/ البوم يا مفرحة
يا مفرحة
الجميل الجاي بكرة
أريتو بس لو عندو فكرة
أنو في غيابو إنجرحنا ولونت دنيانا حسرة
****
ناس كتار راجين مجيك يا فرح في العيد أطلة
ناس كتار حاسديني فيك وكانوا بس قاصدين مضرة
ناس كتار لو قالو ليك أنو ما فرقتنا مرة
أسال أيامنا الخوالي وأسال الجاينا بكرة
****
الظروف الفرقتنا علمتني كتير أعاني
أفتقدتك وكل لحظة كنت بفقد من كياني
الفراق اشجاني كلي واليقين بارح كياني
أفتقدتك ولما ترجع تعرف إيه الاعتراني
****
عقلي إنشغل
عقلي إنشغل
عقلي إنشغل بهواك والحكمة عيني
لاجة ومجافية النوم يا أربعيني
****
هاك بعض حالي البي روقي أسمعيني
جافي الغرام ما لقيت لي منو عيني
لو كان كلام في الطيف مرة أسمعيني
خليني أصل النار في هواك دعيني
****
فوق اللجانية علي لا تجرديني
توب الغرام ودوام عنو أنشديني
طايع أريد لي قساك باهي اليديني
مهما يلاقي عذاب قلبي السجيني
****
مهما يزيد ويصيد همي البجيني
لو كان يزورني الطيف مرة ويجيني
تلبس حظوظي السود ثوب اللجيني
أصبحت كل صباح يزداد أنيني
****
الودعوا إرتحلوا
الودعوا إرتحلوا
الودعوا إرتحلوا شالوا الهنا ورحلوا
ليه يعني خلونا وما رسلو وسألوا
****
إن قلنا نطراهم تألمنا ذكراهم
إن قلنا ننساهم كيفن بننساهم
عارفين طبايعنا في عيونا شلناهم
ما عرفنا درب الشوق من يوم عرفناهم
****
ترجع خطاباتم ما فيها ذكرانا
ما حسو بي شوقنا والزي ورانا
نحن ناس طيبة وشعورنا إنسانا
ونضحي للريدة ونموت علشانا
****
يا حليل محبتنا حليلا أياما
مرت بدون ذكرى وما ظلتا غمامة
ياما سعينالا مشينا قداما
فتحنا ليها قلوبنا وحفظنا إلزاما
****
حبيب فؤادي
طبعا يهواك
وطبعا يهواك
ولا أرضى هلاكي ولا أرضى سواك
يا حبيبي فؤادي طبعا يهواك
****
يتلالا خدك يلمع ضواك
يتمايل خصرك ما حملو هواك
يا مساوي البدر هو لا يسواك
لحظك يمرضني حق من سواك
****
يا الزهر اليانع رايق في ضراك
والعين لي غرامك شوقا تتباكى
ما أصعب حبك ياما أطراك
أنا قابل هجري لو كان سراك
****
أنا عندي هدية هي روحي فداك
يا ظالم رفقا بمن حباك
يا ساكن قلبي ومتى طرفي يراك
هل تدري عشوقا هو من أسراك
****
طبعا لا أعلم في الحب لولاك
يا منعش روحي يا معنى هلاكا
مهما تسلاني انا لا أسلاك
في قولت لالا ما أحلاك ....
