غلطانه إنتى كمان معاى
غلطانه الظروف
البتمسك ضحكة الغيمه
التهامس فى الشروق
ولهانه دمعات الحروف
لما تتعاكس خُطاها الأزمنه
وتنسج أهازيج إرتحال
تشرقنا زى أطفال صغار
تنهيده شارده معبره
تتشابى أمواج من غـروب
تمسح عطور الريد ... وزمن جميل
وتزازى زى آهات غمام
تمنعنا
تسجن عصافيرنا الخيال
غلطان أمير الشوق شرقنا
الكان يفرّق بين حبـيبـين بالزحام
وغلطانه سكتنا الزمان
سابتنا للمشوار بحر
لا شمعه فيهو نقول أمل
لا بسمه
لا ميعاد حنان
يسبقنى شوقـو
أشد دقايقـو الناعـسه زى نغمة مساى
غلطانه إنتى كمان معاى
وإتلومنا فى الحب الكبير
لما قلنا نسيبو لحظه ... ونبتعد
واللهفه تبكى
ومشتهاى ...
ضمة عينيك وبسمتك
وندى الطفولة الفى إيديكى
يـقـشْ أساى
ودران طريقه تصدقى ؟!
الحلم البعيد
والنسيمه المستفيقه تنادى فى الموجه البعيده
تشد قفاى
وتبارى فى النور الظلام
دوخة أحاسيس تنسدل
ترمينى فى البُعد الرهيف
الكان يحرك شوقى شوق
ويقودنى سحر اللفته ناى
خدران مصير
وربِّـك إنتى
حتى طعم الحب نسيت أوراقو !
هل كانت خريف ؟
ولا كان صيف الشتا الممزوج دخان
وصدى
وخرير
بعدين معاك !
يا حُبى يا نغم الحمام
قصـتنا !!
ما ممكن
حرام
نقلع شتولا
ونبقى من جسم السراب
ويسوقنا ليل شاقـيهو نار
كيف ننسى يا إلهام ... وطن ؟
وأقولا ليك
وأزيد كمان
نسيان وطن فى الحب حرام
والله حرام
وظلم كبير يا كل مناى
-:[blink]مع تــــــــــــــحيات القيصر[/blink]:-