منذ /11-16-2010, 07:42 PM
|
#1
|
عضو مميز
|
رقم العضوية :
76
|
|
تاريخ التسجيل :
Jan 2008
|
|
المشاركات :
522
|
|
يا سودان
يا سودان
عشق اولاك ليك
عشق خرافي
ضم اولادك بين ضرعاتك
بي حضناً داااااااافي
عيش اللحظه بي قلباً صافي
وخلي الفرقه البينك
وبينهم ماااااااااافي
هدهد فيهم شوق الشوق
أزرف دمع الفرحه
خلي البهجه تحل
خليها تسيل في جوف اولادك
ليهو تبل
خليهم ينسوا زمان الفرقه
والغربه البتزل
كفكف دمعك بيهم
ارفع راسك فوق
كل اولادك رجعو عشانك
يا سودان
وختوا الايد فوق الايد
بكل حنان
وجدعوا وراهم كل الكان
وإتعاهدوا عهد رجال
أبطال شجعان
إنو يعمروا ارضك بي الواسوق
وانو سلامة ارضك
فوق اعناقهم دين
وانو الوحده خياراً
جاذب للطرفين
شمال وجنوب
قطراً واحد ما قطرين
ولو انشق الجسد الواحد
كيف الروح بتكون روحين ؟
كيف يتقسم بلداً
اتوحد فيهو حتي النيلين
ابيض وازرق شاهد اعمق
عند المقرن متعانقين
ابيض ابيض نيه
موجوا حنين
ازرق رمز العزه
هادر سادر كل حين
كيف يتفرق شعباً
اتوحد فوق ارضوا حتي النيلين
dh s,]hk
|
|
|
|