أفكر فيه
أفكر فيه وأتأمل أراه جل وأتجمل
هلالي الهلا وأتكمل
****
تفاصيل قولي والمجمل
سأصبر ياخي إيه أعمل
إذا قلب الفتى إتحمل
مصايب الدهر والامو
أرى الصبر الجميل أجمل
****
حديثي ودمعي إتسلسل
فصول في رواية تتمثل
أقيف في مواقف أستبسل
وعن رؤيا الحبيب حالا
أبيت في مواقف أتوسل
****
هواك لي جسمي إتخلل
مجاري الدم إذا إتخلل
وقيع لي رضاه إدلل
وماهماه يا سيدي
دا واحدا أصلو بدلل
****
تذكر عهدنا الأول
صحي الأيام بتدول
قريب يوم داك ما طول
مضت أيام ويا حليلا
بقت أحلام بتتأول
والله يا زول بقت أحلام بتتأول
****
الماضي
وجاي تفتش الماضي خلاص الماضي ولا زمانو
وجفت مقلتي الباكية ونامت من سنين أحزانو
****
أرجع بالزمن مرة وأتذكر حكايتي معاك
تلاقى القصة جد مرة لأني راعيت شعور مضناك
وكل ما تزيدني في هجرك أقول ليك زيدني ما أحلاك
لا نفع التوسل ليك ولا هجراني يوم هماك
****
وجيت تترجى بالدمعات أسامحك أنسى أغفر ليك
أجفف دمعك الغالي مسامحك ما عشان عينيك
عشان تتعلم الغفران وتصفح لو الزمن جار بيك
وحاول لو قدرتا كمان تقدر رقة الحابيك
****
عزت نفسي مابية علي أسلم قلبي ليك تاني
سنين الهجر بيناتنا وحاجات تانية حامياني
ورجع الحنين عاد ليك من تاني وداني
ولو مكتوب علي أحب بحب أنسان يكون تاني
9/ البوم في بالي
قالوا لي سرو
قالوا لي سرو سر غامض ماقدرت أحلو
قريب قريب خلاص نبدأ بحر الزراف
نزور ونشوف أهلي الدينكا اللطاف
*****
أملنا على نهاية المطاف ومنا الكان هواب وخاف
دخلنا الميس خلاص وين فوق للرجاف
*****
ياجونقولي حاشا مانسوك أهلك تضافرو ونسوك
ياجونقولي حاشا مانسوك أهلك تضافرو هندسوك
بقيت مازي زمان
بقيت مازي زمان
كنت بدورنا وتزورنا وتسعدنا ياأمل من زمان
*****
الريدة بين الناس صلة ريدتنا ألحق حصلا
ليه يعني داير تفصلا ما الدنيا حب ومواصلة
*****
أسعدنا حبك ياجميل بقينا فيهو زمن طويل
ريتا أيامنا القلبيل ترجع تنوم العين قليل أ
*****
كل ليل تملي الروح هفا ليه رحت سبت المعرفة
علمتنا الحب والوفى من نار جفاك ياجميل كفى
سمحة الصدف
سمحة الصدف حلوة الظروف
وأنا ياجميل دايماً بزيد الحروف
بقول حلوة الظروف وادائما
*****
أصلي ماقادر أصف كل الحصل أنا
أصلو الحصل مابتوصفولابي حرف لابي غني
غايب سنة وفي لحظة بس نلقاك هنا
بالله شوف سمحة الصدف حلوة الظروف
*****
اللقيا عاد ماأجملا والله من يوم الرحيل
لاشوفتك السمحة إتلقت ولاضقنا من بعدك حلا
الشوق يزيد والنار تقيد ولا عيني خاتيها الأسى
ولاشوقي قال للدمعة لا
الليلة بي شوفة الجميل عيوني تبقى مكحلا
بالله شوف سمحة الصدف حلوة الظروف
الحبيب
الحبيب مالو ما جاء وين مالو ما جاء
إنتظرتو لما ما جاء رحت زرتو
ياعوازلي إنتو جرتو كان عرفتو كان عزرتو
*****
خدو وجا جوة قلبي غاص وفجا
