الاخ الحبيب و الصديق البعيد الان و القريب زمان الامين
مالك داير تزيد البعد بعدما ما هو زماني لبعد فكري
انتا طبعا طرحت من خلال وجهة نظرك قضايا محورية تنصب في الاتي:
[1]عدم وعي المسلمين بمخططات الكفار ....دي انا بتفق معاك فيها لكن برضو في كلام كتير في كفار دي
2. عدم اقتناع بعض الجماعات بالعمل السياسي ( ودي انا معاك انها خطرة و كويسة و بنتناقش فيها
3. وجود عدم وعي فكري او عقيدي بمسائل الكفر و الايمان
4. مسالة شمولية الاحكام الشرعية لمناحي الحياة جميعها
5. تحديد القضية المركزية عند المسلمين

طيب ناخد القضايا دي واحدة واحدة
اولاُ عدم الوعي بمخططات الكفار دي انا معاك فيها بس هنا منو البمثل المسلمين ما هو كل جماعة بتتكلم عن احقية تمثيل المسلمين حتي جماعات الوسطية من جانب و حوار الاديان من جانب و ناس الترابي و الحكومة و الصادق المهدي و الجمهوريين بستندوا لايات و احاديث.
طيب علشان نختصر المسالة الناس ده كلها عامله فيها ( انا بقول عاملة لانو لو قلتا بتثمل بكون ما دقيق) بتتحدث باسم الاسلام. طيب نحن علشان نصل الي شي يجمعنا الناس بدأت كلها تتكلم عن الديمقراطية و بكل بساطة هو حق الانسان في تحديد من يمثاه علي كل المستويات.
طيب الناس كلها ما بتتفق الناس الاغلبية تجيب ممثلها في الوقت داك الجانب التاني الما اتمثل يدور عمل جما هيري وسط الناس و توعية لغاية ما يقنع الناس بالبرنامج بتاعة.
انا بعتقد وفق الحاصل الان ما في حل غير الديمقراطية بس الديمقراطية ما ممكن تكون مجزأة .
يعني مكن نظام الحكم يكون نظام جيد لمن تكون في احزاب هي زاتها منتخبة ديمقراطيا يعني تكون في مؤسسة مش رئيس حزب يستمر لاكثر من اربعين سنة او رئاسة الحزب تكون لاسرة محددة طائفية كانت ام جهوية.
انا بعتقد لمن تكون في حرية في اخحتيار المؤسسات بعد داك بتطور الوعي بالمصلحة و المصلحة المضادة وفق الرؤية الفكرية للمجموعة المتجانسة البتمثل الحزب او الفكر.
طيب كلامي ده علاقته شنو بموضوع الوعي بمخططات الغرب.
علاقتة انو ارتباط الوعي عندنا بالاعلام كبير جدا.
يعني الناس تعاين للتفلزيون و تسمع في الراديو و تقرأ في جرائد الحكومة بتاعات الحكومة
الحكومة قالت انفصال الجنوب لخير الامة ممكن 30% يكون رايهم ضد الحكومة و الراي ده مبني علي اننا في الوقت الحالي محتاجين لبترول الجنوب و محتاجين عبر الدولة الواحد لاستقرار سياسي يؤسس لدولة الشمال بعد 10 سنوات ممكن تكون قادرة علي استخراج بترولها و زراعة ارضها و الاعتماد علي زاتها
نفترض انو اكلام ده كلو صحيح يقوم التلفزيون كل يوم يجيب برنامج ساحات الفداء و الرئيس و انوابه و الوزراء و حكام الولايات و وزراءهم و معتمديهم و شنو شنو بتاعهم يتكلموا عن انو تحررنا من المشكلة ده ما بؤثر في الوعي
لمن تكون في ديمقراطية تتعرض فيها كل الاراء و تتخذ فيها كل الاراء بوعي بعتقد انه الناس بتمشي صاح
حول تفسير و الرؤية للاسلام ده زاتها بتختلف من مجموعة لي مجموعة
مثلا انا بري انو السلام دين فيه عدالة اجتماعية اكتر من اي تنظير سياسي و بعتمد علي انو التطبيق الاول للدين كان فيه الحل شوري و انتظمت روح التعاون و البساطة و الحل الظرفي اوجه جميع المعاملات.
الامثلة واضحة
في سيدنا ابو بكر عليه السلام تنازل عن امواله لخدمة الاسلام ( مش جمع الاموال باسم الاسلام)
الصحابة في الهجرة تركوا الاهل و المال للاسلام ( مش ااغتربوا علشان القروش زينا و لا رسلوا اولادمهم لبلادان امنة و اعلنوا الجهاد و ارسلوا فيه اولاد المساكين )
يني الفهم بلا تطبيق نبلوا و نشرب ميتوا.
النقطة الداير اصل ليها
نطبق ديمقراطية و الفهم الصحيح بتم عبر امكانية كل زول و وجه نظروا
بالمناسبة في احد كان في كتير من اليهود حاربوا لجنب المسلمين ضد كفار مكة
يعني حكاية المصالح دي بتكزون اجمل نحنا لو عاينا لي مصالحنا و كان لينا اليد العليا و خلينا الناس هي التخدم مصالحنا بدل نحنا نخدم مصالهم
ده يتم كيف .
حيتم لمن يوكن في منهج بوضح الاسلام بطريقته الدعوية الجاء بيها الرسول صلي الله عليه و سلم و د االان الشغل ده ماشي و نحنا يا الامين بدأنا الغزو للغرب .
الان الغرب متخوف جدا ان المسلمين في اوربا خاصة بريطانيا و فرنسا و المانيا اسبانيا حيكونوا قوة مؤثرة في القريب العاجل
طيب مجموعة المسلمين دي تكون فاعلة كيف
تستفيد من الديمقراطية و تطرح الاسلام الحسب تفكيري و تفكيرك صالح لكل زمان و مكان بطريقة تستوعب و تحل مشاكل الناس هناك في الغرب
انا بعتقد انه ده ممكن.
طيب البفيد اكتر هنا الطرح الاسلامي الصحيح الواعي بالعقيدة وفق مفهموي
بعدين
العقيدة ركنها الاساسي التوحيد
تاني مسالة اقتصاد و سياسة
طيب اجيك بكرة
لاني طالع الساعة هنا 9:17 مساء و انا قاعد من الصباح
الكلام ده نخلية ونسة كويس
سلام