بسم الله الرحمن الرحيم
مبدأ كل شئ عظيم
يا واحد يا فرد ياصمد
ارحم واغفر لبنات الاسد
بنات الاسد
الحبل الممدود الوتر المشدود
منابع العطا والجود
وجودكن لحن يسر غيمه تشر
سحابه تدر تصبح للمساكين قوت
شايلات محنة العمات
والخالات والامات
والود الغرستنو فينا زمان
حيفضل فينا حي ما بموت
والحب الربط بيناتنا
من وعينا للدنيا
ابدا ما بنخلي يفوت
رحيلكن ياشذي الازهار
فقد كبير
ورغم يقينا
انو الموت علينا فرض
بكينا كتير
وزي السيل دمعنا غزير
حضنا احفادكن
اليادوب صغار ما بعرفو الطير
قبل ما يتهنوا بي شوفتكن
وينهلوا من نبع حنانكن الفياض
صار ما صار
امر ولابد نافذ
دا المكتوب قضاء واقدار
وداعا يا منابع الطيبه
ما دام ربكن الاختار
اللهم اجعل الجنه مثواهن
مع الشهداء والابرار
اميييييييييييييييين
(أماتي القبيل بي حنهن لجني
كرفه وقدله كيف شوق اللبن رجني
حزنا جاني في ميع الصبا يلجني
اطلع مني يا جلدي المنمل جني
واطلع مني يا حزنا بقي مكجني )
fkJhj hghsJJJJJJ]