في الغياب ما عندو حجة صدّ صاب الريد ولجا
*****
حبي عرفو طرفي صاحي يرعي طرفو
ذوقو والإحساس وظرفو كم قسى وقدرت ظرفو
*****
الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو
*****
*****
الليلة جا جا اللية جا الليلة جا
*****
بعيد الدار
طال بي بعدك متى يامولاي تنجز وعدك بعيد الدار
بعيد الدار إنت جميل جمال ودار جميل جدا لكن غدار
أراك ياخلي جرمت علي جنيتو علي كوكب سعدك
*****
بعادك طال تزيد كل يوم نفور ومطال
نفورك كم ضيع أبطال
متين يا ظبي تكون حاس بي تزيل البي
أنا في عرضك
*****
كفانا بعاد كفاك تعال تعال عفواً من غير ميعاد
تجدني أمين كأني خلي عشان ياجميل قلبي بحبك
*****
عليك غنيت وجدتك قاسي ما حنيت
أكون معزور أنا لو جنيت
فقدت سكون فؤاد ممكون
ضروري يكون موجود عندك
ياسميري
قلبي المانساك أسمح لي بنظرة لو في الطيف عساك
بدلّك وتيهك مع تشديد قساك جوة فؤادي ساكن صبحك ومساك
حسنك خف قلبي وتقلك رساك بغرامك كساني بالانوار كساك
*****
إنت سالي جيلك وجيلك ما سلاك
إنت بتتجلى حلية ومابتجلوه حلاك
كيف آلاما تهوي وتعشق بلاك
يامراهم جروحا ياملاكا وملاكا
*****
جلي الباري أبدع في خلقك براك
عشت قليبي يتعب في حبك وراك
صحواً مابتزورني هل في الطيف أراك
يالرشا المكحل يالشويدن الأراك
*****
ياغزال لهلاكي فكري مين هداك
الموت بين كواحلك يانويعس هداك
عصفور الخمائل بالنظرة إشتهاك
تزدري بالزهور أكمام دهاك
*****
يالفي الخطرة لينك في جيدك بهاك
نومي الشلتو جيبو هاك قليبي هاك
المدفع الرزام
المدفع الرزام طلقاتو من صدرك
ياحبل الضرة المافي سيل حدرك
النار ولعا اتوطا فوق جمرك
*****
لزام التقيلة والعافية دراجة
وروني العدو وأقعدو فراجة
شتت شملهم واديهم الحاجة
مابرجع تاني ليها أزلنا دوعاجة
*****
من عصرا كبير حس النحاس كح
الفارس برز والخاين إتنح
وقت الشوف يشوف أخوكي يالسمحة
فرتاق للصفوف في أقل من لمحة
*****
غربلت الفراسة واخدت صافيها
إن جات لي الألوف غير شك بكفيها
بتعرفنب الخدود وأنا بعرف الفيها
النار ولعت بي قلبي بطفيها
في بالي
في بالي حبيبي ياغالي كيف أنساك
حبيبي انت غالي وانا ساهر الليالي
سابح مع خيالي في العالم الجمالي
*****
أنا في الظلام هلالي نور وجهك البلالي
شفاي من إعتلالي رحيقك الزلالي
*****
ياحبيبي خمري لونك زان الكحل لعيونك
برق الظلام سنونك والبدر نورو دونك
*****
ليك كم وهبت درة يامنتهى المسرة
والجفوة مستمرة ليه ماعطفت مرة
*****
حبيبي حن علينا وجود بالمودة لينا
أخلصنا ماسلينا بغرامك ابتلينا
نريدة
نريده ونريدة بنريدا بالصيدة
أسرتنا بعيونا وفتننا بالريدة
ريدتنا عذرية صادقة ومصيرية
في دنيا ودرية أفراحها عيدية
أذيانا بعيونا وفتننا بريدا
الباقية في عمرنا نسمات بتغمرنا
لو ريدنا ودرنا تحنانا آسرنا
نريدة ونريدة ......
