واحة العزابة

واحة العزابة

الاخوة الاعزاء لكم وافر الود والتحيه وطبعا زي ماعارفين
الناس اتعودت على جبنة السارة بت كمال بس المشكله
انهم بشربوا الجبنه واطلعوا من الراكوبه زي مادخلوا ودي
المشكله .
تفضلت الاخت ساره بطرح موضوع للنقاش طال العذاب
جميعا ولكن للاسف لم يجد موضوعها اهتمام من رواد
الجبنه والراكوبه وكنت اتمنى لو احد رواد الراكوبه قام
بمناقشة الموضوع بكل جديه .
طبعا الاخت سارة ماقصرت جزاها الله كل خير لانها
طيلة الايام الماضية بتعمل في الجبنه والقهوة وبدون
مساعده من اي احد من الموجودين ماعدا اختنا nicy
nicy واعتقد ان الجبنه بتكون صعبة الصنع على شخص
او شخصين وخاصة ان الاخت سارة عليها ادارة حوار
الراكوبه ولذلك كان لا بد من مساعد لها وتبرعت اختنا
صفاء بالمساعده الله اديها العافية .
واخر الكلام اتمنى لو اي فرد من افراد المنتدى لو
تبرع بالحديث عن امال وتطلعات الاخوة العزاب
وماهو دافعهم للعذوف عن الزواج وما هي المعوقات
واتمنى من الجميع المشاركه في هذا الامر والدخول
لواحة العزابة وابداء الراي والراي الاخر ومعليش
ماعندنا جبنه لكن الشاي موجود والعزابه بجيدوا
عمل الشاي والمويه البارده موجودة بكثره
ياريت لو تبرع واحد وبدا لنا النقاش حتى نستفيد

المصدر: :::: منتديات أبو فروع :::: - من قسم: منتدى الحوار العام

---

,hpm hgu.hfm

سلامات يامين,,قلت احسن تفرد للموضوع بوست منفرد بعد ان (زاقو) من هناك

الموضوع ده ما بعرف اقول فيه الا ان هناك

حاجتين مابنفع فيهم الاقناع (العرس ..والسفر)

المابيدور هم مابتقدر تقنعه يسويهم..والبصر عليهم ما بقتنع تقول له اجلو..

انت يا امين عامل فيها ماعارف
((تحياتي)))

انشاء الله راجل مره ده غناء بنات زمان الله يديهن العافية قنوعات وبدورن السترة ، وبنات الزمن ديل الله يدينا خيرن ويعطيهن الفى مرادهن ، والمشكلة التى تواجه العزابه اولها الاختيار صعب شديد ، والماديات والفلوس ، وتكوين عش الزوجية ، الموضه الزمن ده عند البنات زواج عن طريق الحب والجرجره والطلعه والنزله في الفاضي ، الواحد اكان شال قدمو وراح يتقدم لبنت وهي ما عايزاه بتقول مرتبطه او عايزه تقراء ، وهي عايزه توزعه بس ، والشباب بتخوفو من الشواكيش وفي شباب وشابات متفرقين للحاجات دي فلان شوكشوها وفلانه خلوها . والتقيل جاى وراء.....

البساطة اذا قدر الفرد مننا يكون بسيط حلة المشكلة من الاتجاهين هو وهي

والسوأل المهم كيف نبسط حياتنا؟؟؟؟
والاجابة عويصة وعميقة!!!!

السلام عليكم يا اخوانى العُزّاب والعازبات : ربنا يفرّج عليكم وييسر ليكم اجمعين . احب ان اضيف حاجة بسيييييييييييييييييطة يا جماعة الخير العبد فى التفكير والرب فى التدبير . والله الزواج ده لا شطارة ولا عزل ولاهو حب عذرى و الشئ العارفنو كلنا ( القسمة ) اى ما قسمه الله لنا
اذكر هنا حديثا شريفا سمعته قبل زواجى ولا أدرى مخرجه أو راويه لكن ساذكر مضمونه وليدلنى اهل الخير : قيل ان صحابى سال رسول الله صلى الله عليه وسلم ان يدعو له ليتزوج فلانة . فاخبره الحبيب صلوات الله وسلامه عليه انه لو قام هو ومعه الملائكة وميكائيل ومن فوقهم جبريل لما كان الا ما اراد الله لانه هنالك ملائكة يدعون كل يوم ؛ اللهم زوّج فلان من فلانة وفلانة من فلان .... اعنى ان نرضى بان الله هو الرزاق وهو الذى يعلم الذى يضرنا وينفعنا . اتمنى ان لا نتعب فى الجرى وراء ما لم يقسمه الله . وعلى العبد ان يسعى وليس عليه ادراك النجاح .اجتهدوا وأنتظرو المكتوبة ولا يخشى احدكم الشاكوش وليعتبره تصحيح لمسار ه وتوجيه من الله لأمر آخر فيه خير للطرفين واختم قولى بشعر لعلى بن ابى طالب كرّم الله وجهه :
اذا قدّر الله فى حاجة اتى النجاح بها يركُضُ
واذا قدّر الله فى غيرها اتى دونها عارض يعرُضُ

