الاخ العزيز جدا الفاتح

موضوع التلفونات واستعمالها ثقافة جديدة علينا خصوصا الموبايل وهنالك من اجاد استخدامها وهناك من يستعملها والسلام.

لا اريد ان أشخصن الموضوع ولكنى لا اتصل على كائن من كان اتصلت علية ولم يرد مكالمتى مع تاكدى بانة يعرف رقمى مالم يعاود الاتصال بى ولو بعد حين لكن يالفاتح البتصل عليهو ولايرد حسب تفسيرى ما دايرنى وعدم الرد رسالة دبلوماسية ( ]ازول انا مابدورك ولاتتصل على) وهنالك أستثناءات
الاشقاء وام العيال والعيال لانو واحد فيهم جائز كابى الزوغة منك ومن تعرفهم جيدا بانة هنالك سبب جوهرى لم يمكنة على الرد على تلفونك غير كدة مهما كان اتصلت علية وصهين على طول بصهين مرتين بدل واحدة . وبالمقابل لا أتجاهل اى اتصال على تلفون مهما كان .

بخصوص قفل الخط فى الوجة حسب رأى يعتمد على الحالة والموضوع الذى يخوض فيهو المتصلين ( الاتنين) .
تحصل احيانا انك مجبر تقفل الخط لكن لابد من الرجوع والاعتذار للشخص مهما كان .
عموما شخصيا بتحصل لى نادر جدا ولكن مع اقرب الاقربين فقط ولابد من الرجوع والاعتذار واكرر يالفاتح انو قفل الخط بيعتمد على الموضوع البناقشوة المتصلين لانو احيانا بتصلوا لنقطة مافى حل غير قفل الخط والرجوع بعد فترة الناس تكون حصل ليها بعض الهدوء مع تحياتى وكتر الطلة عليك اللة مواضيعك ومداخلاتك لها طعم خاص جدا.