تحياي اخي سامر
الجلابية الانصارية دى اخراج وتصميم سودانى 100% والاصلية البتلقى فيها
جيب ورا و واحد قدام , و قصة الجيب البى وراء
دى قالوا ايام زمان كان الواحد بخت الحاجة الفائضة من قروش وبلح
وكل ما يمكن وضعه عشان المحتاج يشيل بدون ما يسال ولا كمان الزول يشوف
الشال منو .
وكمان ازيدك بيت ( يادة على كرم السودانيين )
قرأت فى احد المنتديات ان اسم الكبسة ( الوجبة السعودية ) قالوا سموها السودانيين بهذا الاسم
كانت هناك باخرة تاتي بالحجاج السودانيين مملؤة بالطعام الذي كان يتالف من قدح كبير ( كان يستعمل هذا القدح في السودان في السابق في المناسبات الدينية والاعياد والحوليات )
هذا القدح مملؤ بالرز مع اللحم لان السودان لدية ثروة حيوانية كبيرة كانو ياتون بلحم الغنم ( الضأن )
وكلمت الكبسة اتت من الاتي :
كان الناس يتجمهرون بكميات كبيرة ويذهبون نحو هذة القداحة المملؤة بالارز واللحم , وكان السودانييون حين يشاهدون الناس بهذه الكمية يقولون ( الكبسة جات ) وهم كانو يقصدون تزاحم الناس فيطلقون عليها كبسة ( من المعروف لدينا في السودان الكبسة هي الزحمة ) .
فظن البعض ان اسم هذه الوجبة من الطعام هو (الكبسة) فسار عليها هذا الاسم .

ولك الشكر