اولا التحية لكل الاخوة المتداخلين ساره واحمد دياب
وهيثم عبد الرازق والاخ مجدي الطيب وعادل
الاخت سارة قالت انها لاتستطيع الكلام في الموضوع
لتاكدها من عدم جدوى النقاش في امور مثل السفر
والزواج وانا بقول ليها الارضه جربت الحجر.
اما احمد حسن تحدث بلغة الغموض اي لايفهم
الحديث الا انا واتمنى يااحمد لو اوضحت للاخوة رواد
الواحة الحديث وماعندك مشكله .
اما الاخ هيثم فكان رايه مختصرا وواضحا وقال
ان المشكله تكمن في الاتفاق بين الطرفين
وتبسيط الامور التي تصاحب الزواج.
اما عادل فذكر عدة اسباب تعلل البنت بالارتباط
لكي ماتزيح الخطيب وصعوبة انتقاء البنت او
الاختيار والماديات والى اخره
وتحدث اخونا مجدي الطيب بابكر حديثا مستفيضا
عن موضوع الزواج والمعوقات والامال والتطلعات
وتمثل بحديثا لرسول الله عليه الصلاة والسلام
وارجع هذه الامور للقسمة والرازق هو الله
ولكم التحيه جميعا
وارجو ان تناقشوا الموضوع بعمق اكثر حتى
نضع الحلول لمشاكل جميع اخوتنا الشباب
والباب مفتوح لغير العزابة

جزاك الله خير اخ امين كنا نحب ان نسمع رأي العزابة في راكوبة الاخت سارة كن الظاهر انو العزابة خايفين حتى في شرح اسباب عزوفهم عن الزواج . انا شخصياً اقول من خت الرحمن في قلبو وخت نية الزواج وعزم عليهو ربنا بيتم هذا الزوج حتى ولو ما عندك حاجة وممكن يكون عند ما يكفي لزواج 4 زوجات لكن ما عنك فكرة الزواج في رأسك والموضوع هين بس قولوا خير وخلو الباقي على الله.

اديك العافية اخوي صالح ونورتنا بمشاركتك
وتحفيزك للعذابة وتشجيعهم على الزواج
بس ياريت ياصالح لو اتكلمت لينا شويه
عن عزوف الشباب عن الزواج والاسباب

اخي امين تحاتي واشواقي
انا لا ارى شيئ يمنع من الزواج بعد تلك التسهيلات التي حدثت في القرية .وبعد دا لو قلو اي واحد يجي ويختار عروسة بدون اي قروش ما حيكون في متقدم . إلامن هو اصلا جادي في الزواج . وطبعا هناك من يضع البيت المكتمل من الالف للياء والعربة والرصيد في البنك . وهو واذا نطر لدخلو حيعرف انو هذا مسحيل هل معنى هذا ان اعزف عن الزواج ام اتزوج باستطاعتي وبمن تقلبل بظروفي التي يجب ان تكون هي على علم بها . ربما يكون الاختيار هو اصعب شيء بس لو من بنات القرية مكان مايعجبك افتح خشمك وكما ممكن يكون من اسباب العزوف فتحت الخشم لانو فيها دفع قروش المهم اخير من صمة الخشم والعزوبية. وبقترح نو في فتحت الخشم ناس العروس يدو اهل العريس اقروش ولا شنو ياااااااااااااعزابة ممكن دى تدي اعزاب دفعة وربك يسهل عليهم