بنريدا زي ريدا في غنانا تغريدا
دي النافرة زي صيدة راجين مواعيدا
التبري زي لونا ما عشقنا من دونا
عدينا لكولا وحبينا لعيونا
اذيانا بعيونا وفتننا بريدا
10/ لهيب الشوق
نور بيتنا
نور بيتنا و شارع بيتنا يوم ما جيتنا
يالهليت فرحت قلوبنا إطريتنا الليلة وجيتنا
كنا فرشنا السكة ورود لو كلمتنا كان بالجية
خطوة عزيزة ويوم موعود الخلاك تطرانا شوية
تسال فينا وتجي حارتنا ودابة الفرحة الليلة غشتنا
الحظ الجانا غشى سكتنا جانا وجابك لينا هدية
يالهليت فرحت قلوبنا إطريتنا الليلة وجيتنا
شوف شتلاتك كيف نشوانا والفل فرهد فرحان في البيت
والريحان طربان يتمايل غازل زهرة وعاين ليك
كل البيت خليتو في فرحة ضحكه قلوب وقلوب منشرحة
جيت واكتملت بيك اللوحة تسلم سيرتك أهلاً بيك
اللالاية
اللالاية لألأ جبينا
الضوايية ضي الرتينة
يقولو جافية نقول حنينة
يقولو نافرة نقول رضينا
يقولوا جاهلة نعد سنينا
دايرين فراقا خافين علينا
بنية تربالة طبعتها الرزينة
نظرتا الساحرة بي طرف عينا
تبرد حشاي تشفي الغبينة
صبرنا في ريدا آخرتا نضيع
صديرا العوامة صديرا الوزينة
جدايل التمايم لوحة في زينة
منضوم السكاسك لولايو عايينا
الحنونة بي ريدكم الله بالينا
شدولة الشبرية فوق البعيشيبا
تتمايل وتقدل الملكة بي جيشا
قلوبنا يالسمحة نبنيها تعريشة
رضينا بالحالة حرمان بلاك عيشة
ليالي الخير
ليالي الخير جادن من المحبوب نسايم الليل عادن من المحبوب
شفت في الأحلام ظبى يتهادن في رخيم تغمات خلي تنادن
عبرات الشرق بي إزدادن تلك الأحلام ليت تمادن
شفت الحسن الرافل حافل في ثياب الغز والعز كافل
رائع واحل تايه غافل لادن هادن ضامر كافل
بوبح جيدو وأبصر واقل ظنّ مراقب صدق العاقل
قلب المخضوب فوق للفاقل تل اليمنى ومشى متاقل
صحيت ندمان نومي إتقلل أتناوم غش وقواي قلت
حاولت النوم لكن كلا هيهات يعود الكان ولى
ياليتو يعود الكان ولى
سلامتك
سلامتك والألم بيزول كفارة ليك يازول
وكم كفارة لي عينيك عشان تاعباك خلايق الله
يالعسل النقي المسنون وكت بنداك ينبلا
وعيناً صادفت عينيك حاسدا شافا ما صلى
سلامتك والألم بيزول
سيدا
روحي يا سيدا وجدي ما بفيدك إلا قلبك دة تعلمو الريده
إنت ياسيدا سيدا ياسيدا إبتساماتا وتغاريدا إنت قلبك دة تعلمو الريده
ليه تخليها لي تناهيدا يا منى عينا وقسيم ريدا
حبك أضناني ريدك أضناني زي جمال شخصك ماهو لاقاني
يامنى عيني العندي وحداني في دروب حبك قلبي وداني
ياقمر طلة قمر طله لي زياراتنا عاود الطلة
بي غذاباتنا ليه بتتسلى ولا أسبابك من خلايق الله
في الضمير صيدة وجنة مطروحة مابفيد صيدا
شوفتك الغالية كيف مراصيدا القلوب عندك أنت بتصيدا
غنيت ليك
أناغنيت ليك أغاني
ياحبيبي أسمى المعاني وين نتلاقى تاني
إنت الليك الشعراء غنوا وانت البيك العشقوا جنوا
قالوا عبادة ليس أظنو قلبي جريح وجروحو أنّو
لوتعرف الجرحنو في عيونك السر في أنو
بعدت ليه ياحبيب ديارك يالبدر الكامل كمالك
الحور العين يتمنوا حالك مناي في النوم أشوف خيالك
أشوفك منعم في دلالك يامناي وريدي وحناني
حماماتن
ينوحن ليل حماماتن حمن عيني غماماتن
بريدن شوقي لي لماتن
أياب رعاب جمال فاتن ولاشئ في الأدب فاتن
تتوق الروح لشوفاتن وأرجف حين موافاتن
أديب قولي هن ياتن نهات راما وظبياتن
خدودن جل فصادن قلوب الأدباء مرصادن
