تجهيزات خاصه ..وطعم اكثر خصوصيه

تجهيزات خاصه ..وطعم اكثر خصوصيه

بسم الله الرحمن الرحيم
السلام عليكم
اهنى الشعب السودانى عامه والاهل بابوفروع خاصه وجميع الاخوان والاخوات بالمنتدى بحلول شهر ذو الحجه ،اعاده الله علينا وعلى جميع المسلمين بالخير والبركه.
كلها ايام ونستقبل عيد الاضحى ،وكل عام وانتم بخير مسبقا
الكمونية والمرارة.. تجهيزات خاصة وطعم أكثر خصوصية ..............


الكمونية والمرارة طبخات سودانية خالصة التي يعرفها جميع السودانيين. فالمرأة الفنجرية هي التي تجيد طباخة الكمونية التي يعتمد عليها في المناسبات .فينبقى أجادة حلة الكمونية إلتى يترقبها جميع الناس.
أما في عيد الأضحى فتحرص كل ست بيت على أن تعمل الكمونية سواء على سبيل التعليم أو كانت تجيدها، أما المرارة فهي أكثر سهولة من عمل الكمونية إلا أنها تحتاج إلى تنظيف شديد .

المصدر: :::: منتديات أبو فروع :::: - من قسم: منتدى الحوار العام

---

j[id.hj ohwi >>,'ul h;ev ow,wdi

اى سيده يمكن ان تجيد طبخ الكمونيه،ولكن المحصله النهائيه التى تبين من تجيد الكمونيه من التى لاتجيدها ..
ومن لم تستطع عملها هذا العيد عليها الاجتهاد فى المناسبات القادمه.
اليكم المقادير:ـ
تبدا اولا:
بتقطيع البصل دوائر ثم وضعه في حلة نظيفة ووضعه على النار ونصب الزيت وتحمر البصل لمدة عشرة دقائق.
ثم يصب الماء و يضاف عظم من اللحم لتطعيم الحلة لأن الكمونية لوحدها غير كافية.
ثم تترك الحلة في النار ويضاف قليل من البهارات.
وتبدأ نظافة وسلق الكرشة والطوحال والرئتين وتقطيعها في أحجام صغيرة وبعد البصل تضاف الكمونية والصلصلة وبعد عشرة دقائق تضاف الثوم والفلفل ومكعب ماجي ،ثم تخفض النار وتترك قليلا وتنزل من النار.
أما المرارة فهي نوعان المرارة التي تصنع نية حيث تحتوي على الكبدة وجزء من الكمونية والبصل والليمون والفلفل.
أما النوع الثاني هو الذي يطبخ ويضاف إليه الدكوة والبهارات.
وبالهناء

اذا اعتبرنا الكمونيه والمراره اكلات شعبيه ترجع جزورها واصولا للماضى البعيد.
ونظرنا للجيل الجديد بعين الاعتبار ،وخاصه فى بلاد الغربه
اولادنا وللاسف الشديد اذا شاف الواحد صحن الكمونيه او المراره فى الصينيه بخلى الاكل .
فى المستقبل.... والمستقبل القريب هل يستطيع الجيل الجديد المحافظه على اكلاتنا الشعبيه السودانيه وعلى تراثنا وماضينا وحاضرنا؟؟؟؟؟

اختي تيسير
كل عام وانتم بخير
والف شكر على الوصفة الرائعة ,,,, وبلا شك اصبحت كثير من الطبخات السودانية من الماضي او في طريقها الى الزوال لان الجيل الجديد كما قلتي لايحبها او غير متعود عليها (( جيل الاندومي والشاورما و ....))
اكرر الشكر على الوصفة للكمونية ,,, وجات في وقتها .

اختى العزيزه /

كل عام وانتى بالف خير . وتحيه خالصه لاستازه ام سلمه

رغم انو باقى لينا اسبوع الا انو والله جريتى ريقنا . وحقيقى عيد الاضحى تحديدا ليهو نكهتو المميزه

بطعم لحمة الضان , والمراره والمشاوى والمتبلات الشهيه . واوعى تنسى الشربوت .خليتينى اسابق

الاسبوع . لفته بارعه منك اختى تيسير فى وصف الكمونيه علشان العزابه من الشباب يعرفو يتصرفو

لكى منى التحيه واسمحى لى من البوست بتاعك دا افتح نداء عاجل لاى عزابى محتاج مساعده

فى اكلات عيد الاضحى ما يخجل ويخش علينا منو ونحنا تحت الخدمه .

سلام
وكل عام والجميع بخير وينعاد عليكم بالصحة والعافية

بالله ركزي لينا على الشية واللحوم ،

الاخ /صديق شكرا لمرورك الجميل
( اظنك انت ياخوى اشتريت خروف العيد )
الجماععه المعاى قلوا عشان جهزتى الكمونيه والمراره من بدرى السنه دى خرفان مافى .
... وعيد سعيد يعود عليك وعلى ا سرتك الكريمه بالخير والصحه والعافيه...

الغاليه /كوثر يوسف
كل سنه وانت طيبه ،سعيده شديد بمرورك ،التحيه ليك ولاسرتك الكبيره والصغيره
طبعا العيد عندكم ليهو طعم ونكهه خاصه
الجماعه الطيبين قا لوا للنسوان /التوب ولا الخروف؟ انتى اسمعى كلامى قولى ليهو احسن لى التوب ،وبعد ماتضمنيهو بعدين حرشى ليهو الاولاد للخروف..
يوصل سلامك لام سلمى وهى حاتعيد معاكم فى الحله انشاء الله
بخصوص الشربوت ياريت تديتا وصفتو عشان لو مالمينا فى الخروف مايفوتنا الشربوت
لكى شكرى وتقديرى .

مليون مرحب ياناس الاداره

كل عام وانت والاخت لليان واعزائى الصغاروالاهل بالف خير وصحه وعافيه .
يااخوى قبل ما اركز ليك على اللحمه والشيه ركز لى انت على مشكلتى فىدخول المنتدى ،
رفعت ليكم شكوى من الاسبوع المضى واديتكم مهله يومين وبعدها حا انظم انقلاب .اعمل حسابك راجعه بعدين لى شيه الجمر والشطه0

الاخ/ معتز
اولا تحياتى لى دينا
بعدين انت شيه الجمر دى عندك ليها حوش ولاشنو
عشان مشكله الحيشان دى حانعمل معاها لحمه بالصاج