ﺍﻟﻘﺼﻪ ﻣﺎ ﻗﺼﻪ ﻳﺨﻮﺕ
ﺍﻟﻘﺼﻪ ﻗﺼﻪ ﺷﻌﺐ ﺟﺎﻳﻊ ﺩﺍﻳﺮ ﻳﻤﻮﺕ
ﻗﺼﺔ ﺍﻟﺒﻠﺪ ﺍﻟﻤﻜﺘﺢ
ﻭﺑﺎﻧﻲ ﻓﻴﻬﻮ ﺍﻟﻌﻨﻜﺒﻮﺕ
ﻗﺼﺔ ﺍﻻﻳﺪﺯ ﻭﺍﻟﻤﻼﺭﻳﺎ
... ... ﺍﻟﻘﺎﻟﻮ ﺍﺯﻣﺔ ﺑﻨﻜﻨﻮﺕ
ﻗﺼﺔ ﺍﻟﻜﻠﻰ ﻟﻤﺎ ﺗﻔﺸﻞ
ﻣﻦ ﺷﺮﺍﺏ ﻣﻮﻳﺔ ﺍﻟﺒﻴﻮﺕ
ﻗﺼﺔ ﺍﻟﺴﻴﻞ ﻟﻤﺎ ﻳﻄﻔﺢ
ﻓﺎﺕ ﺧﻼﺹ ﺣﺪ ﺍﻟﺴﻜﻮﺕ
ﻗﺼﺔ ﺍﻟﻮﻃﻦ ﺍﻟﻤﺠﺮﺡ
ﻭﻛﻞ ﻳﻮﻡ ﺧﺎﺷﻴﻬﻮ ﺑﻮﺕ
ﻭﺍﻳﻪ ﺍﻟﻔﺮﻕ ﺑﻴﻦ ﻓﺮﺡ ﺍﻟﻮﻃﻦ
ﻭﻓﺮﺡ ﺍﻟﺤﺒﻴﺒﻪ ﻭﺑﺴﻤﺘﺎ
ﻭﺍﻳﻪ ﺍﻟﻔﺮﻕ ﺑﻴﻦ ﺍﻟﺮﻓﺪ
ﻭﺑﻴﻦ ﺍﻟﻀﻴﺎﻉ ﻭﺍﻟﺸﻠﻬﺘﻪ
ﻭﺍﻳﻪ ﺍﻟﻔﺮﻕ ﺑﻴﻦ ﺍﻟﺮﺳﻢ
ﻓﻲ ﺍﻻﻣﺘﺤﺎﻥ ﻭﺍﻟﺸﺨﺒﺘﻪ
ﻭﺍﻳﻪ ﺍﻟﻔﺮﻕ ﺑﻴﻦ ﺍﻟﺮﺳﻮﻡ
ﻭﺑﻴﻦ ﺍﻟﻘﻠﻊ ﻭﺍﻟﻬﻤﺒﺘﻪ
ﻭﺍﻳﻪ ﺍﻟﻔﺮﻕ ﺑﻴﻦ ﺍﻟﻤﻘﺎﺑﺮ
ﻭﺍﻟﻀﻤﺎﻳﺮ ﺍﻟﻤﻴﺘﻪ
ﻭﺍﻳﻪ ﺍﻟﻔﺮﻕ ﺑﻴﻦ ﻣﻮﺗﻪ ﺩﺍﻳﻤﻪ
ﻭﻻ ﻣﻮﺗﻪ ﻣﺆﻗﺘﻪ
ﻫﻞ ﺟﻴﻨﺎ ﻓﻲ ﺍﻟﺰﻣﻦ ﺍﻟﺨﻄﺎ
ﻫﻞ ﺟﻴﻨﺎ ﻓﻲ ﺯﻣﻦ ﺍﻟﻀﺠﻴﺞ ﻭﺍﻟﺴﻠﺒﻄﻪ
ﻫﻞ ﻧﺤﻦ ﻋﺎﺟﺰﻳﻦ ﻋﻦ ﻣﻮﺍﺟﻬﺔ ﺍﻟﻤﺼﺎﺋﺐ
ﻭﺍﻟﻤﺤﻦ
ﻫﻞ ﻧﺤﻦ ﺍﻛﻮﺍﻡ ﻣﻦ ﻫﻼﻓﻴﺖ ﺍﻟﺰﻣﻦ
ﻫﻞ ﻧﺤﻦ ﻛﺎﻻﺑﻄﺎﻝ ﺑﻨﺪﻓﻊ ﻓﻲ ﺍﻟﺜﻤﻦ
ﻫﻞ ﻧﺤﻦ ﺟﺎﺩﻳﻦ ﻓﻲ ﺍﻟﻮﻃﻦ؟؟؟
ﻫﻞ ﻧﺤﻦ ﺍﺧﻮﺍﻥ ﻓﻲ ﺍﻟﻮﻃﻦ؟؟؟
ﻫﻞ ﻧﺤﻦ ﺍﺧﻮﺍﻥ ﻓﻲ ﺍﻟﻤﺤﻦ؟؟
ijvai