قنابل ترمي قاصادن وهن صادنو ماصادن
بريدن خف جلادن وضيبن هدهد اللادن
عفافن عف تيلادن بسوي القوم على بلادن
لهيب الشوق
زاد بي لهيب الشوق ماعارف أحوالا
الحلوه ست الناس ياريتني في بالا
مزروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين أصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا أشواقا
11/ البوم زمني الخاين
السكرية
بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا
احساسي البحسه من زول ما بدسه
بفاخر بيو وبعده وليه الروح هدية
يا حلاة السكرية تسعد الروح الشقيا
فرايحيا وبشوشا في الوجدان نقوشا
نغطى برموشا ولسيع السكرية
بسيمتك تضوي هاااالة ظلمة سدر حالا
يا صاحبة الجلالة ابدا دمتي ليا
يا حلاة السكرية والبسيمة المظهريا
يا حلاة السكرية والقوام السمهريا
زمني الخاين
زمني الخاين ما ليقتلو شعور ظلمك باين
جافيت النوم زمني الخاين
حبي ليك عذري ويا جميل واضح
يا بدر من بدري في هواي البي
يعهودي معاك غير الله مين بدري
جافيت النوم زمني الخاين
زمني الخاين ما ليقتلو شعور ظلمك باين
يا آليف الصيد يا أب عيون صاد
عني نافر صاد إنت ليه يا جميل
ليكا بالمرصاد كل يوم يا جميل
والشرك ما صاد ودعي ما حمّّد أنا
جافيت النوم زمني الخاين
زمني الخاين ما ليقتلو شهور ظلمك باين
زار بعد هجعه طيف حيالي اليوم
فيه مجتمعه وكل محاسن الجيل
يا جميل رجعة لو أفوز برضاك
يا جميل رجعة لو أحوز لرضاك
يا بهي الطلعة يبقى عيدنا معاك
جافيت النوم زمني الخاين
زمني الخاين ما ليقتلو شهور ظلمك باين
ظالمني شوفتك
ظالمني شوف من كم سنة بعدين معاك أنا ياهوى
ودرتو فيك أملي الكبير ورميتني في جور النوى
سنيني ضاعت بي وراك وشايل دريباتك دوام
والغريبة بقولوا عنك للقلوب أنجع دواء
من بدري صافيتك أنا واشعلت في ديرك شموع
ووهبت ليك باقي العمر
ود البجرد الألفية
ود البجرد الألفية الليلة طاري الجية
ود البجرد الألفية الليلة طاري الجية
اب سيرة دوام محبوبا و الكلمته ما مقلوبا
ود سيحة لالبوبا ..
12 / البوم الحجل بالرجل
الحجل بالرجل
الحجل بالرجل يا حبيبي سوقني معاك
****
الليلة العزول جاب لي خبر بالسو
نسام البحر قلب الخبر باللو
قال لي دام هواك يا حبيبي مهما تسو
الحجل بالرجل يا حبيبي سوقني معاك
****
يا مسافر براك شاقي المفاذة بليل
يوم قلبا طراك أهداك المحبة دليل
بحق المودة حق الهوى والليل
الحجل بالرجل يا حبيبي سوقني معاك
****
يا مسافر براك قبل السفر زامل
يوم قلبا طراك بالمحنة ما بجامل
بحق المودة حق الهوى الكامل
الحجل بالرجل يا حبيبي سوقني معاك
الأهيف
اه الأهيف ابى ما يليم
من بعدو صار قلبي ضريم
يا ناس بي نار الفرقة
****
ولمتين يا كريم
الحظ يخدمني وحبيبي يليم
واراه الناعس الفاطرو كريم
يألفني ويترك لطباع الريم
****
هو جسمو سليم
وانا جسمي معنى وقليبي كليم
نور محيو البدري والليل يظلم
ليهو راحت الدنيا ولي التأليم
****
ولو مر نسيم
يتمايل غصنك منو مقيسيم
قبال الحاظك وما رأيت يا وسيم
والأعين تفعل فعل المكسيم
****
ما لي نديم
غير نجم الليل ومنامي عديم
لو كان يا مدلل لهجري تديم
أتعذب وتمنع حظي التقديم
****
وبقى شغلي نميم
وفراشي كتار وغطاي حميم
لو كان لي وصالك أوجد تتميم
لي سرك بحفظ في قليبي صميم
****
اه الأهيف ابى ما يليم
