منذ /07-10-2011, 12:20 PM
|
#1
|
عضو مميز
|
رقم العضوية :
259
|
|
تاريخ التسجيل :
Jan 2009
|
|
المشاركات :
373
|
|
أكتبي ياخطوط العرض وأبصمي ياخطوط الطول
كان في وطن طويل وعريض وكان انسانو أجمل زول
وسجل برضو ياتاريخ بقى السودان مصيرو افول
كانت أرضو اخصب أرض وكان لمساحتو مليون ميل
كان في الخارطة قلب أفريقيا وكان شاقية أطول نيل
كان فيه التعـــايش أكيد وكان فيه التراضي نبيل
تعال قولي منو البمنح إذن مرور لنهـــر النيل؟
ومنو البختم جواز ترحيل لسرب زراف إقامتـوأويل؟
واهم من يقول بيمنع تمازج البفــرة والقـُـنديل
وجاهل من يقول يحلم بفجر ألإخـــوة بصبح ليل
@@@@
وكان وكان وياما كان وكان في بلد إسمو السودان
فيه تزواج الابنوس مع النخلة وفيه تعايش السكان
فيه اسامه في نمولي وفيه ماجوك في ام درمان
تقدل ميري في الخرطوم وتفرح فاطمة في ملكان
لكن القدر فرق بقينا اعداء بدل اخـــــوان
انا زنجي وأبوي عربي وامي السُمرة في ألألوان
|
|
|
|