أبوفروع وطنا ونحن نفخر بيها *** في كل المحافل حاضره وماضيها
اصاله وعزه بالقبائل الفيها *** ممزوجه في طيبة ومحنة اهاليها
فيها خلاوي تدرس القرأن *** يفوز بالتقوى قاريها
فيها رياض للأطفال *** تربي صغاره وتوعيها
فيها مدارس التعليم *** رساله عظيمه تديها
علوم و إرشاد وتوجيه *** مضمنه في معانيها
فيها نوادي رياضيه *** عناوين تنتسب ليها
فيها ابواتنا كبار وقار *** وهيبه في الوجوه كاسيها
فيها اماتنا الحنان والطيبه *** تفيض رقه وتموج بيها
وفيها شباب طموح وإراده *** علوم وثقافه خاصيها
يحفظ لي تراث اجداده *** ويعمر في اراضيها
وفيها النيل حافيها *** يفيض بي خيره يرويها
أبوفـــــــــــــــــروع
ناس بالطيبه والتحنان *** يقاسمو الزاد مع الجيران
قلوب معموره بالقرأن *** بيوت مفتوحه للضيفان
كفوف ممدوده للمحتاج *** بلا إمنان ولا عنوان
مجتمعين ومتواصلين *** في الأفراح والأحزان
دي عاداتنا وتقاليدنا *** بنفخر بيها في السودان
دي أبوفروع للماسمع ولا شافه *** ملامح بتعكس جمال لوصافه
ما بنقدر نعدد فيها *** من كل شجره قطافه
ومهما كتبنا وقلنا *** ما بنطول إنصافه
بقلم إبن أبوفروع الشاعر المبتدئ محمد أحمد الزين حاج الامام(اب سن)
أبو فــــــــــــــروع
العرض العادي