من بعدو صار قلبي ضريم
يا ناس بي نار الفرقة
يا روحي
يا روحي أنصفني في حكمك
لانو قاسي علي أنا يا حبيب ظلمك
****
تظلمني والأيام ما بتنصف الأنسان
تشاهد المحبوب عفوا عيان وبيان
بالنسبة لي لطفك والرقة يا فتان
ما كنتا تظلم من قد أضحى بيك ولهان
تتركني للماضي مع انو في الإمكان
تجدد الذكرى وتنسى كل الكان
****
أنا يا حبيبي غرامي تركتو للأيام
تركتا حب ودموع تركتا شوق وهيام
عودتا نفسي إذا ما اشتدت الالام
أصبر على الحرمان وأضحي بالأحلام
جنات هواي العذري ندية الأنسام
تخلي نار الشوق بردا علي وسلام
****
هيامي بيك يا فاتن مصدرو الإنصاف
أنصفتا حسنك حب وأنصفتا حبي عفاف
ذوبتا قلبي معاني أنيقة في الأوصاف
هومتا نفسي خيال في معبدك طواف
سكبتا روحي على كأس المحبة سلاف
هل بعد هذا أكون لسهام نواك أهداف
****
ناعس الأجفان
أنا من صفاك مسحور
وبالله أنت ملاك ولا من حسان الحور
يا ناعس الأجفان
****
وتزرف عيوني بحور
وأقضي الليالي غيام مابين شوق وهيام أرى النجوم في سحور
وفؤادي آه منحور
مقتول بغير سلاح وأقول بكل صراح سببي العيون الحور
****
وفيك الكمال محسور
أكظمتا كل حسود حسنك ضراه يسودعلى كل جيل بعصور
وطرفك لحاظو سريع أسدا شجاع وجسور
وليك نفرة الغزلان مع جبرة الفرسان في هيبة الأسطور
****
وأهيف رشيق مجبور
تتهادى تيه ودلال وما بين غرف وظلال لعب وترف محبور
سهمك علي مكفور
وإيه ذنبي غير هواك أنا يا جميل بهواك من قلبي ما مجبور
****
ويا البي العطاف مشهور
ندك عبير فياح وقوامك المياح أينع ثمر وزهور
وبي حبي دمعي جفور
وانا في دجاك يا ليل نجمك بقى لي خليل وفارقت نور ودهور
****
أنا لي زمن مأسور
هجراني ما هماك ويا اللي قاسي لماك من طول جفاك محسور
وحيات خديدك وجيدك وطريفك المكسور
أنا شعري ما بوفيك مهما ما أبالغ فيك منظومي والمنثور
****
مساء الخير
مساء الخير يا الأمير
يا الحبك شغل الضمير
غيرك ما لي سمير
****
وباهي طلعة ما ليك نظير
الزهر بخديك نضير
وطيف خيالك صار لي سمير
بي حنانك أنا مستجير
****
أرى الصيد منك عيون
أهدى فيك البانة لون
وبين ثمارك وهدر الغصون
تقسى كيف يهون
****
أنت منظر يفرح رؤاك
أنت ديمة الخير في خطاك
ونشقى نحنا وطالبين رضاك
تمسى بالخير يسعد مساك
****
اجلي النظر
اجلي النظر يا صاحي
في منظر الانسان الطرفو نايم وصاحي
صاحي كالنعسان
****
وفي الضي جبينا النادي والبدر خلان
تجمع كل لطافة ورقة ونفرة الغزلان
مابينوجسيما اللادن الكسلان
يزري الحرير الناعم والفريع اللان
****
وداعجة ومكحلة خلقة عظما الرحمن
بي الجمال جمال الخلقة إتوشحا الإيمان
هي في الجمال زي يوسف والوهيبة كمان
تمتاز بديسا طال وبي لهيج رمان
****
أنا قلبي طار من صدري يا حبيبي عشان
شوفتا حور الجنة داخل الحيشان
شوفتا العيون بتقهقر ضابط النيشان
شوفتا الجمال الوافر بي عظيم الشان
****
ومني السلام ما غنا شادن أو رطان
ومني السلام ما دنا بفارق الاقطان
يخضب بنانك حنة والوريد قيطان
والأيد رضاك يا ملكة نجلة الصلان
13/ البوم ما تشيلي هم
معقولة بس
معقولة بس في ناس كدا
معقولة بس في زول كدا
*********************
في عيونه زي ريم حفل
في لونه خاطف وأنعسل
في المشية زي غيماً رحل
عصر الجمال منه أبتدا
*********************
فى قوامه بتحدى الشعر
في دربه كم عاشق ودر
نظراته أقوى من السحر
