قالو واحد رباطابي قالو ليه الدابي لمن يعضي زول بخلي سنونو فيهو وبيمشي
قال ليهم طيب اذا مشي ولي قدام لقي زول تاني حبي يعضيهو
قالو ليه بتقوم ليه سنون تاني
قال ليهم لي دابي وللا دباسه
.................................................. .............
غنمايه بتعمل ميك أب وتتمكيج قدام المرايه .. قالت لنفسها مش حرام الجمال ده كلو يروح لواحد تيس !!!
.................................................. .............
قالوا واحدة من حريم الرباطاب كانت بتبيع زلابية وطعمية للركاب في محطة ابوحمد
بعدين الايام ديك شغلوا القطر الاكسبرس وكان ما بيقيف في اي محطة
المهم الحاجة دي القطر جا ماشي فيها بووووو وماباعت اي حاجة وقامت رجعت البيت
قام الراجل قال: ان شاء الله بعتي كويس الليلة
قامت ردت :
بعت شنو الشئ ما جا ماشي فيني زي ترجمة الفلم الاجنبي
.................................................. .............
تلاته مساطيل راكبين في طيارة هلوكوبتر بسطلوا
والطيارة في الجو
قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت
.................................................. ...........
في واحد مسطول أختو سألتو :
إنت تعال .. أحمد شاويش ده أخو محمود عبد العزيز ؟
رد المسطول :
لا يا عويره دا تشابه أسماء ساكت .
.................................................. .........
مسطول بيضرب بوهية
قالو ليهو خت جريدة تحتك
قال: لا لا كدة محصل
.................................................. .........
سواق حافله مسطول الكمساري قال ليهو: اللستك نزل, قال ليهو: ما تشيل منو
.................................................. ........
مسطول اشترى خروف ضعيف شديد ..ابوهو قال ليهو دا شنو الخروف الضعيف ده.. قال ليهو ماتشوف الجسم شوف العيون كيف؟