اخونا حاتم محمد دفع الله سلام عليكم ورحمة الله تعالي وبركاته ومتعك الله بالصحه والعافيه
مشكور علي الكلام الجميل دا وفعلا المنتدي ليهو مده نايم ماعارفين الحاصل شنو هل هي
مشغوليات الحياة ام اسباب تانيه لانعرفها وكثير من اعضاء المنتدي ليهم مده ماظاهرين
مشتاقين لي كتابات الدكتور الطيب سعيد ومعلوماته المفيده وايضا عمنا العزيز محمد عوض سليمان
ليهو مده ماظاهر عسي المانع خير و اما الشباب والشابات فحدث ولا حرج مقطوعين خالص من المنتدي
وانا بعتبر المنتدي دا هو حلقة الوصل الوحيده الرابطه بين اهلنا في ابوفروع ونحنا كمغتربين
وبتمني من كل الاعضاء يصحو النوم شويه لانو في مشروع اناره للقريه ومحتاج الناس تتكلم فيهو
والمنتدي هو المكان الوحيد للنقاش في هذا الموضوع