وقتين سهامه يسددا
*********************
شعره ليل أسود نزل في وجهه زي صبحاً أطل
كلامه أشهى من العسل زي ودرة بلاها الندى
***************************************
صوته ما زي صوت بشر دا صوت قماري وقت عصر
صوت قماري وقت عصر يتناجوا فوق نخل التمر
يناجوا فوق نخل التمر بنغمة حلوة مرددة
معقولة بس في ناس كدا معقولة في زول كدا كدا كدااااا
*********************************************
الحلم الجميل
زادت في أعماقي الجراح زاد في حشاي نزف النزيف
مطعون وفي حبك جريح صامد وكل زادي الحروف
واقف في باب ألانتظار رح حأنتظر أكتر وأقيف
********************************************
أنا يا زمان الأنهزام صابر و مثابر بالصبر
عايش وفي جواي أمل وباقي معاي طول العمر
أمشي وأواصل للمسير وأمشي مع خطاوي القدر
********************************************
مـــن أجل تحقيق الوصــول
بركـب مراكــب المســـتحيل
ومهمـا ما المشـوار يــطــول
بمشـى على الــدرب الطـويل
عشان أحقـق يازمــن آمالــي
والحـــلم الجمـــيل..
ولما أرجع للوطـن ...يعود معــاي مجدي القبيل..
عندي كلمة
عندي كلمة أحب أقولا عن مصيري وعن مصيرك
إيه كسبتي بعد فراقي والألم اتعذب ضميرك
ما لقيتي بلاي سعادة وما قدرت أحن لغيرك
انتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
بس هجرتي تركتي قلبي بي جفاك بقيتو جمرة
ما صبرتي معاي شوية ما رضيت أتخلى عنك
كنت أقوى من الأعادي أقوى من شكك وظنك
احتفظت بي وعدي ليكي ما التزمتي بكلمة مني
دي النهاية بقت خصومة اشكي ظلمك واشكي همي
الفات زمان
الكنت قايلو فات زمان
رجعتو بى طعم الغنا
احلام صباي والزكريات
هومت بي بالدندنة
اتارى فى جواي نغم
وهنا القليب بيدق هنا
ناسى الزمان اتغيرو
لكنى ما اتغيرت انا
اطياف هواي
الليلة جات تسأل
علي ملهوفة كيف
اجمل صور عبر الخيال
مرسومة فى خطوط الحروف
يا وجعة الزول اليتيم
ياحسرة القلب الرهيف
يا حليلة طلات الصباح
طى العوينات الشفيفة
الكنت قايلو فات زمان
الكنت قايلو فات زمان
مكتوب علي سفر الشجون
شوق الحنين ولوعة حزين
مكتومة فى اعماقى اناااا
محبوسة فى دموع العيون
لمتين ورااااااااااااااااااااك سفر الشقااااا
قولي متيين لى متين يكون
لمتين ورااااااااااااااااااااااك سفر الشقااااا
قولي متيين لى متين يكون
كأنى مديووووووون للعذاب
وأدفع سنين من عمرى دين
ما تشيلي هم
من الظروف ما تشيلي هم
بكره الزمن ليك بيتسم
يا الطالة في صبح العشم
أتصبري ما تشيلي هم
ما تشيلي همك في الدموع
بحر الحزن ما ليهو قيف
راجينك الفرح الجميل
شوق أنتطار عندك نقيف
يا غالية يا وعداً سمح
من فرقتك دفق النزيف
ليل الحزن بيكي أنهزم
أتصبري ما تشيلي هم
ما تشيلي هم عاشق بكى
دوزن وتر حبك غنا
شوقك شذا شوقنا الشديد
نضح الحروف بيك لونا
يا غالية يا شيتاً كتر يا نرجسا يا سوسنا
يا قبلي في الضحوي الرزم
أتصبري ما تشيلي هم
ما تشيلي هم نورك سطع
يا الراجعة من غربة وسفر
الشوق البعود بسمة ودموع
عمر السنين بيكي أزدهر
فرحت بالجية الورود
أتراقص الفل والزهر
أن شاء الله ما تشوفي الندم
أتصبري ما تشيلي هم
خاتم المنى
يا خاتم المنى لو نلقاك هنا
تبعد همنا تسقينا الهنا
لا تقول لينا لا ما نحملا
لو شفتو الحلا حتقولو الصلا
وتغير مننا يا خاتم المنى ....
