منذ /07-01-2008, 09:19 AM
|
#1
|
• مجلس الإدارة
|
مُنادي الشوق
مُنادي الشوق
السر عثمان الطيب
مُنادي الشوق ينادي داير أرجع لي بلادي
أحكي للطيبين وأغني أنسى ألامي وسُهادي
أصلي ما كان في مُرادي يوم أفارق داري غادي
أهجُر الأوطان وأسافر بالسنين يبقى إبتعادي
بلدي طيبة وما بتعادي وفي الكرم غنالها شادي
دوزن الألحان وأبدع راح يطوف كل البوادي
حبي ليها وريدها زادي شايلو في عيوني وفؤادي
ليها برسل كل حروفي ودمعة الأشواق مدادي
شوقي ليها ولي ضِفافها وطهرها ونورا وعفافا
سلسبيل نيلها البيجري بالسنين خدّر جفافا
أي زول لو مرة شافها زاهية في حُلة زفافا
تاني يحلم ما يفوتا لو زمان الوصل صافَ
شوقي لي ذرات ترابها ولي سهولها ولي هِضابا
زهرة الياسمين تضاحك خُضرة الصفصاف في غابا
طفلة من الزاندي دابا عنفوان القاش شبابا
راقصت في عبري رنة حلوة من وتر الربابة
شوقي ليها ولي نعيما وفوقنا دايماً راشة غيمة
روحي من الغربة ضاقت دايرة ترجع لي قديمة
كل ما نطرى بلدنا ديمة تنهمر دمعات أليمة
نحن إخلاصنا ووفانا لي بلدنا بقالنا شيمة
lEkh]d hga,r
|
|
|
|