عليك الله
ياهنايه قولي جايه
كل الابواب تفتح بدون مفتاح
وبلدنا من البلاك لست ينزاح
كل همنا يبقي الاندياح
وجوانا من العذاب يرتاح
يملاهو ضوء شمس الصباح
ترجع نعيش في الوطن السماح
نعلم صغارنا معني الكفاح
يبقوا سندنا والعصايه
قولي جايه
النزاعات تنتهي وتقيف
نمسح الدم النزيف
القاسي يصبح أليف
كل السنه تبقي خريف
المراوح تنقلب تكييف
بدل الكسره نعوس الرغيف
يوم وصولك الكل يقيف
تسبق الاشواق خطايا
قولي جايه
السفيه يصبح مؤدب
يستقيم العودو احدب
الملوه تبقي اردب
الكل في دياري رطب
تنفرج كل الكرب
ما اصلو شوفتك
لينا غايه
قولي جايه
الحكومة تمنع الاغتراب
نرتاح من الالم العذاب
وكل طائر لعشو آب
فطورغداءعشاءشيه وكباب
يرجع في روحنا دم الشباب
الوزير والغفير اعز اصحاب
فرد للنهايه
قولي جايه
نيمتنا تطرح زيتون
نحلب اللبن من الليمون
كديس فار ياكلو في فد ماعون
من شجرة العيبه يبثوا سبيس تون
وتبقي ادمونا وابقي زيزفون
وبعد طول غرام يتزوج
هناي هنايه
قولي جايه
الجفاف الضاربنا ليهو فتره
ارضو تنمو تبقي خضره
والمشوكش جرحو يبرا
والجاهل يبدا يقرا
والبشارات لينا تترا
دكان الدزوم يبقي شبرا
وكل زول شايل الهدايا
قولي جايه
الحدبه تصبح اليونان
ونانسي عجرم بت الجيران
واهم شئ في الدنيا الانسان
دهب الشبكه يجيبو بالكيمان
والملابس في تريلات كمان
وابقي جنت لي مع جاكي شان
وكل زول يسموهو ابوسفيان
اسمي وعاجبني وكفايه
ويلا ياهنايه
عليك الله
تــــقولي جـــــاااااااااااااااايه

---

rJJJJJ,gd [JJJJJJJJhdi