منذ /06-04-2008, 06:43 PM
|
#1
|
• مجلس الإدارة
|
رقم العضوية :
55
|
|
تاريخ التسجيل :
Dec 2007
|
|
المكان :
ابوفروع
|
|
المشاركات :
1,340
|
|
يعيقك الله يا مجرم
هذه القصيدة قالها شايقي سُرقت ملاياته
تفضلوا
يعيقك الله يا مجرم
وكيف اسع تصدقني
وتسرقك بطنك ان شاءالله وتخليك ديمة متألم
حضير ان شاءالله يبراكا وفلساً للجيوب يخرم
والعطش اليحرق الجوف يخلي الفقراء قايمي وقاعدي ليك تعزم
تعيقني انا...
يعيقك الله يامجرم وبي مدفع كلاشنكوف يواليك في المسيمع عاد
يخليك لا سمع لا شوف
يجيك عميل من السوفيت مرسله ليك قورباتشوف
شايل حقنة حارقة معاه يحرق ليك قلبك وكبدك وحتى المعدة والشرشوف
تعيقني انا ..
يمين بالله لو سألوك نان عميان من الاسواق ..
تسوق الوتّي في ساقي تورها يقطع الخنّاق
تسوق ليك داف تدقشه ترلة في عقبة يخليك لا ضهر لا ساق
نان بالله لو سألوك ماتعرف القروش بي وين..
ناس بانية عمارات وناس راحات وناس تخزين
حكمت تجيني انا المسكين البلقط بي قرش وقرشين
تقرشك عقرباً تلقاك فوق الريق يكون جسمك مرطب تب ..
تقرشك سموم الصيف تخلي وشيك قائم حب
تعيقني انا ..
تطرشق لي برنامج اخطط فيه ليّ سنين
يطرشق فيك كمبرسون يخليك انت بس ساردين
ويطرشق فيك بوتجازاً يكون جنبك صفيح بنزين
وترقد ما نشوفلنا زول يقولنا ماشي في تحسين
تعيقني انا ...
كمان تسرق ملاياتي المن كيسها ما انفكت
يفكك مننا الله اليوم قبل باكر
يخليك لافّي صيف وخريف
يفك ضلعك تفارق عقلك تسك الماشي فوق عدلك
زي جملاً عشاه الزيف
تعيقني انا ...
نفسك فاتحة ترقد فوق ملاياتي ؟؟
ترقد يابا في عنبر نصيحه يشابي كايس سيده
ترقد يابا في قبراً اعوذ ربي من هوله وعذاب سيده
ترقد يابا في غرفة وتكون مفروشة بالصُرفة ونملها يخمو بالقفة
لا تشوف جنّة بي عينك ولا في العتبة تتعتّب
عشان عملك تملّي كعب
تسرق الجيب تسوي العيب
انت حرامي ود الكلب
انت حرامي ود الكلب
انت حرامي ود الكلب
dudr; hggi dh l[vl
|
|
|
|
العرض الشجري