الاخوة والاخوات في منتدي ابوفروع السلام عليكم ،وإنشاء طيبين ودائمين مجتمعين ومتحدين،رغم البيارات الماليها حد وماشاء الله خدمات رديئه ومياة مكسرة في كل الشوارع،والظريف انو الصيانة بتاعة الشوارع بشترو اللساتك ب٣ و٥ جنية وبتصين ليهم علي الاقل شهراوشهرين وبعد شهر اوشهرين يعملوا نفس الشي ،وحمام دش مافي حمام حي وااااب عايزين حمام دش نخلي بيوتناونسكن جمب البيارة مثل العرب الرحل،والاخت كوثريوسف تعبانة من تكسر الموية شديد من الصباح عايزة تمشي الشغل عايزه ليها مركب عشان تصل لمواصلات الحصاحيصا في الجامع الغربي،ياشباب ابوفروع الحل ماقروش ولاكوادر ،ولا تقولوا اللجنة الشعبية عشان نندسه بيهم ،الحل عايز العين الحمره والنار بطفوها بالنار ،الرسوم الشهرية مدفوعه ،رسوم تغير الشبكة مدفوعة ،الاهل في ابوفروع مقصرين في شنو حاشاهم من التقصير الله يخليهم،ياجماعة ابوفروع مدينة لكن ماجايبين خبر،من الستينات كانت القري المجاوره بمافيهم الحصاحيصا بطحنوا دقيق العيش عندنا في طاحونة التعاون ،ولا ابوفروع خرفت وينطبق فينا المثل(اكان الاسد كبر الشاه بتلحسو).