[align=right]00000حمد لله علي السلامة يا سليمة ...سالمة جابت ولد.
00000 الله يسلمك يا بت الفكي .
0000 ايوي ...يوي ..يوي...يوي..
وتعالت الزغاريدتشق صمت الليل وشاركت فيها كل الحاضرات ماعدا عجوز نصف عمياء تمشى علي ثلاث وتهتدي برابع اسمها(بت الود) ولهذه العجوز مشاكل مع سليمة لان الاخيرة طعنت في نسبها ، فبت الود من قبيلة الجابراب من ام دقرسي وهي تقول انها (بت الود والود ود محمد ومحمد ود غلام الله وغلام الله ود الرسول) ولما قالت لها سليمة (بسند من فار الكتب )ان الرسول ليس له ولد اسمه غلام الله ناصبتها العداء .
وقفت ت الود في منتصف الغرفة وضربت (الامينة ) بعصاها كي تنصت الحاضرات ثم سالت سليمة.
00000الوليد ده ابوه منو؟
فسكتت سليمة وسكت جميع النساء ولم يجبها احد فرفعت سالمة راسها من علي الفراش ومدت يدها نحو السقف حيث مايزال الحبل الذي كانت ممسكة به عند الطلق متدليا يتارجح وقالت:
00000 ابوه السما داك .بتعرفي السما؟
00000 والله عجب . وسميتي منو؟
00000سميتو .سالم ود الماجدي ود الرسول.
0000 بري كر !الرسول بارمنو سالم ود السما.
ولم ترد عليها سالمة بل اعادت راسها الي الفراش وهي تتلوي من الا لام بعد الوضع .نهضت سليمة
0000 اغسلي البت واقطعي صرت الوليد يابت الفكي انا ماشا اكلم ابو كتيرة
وكان ابو كتيرة قد عاد للتو من المسجد بع ان ادي به صلات الفجر فهو يصلي الاوقات الخمسة به . وعد الصلاة جلس ليتلو راتب السمانية ( امسينا في حماك يا الله ) مع الخليفة حمد والشيخ الامين ود الجبارة واحمد ود النيل والبشير ودابتر وحاج عبدالله ود محمد احمد ومحمد ود عبد الصادق ، وبعد ان عاد الي البيت اخرج مصحفه من الجراب وداء يتلو بعض الايات والمصحف مكتوب بخط اليد علي ورق اصفر سميك.
00000 البنية انحلت يا حاج عبد الله .
0000 حمدلله علي السلامة. جابت شنو؟
00000 الله يقبل حمدك . جابت ولد وسمينا سالم .والله الوليد قطعة منك
00000الله يبارك فيه ويكفي شر المايدية.
0000 سجم خشمي المايدية سوينا ليهم شنو؟
وبعد ان راى قلقها بدل ما كان ينوي قوله واضاف.
00000 بنخاف عليه من العين
00000 نحن في حمي ود الشافعي وتور مني .. بعد ما تتم القراية تعال ريق الوليد.
0000 سمح .سوقو الخروف الاشقر داك اضبحو وخلو البنية تملا منه بطنها
00000 كتر خيرك وبارك الله فيك.
وبعد ان انصرفت سليمة اخذ قلما من البوص وغمسه علي دواية كانت علي المنضدة الصغيرة التي وضوع عليها المصحف وكتب علي هامش الصفحة التي كان يقرا عليها
(سالم عبد الله ابو كتيرة ،ولد سنة كتلت ود حبوبة) ثم خرج ليرق الطفل
وترييق المولود يكون بمضغ تمرة وصب جزء منها في فمه .ويعتقد الناس ان الطفل يرث صفات الشخص الذي يريقهزلذلك هم يتوخون الدقة الشديدة في للاشخاص الذين يقومون بترييق ابنائهم. فالولد يختارون له افضل الرجال خصالا واعلاهم مرؤة والبنت يختارون لها اوفر النساء جمالاً وانقاهن سريرة.
0000الولد ده خلقو ضيق .. اتقول مريقو نمر!
0000البت دي اكاله ...التقول مريقاها بقرة!
0000 الولد ده مكار وبحب حق الناس .. التقول مريقو ثعبان[[/align]!