عشرين سنة عشرين سنة مرّن كدر مرّن ...ضجر مرّن .. عذاب مرّن .....عنا والطغمة ..كاتمين للنفس الظلمة ...قابضين في ...الرقاب عشرين سنة ..ورّتنا مُر ورّتنا ...ويل لايكين
عشرين سنة
مرّن كدر
مرّن ...ضجر
مرّن .. عذاب
مرّن .....عنا
والطغمة ..كاتمين للنفس
الظلمة ...قابضين
في ...الرقاب
عشرين سنة ..ورّتنا مُر
ورّتنا ...ويل لايكين صبر
عشرين سنة ونهارنا ليل
كل الجهات كل الدروب
شربت ..دَمي
وصبحت ..حروب
كم من حريم ..إترملن
وكانوا الضحية كتير شباب
عشرين سنة ...
إتبدلت ..أجمل قيم
إتشوهت .. أروع صفات
أنضر بنات الجامعات
مسيار ..وسر كتب الكتاب
عشرين سنة ...
ألفاظ جديده ومفردات
عمت ...وسطنا بلا إذن
شيِتاً .... ضبِح
شيتا .. سلِب
شيتاً ..تحرش و إغتصاب
عشرين ...سنة
وجيلاً ..كئيب
مافيش رقيب ..مافيش حسيب
عشرين سنة ..وعم الدمار
وكان الشعار :
" هي ..لله هي لله ..لا للسلطة ولا للجاه "
يا سبحانك ..يا الله !!
تجار ..الدين ..للجاه حارسين
بقبضة قوية .. وأقوى سلاح
" جاهزين ..جاهزين لحماية الدين "
حماية السلطة .. يا دجالين
عشرين سنة ..
جفت ..حقول
إتهمشت ..أمهر كوادر بالبلد
أميز عقول .. قد هاجرت
طشت .. مشت
إتوجهت ..فججاً براح !!!
عشرين سنة ..
عم البيوت لون البكا وطيف من نواح
القصة ما قصة نفاق
والقصة ما قصة رقيصاً هز عصا
القصة ما قصة حليفة بالقسم أو بالطلاق
والقصة قصة كيف نعيش نلقى الدوا
والقصة قصة كيف نعيش داخل نطاق
من الشرق حد الغرب
من الجنوب حد الشمال
كيف نكون سودان سوا مافيش محال
القصة ما قصة نفوجج بالشوارع والسدود
القصة يا عاقل تعال , القصة في قفة ملاح
والقصة قصة كيف نعيد إرث الجدود
والقصة قصة كيف نصون أعظم حدود
عشرين سنة و معاها حول !!
عم البلاد أفظع خراب
فيها العمارات ناطحن قمم السحاب
بس السؤال : هن هيل منو ؟
وكان الجواب : هيلة ثعالباً أو ذئاب
عشرين سنة ومعاها حول!!
وقف أقيف .. وقف يازول !!
عشرين سنة
إتلملمن فيها الدبايب
وعمت البلد المصايب
عشرين سنة
فيها العمارات ناطحن قمم السحاب
بس هيل منو ؟
هيلة ثعالباً أو ذئاب
قول يا معين
من شر ذاك المرفعين
التماسيح والكلاب
عشرين سنه
مرن كدر
مرن ضجر
مرن عنا
وعشرين سنة مرن عذاب
20 سنه !!!!!!!
العرض العادي
