يا اخي شنو الحكاية نجي السودان و ما نلاقيك
المهم نحنا جربنا غربة الوطن . هي حارة بس بتنقدر لكن العطالة و الفلس ما بنقدر عليهو
اها اكان بنلقي في البلد وظيفة مقنعة بي ربع المرتب الهنا و الله الواحد بكرة يجي بس يا اخي السودان في شي عجيب ناس من دفعتك تقول ليك ماهيتها 10 الف دولار و ناس من نفس الدفعة و ممكن تكون مؤهالاتها اكتر المليون ده ( بالقديم بالجديد فرد الف) ما يشمو شم
اها غربة الروح انا بالواضح ما عرفتا بتقصد بيها شنو لانو فهم الروح عندي هي الروح البشرية
فالروح التي في عالم اللطف ( هي خارج التكييف و التعريف و الزمان و المكان ) اما في عالم الكثافة فتوجود الاجسام و هي عالم الاوزان و الاحجام.
و النفس تركيب بين الاثنين
غايتو نحنا غربة مغتربين دي قادرين عليها بس غربة روح حمان الله و اياكم
يا اخي انا ما عايز اكتر بس جيت الايام دي لقيت لي وقت ادخل النت و قلتا و قت ما قدرنا نصلك في البيت نتواصل معاك بالنت
تعرف سنة سنتين و ان شاء الله نرجع البلد و تاني الحجل بالرجل
سلام ليك و لكل الاهل.