الرحمن الرحيم
أعضاء وزوار منتدي ابوفروع العامرهـ بأهلها
السلام عليكم ورحمة الله تعالي وبركاته
ووفقنا الله جميعاً لما فيه رفعة قريتنا الحبيبه
والله يا دفع الله موضوعك جد عملي
ومفيد وربنا يقدم الفيهو الخير
ومني هو مجرد رأي
بي النسبة لي معمل وفي ابوفروع شي جميل لكن انا اكون معاك موضوعي وعملي وواقعي
برنامج معمل او محل لتدريس الحاسب دهـ يتطلب إيجار بيت وفواتير – إيجار – كهرباء – ماء –dsl - دهـ من غير الأساتذهـ الملتزمين ليك بي التدريس يعني بي العربي نظام دراسه مجانيه أو بي رسوم رمزية يبقي انت حددته لي مشروعك عمر معين
!
دهـ ما بخل من مغتربين او من اي داعم اساسي لي المشروع لكن من واقع الدعم الظاهر في الحله وانت شايف الإمور ماشة بي البركة إن رجعته لي أقل خدمات الحلة الإنارهـ !!
وانت قلته ملتزم بي تدريس الطلبه اثناء تواجدك في الحله
تقدر تقول لي انت إجازتك كم في الإسبوع وكل كم إنت بتقدر تمشي الحلة وكان إتوفقته إسبوع التاني بيعارض لي أسباب كتيرهـ
!!!
أنا عجبتني فكرتك شديد واشوف نسبة نجاحة أكثر إذا كان إتعملت بي طريقة تجاريه
يعني يتفتح نظام مقهي إنترنت ويكون مزود بي ساعات معينة للتدريس أقرب لي النجاح خاصة إنو الساعة ممكن تكون بي الف أو الف ونص تغطي الفواتير والإيجار وتكون باب رزق لي صاحبه
!!!!
والفكرة قبلي اليوم كانت عند خالدهـ محمد احمد الشايقي (خالتـــــــــــــــي )
نظام معهد حتي وبعد الدراسة حتي انها كانت متعاقدهـ مع واحد من المعاهد في الحصاحيصا يعني نظام فرع في ابوفروع عشان تضمن شهادات معتمدهـ والفكرهـ كانت ناجحة نسبياً لكن إنقطعت بي سفرها لي السعودية وغير كدهـ إنو زمان الكمبيوتر مكلف وما إنتشر بي الوضع الحالي
!!!!!!
أرجو أن تتقبل مروري كرأيي الشخصي وإذا بقت المسأله دعم ابشر والله ما اتأخر ولا دقيقة وبينا اتصال
ونشوف الناقص شنو وحبابك آلآف
ونأسف للإطالة
أخوك دوماً وإلي الأبد
مجذوب عبدالعزيز مجذوب
الأخ مجذوب فعلاً ملاحظتك مفروض أنا كنت اكتبه من أمس مع الموضوع ، الفكرة أنو المعمل في المساء إشتغل إنترنت في الحلة لانو الناس حالياً بتمش الحصاحيصا عشان الإنترنت ولو أتفتح مقهي في الحلة أكيد بنجح الموضوع ده فيو دراسة جدوي انو ننسق مع اللجنة الشعبية نفتح المعمل في واحدة من المدارس اما بالنسبة للأساتذه والمدرسين من خريجي القرية والطلبة بكليات الحاسوب حتي لو المدرس من خارج الحلة يمكن تحفيزو من عائد الإنترنت ، بالنسبة للنت الdsl تكلفة (120) جنيه سوداني ممكن إشغل (10) اجهزة كمبيوتر لو إشتغلت خمسة أجهزة في واحد جنيه يعني في الساعة بتربح خمسة جنيه وبتتحاسب علي الdsl بساعة واحدة أقل من جنيه ده كلو بيرجع عايد ممكن تحفز منو الأساتذه وصيانة الاجهزة .
اشكرك الأخ الغالي مجذوب
وأشكر أيضاً الأخ مرتضي ود الشام
ونتمني ان يكتمل الموضوع بكل جدية بالتنسيق مع أعضاء المنتدي ورابطة أبناء القرية
والله الموفـــــــــــــــــق
التعديل الأخير تم بواسطة دفع الله ; 12-24-2009 الساعة 05:48 AM
الفهم أنو الطلبة إستفيدوا من الشغل العملي تاني حاجة النت بجيب عائد للأساتذة البجو إدرسو ذي ماقال الأخ مجذوب عبد العزيز بعدين النت في السودان بقي رخيص الشهر كلوا بي (120) جنيه سوداني والنت ممكن أجيب المبلغ المذكور في يوم واحد بالنسبة للكتب والمكتبة الثقافيةأصلاً موجودة والطالب بدرسة في المدارس عشان كده الهم الأول والأخير أنو الطلبة إستفيدوا من الشغل العملي ومن النت في إستخراج البحوث الدراسية
التعديل الأخير تم بواسطة دفع الله ; 12-31-2009 الساعة 01:51 PM
معمل كمبيوتر بالقرية
العرض العادي
