بسم الله الرحمن الرحيم

السلام عليكم ورحمة الله وبركاته.
اخى احمد دياب قبل التعليق اسمع دى : واحد من الحلة الان دكتور كبير كان شغال بنيان مع مجموعة من الفروعيين فى احدى قرى الحلاوين تقريبا ود بهاى . يوم العتب صاحب البنيان قال ليهم امشو الزريبة شيلو ليكم خروف ونحن ناس البيت بنضبح بى طريقتنا . زولك مشى الزريبة وقعد يتبتب فى الخرفان داير ليهو واحد سميييييييين اخر شئ لقى اثنين زى بعض اتوكل قطع راس الاول وضبح التانى . سيد البنيان قال ليهو : ده شنو ؟ انا قلت ليك واحد . اخونا قال ليه ( والله غلبنى اعزل ). ذكرتها بمناسبة الاقتراح الذى ينص على ختيار افضل مشاركة .
لو خيرونى بينك وبين الاخ يوسف اسماعيل من حيث روعة المواضيع والطرح والاجتهاد فى المنتدى وقالو لى اعزل الافضل . بسوى زى اخونا الدكتور