اهاب هذه الفكره كثيرا مجرد فكره ان اغترب عن وطني واهلي وااحبابي تثير هلعي واحتار في اولئك الذين يقضون سنوات وسنوات خارج الوطن دون حتى زياره واتساءل بيني وبين نفسي كيف يستطيع الانسان ان يتحمل الآم الوحده والبعد
تابعت باهتمام كل ما جاء في بوست الغربه واحيي كل من اسهم برأيه ولكني حقيقه لم اجد ما يشفي غليلي ويجيب علي تساؤلاتي من واقع تجربته الخاصه والمنتدي ماشاء الله مغتربينو ماليهم حد !!!!!!!!!!!!!!!!
وبالبلدي شنو البخلي الزول يغترب سنيييييييين وما يفكر حتى في الزياره هل العائد المادي يستحق ولا في اسباب تانيه تخفي ولا تذكر
دا كلو كوم ولما يكون المغترب عندو اولاد ويكونو بعيدين منو كوم تاني هل لما يوفر ليهم القروش بكون قدر يعوض غيابو ؟؟؟؟؟؟
وفي حاجه تانيه محيراني الزول يغترب سنه ويجي لغته مقلوبه وكأنو ماسوداني شنو البخلي الواحد ينسى حتى كلامو ولا اصلا مافي هويه سودانيه ولا اعتزاز بالاصل ولا ثقافتهم غلبت ؟؟؟؟؟
البعض مغتربين في دول اجنبيه اولادهم ما بتكلمو عربي حتى خليك من سوداني
الوطن ما بس ارض لما تفوت منها تتقطع الصله الوطن احساس ... لغه ... عادات وتقاليد ... وثقافه ..... والهويه ما بطاقه شخصيه وجواز واقامه الهويه ملامح وصفات واخلاق واعتزاز بالوطن
شنو البربط المغترب بي وطنو ؟؟ كيف بحس بيه ويتواصل معاه ؟؟
هل المغترب يسأل نفسو مره هل ما يكسبه من الغربه يعادل ما يفقده فيها ؟؟؟؟؟هي هواجسي من الغربه من دون تجربه فيا من جربتم ماذا بعد الغربه ؟؟؟؟؟؟؟؟

---

lh`h fu] hgyvfi