نور شمعتين وأمسح دمعيتن
لو جانا الحبيب نفرح مرتين
ونول المنا يا خاتم المنى....
عيون القمر بتحلي السمر
ولطافة السير من زول ندر
وغاب عننا يا خاتم المنى ....
بريدك
حبيبي ما سألت علي
بريدك والله عالم بي
بريدك والله زي عيني
و ريدك باقي لي نصيب
وغيرك ما قي لي حبيب
بعيد مني ومعاي قريب
أشيل ريدك وأضمه علي
بريدك والله عالم بي ......
ريدك لي قليبي رسول
عيونك فيها شوق معسول
فراقك ما في داعي يطول
حنانك يا مليح الزي
بريدك والله علي .....
أشوفك في رؤى الأحساس
عيونك منبع الأخلاص
وريدك حده ما بنقاس
الذايب في حنانك لي
بريدك والله عالم بي ..........
أم كحيل
أم كحيل نسيم المر بالليل سألت أنا منكي
سؤال كتير ليهو بكيت كتير انا
يا نسيم ماري يانسيم يا ماري
هواها شاغل بالي هوها شاغل بالي
من ريحا اه اه اه من طيبا اه اه
النسيم يوم جا بالليل
ذكرني حبيب جميل
أبداُغيره ما بميل
دا الفراقه مستحيل
كردفان الغرة
الخيرا جوا برة
في بارا اه اه خضارها اه اه
ألأبيض اه اه رمالها اه اه
الدلنج اه اه جبالها اه اه
أِشجارا اه أه أزهارا اه اه
لقاوة أه أه حلاوة اه اه
مممممممممممممممممم(لي لي لي ليي ليي لي)
14/ البوم على النجيلة
ياجميل يا مدلل
ياجميل يا مدلل قولي ليه بس حكم الغرام قد حلل
عذابي يدوم
كل ما اطراك بالدموع اتبلل
جسمي صار منحول والمنام أتقلل
طرفو لي رؤياك دمعو كبر وهلل
جفاني النوم
العقول تتخبل والاديب في الناس للقاك يتهبل
رغم اني عزيز خفت في المستقبل
اهدي ليك الروح وانت بي ما تقبل
و اكون محروم
بالعلي لا تجهل يا حلو النغمات يا لذيذ المنهل
ناري حارقة الجوف و المدامع تبهل
بعد هذا الحال هل وصالك يسهل
تحن يا ظلوم
في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس والسماك الاعزل
علمت نجوم
ليل ضفايرك مسدل يا رشيق القامة والمعاطف الهدل
القوام ممشوق و المعاطف جدل
ده البخلي إليك حبي ما لا يتبدل
يزيد كل يوم
السادة جميل يا ناس
الزمانك زمانك
الزمانك زمانك
أهدى لي مـن فـضـــلـك نـظـره فى رمانك
يا الفريـــــــد فـى عصرك قلبى فاقد امانك
حرام عليك تهجرنى وترضى بى حرمانك
بالكـمــال شــرفـــــت مـنــاطق ام درمانك
بالجمال أمتزت على شباب أزمانك
يا أنيس الصـيـــــــد أنــا فى الغرام إنسانك
انت روح شعـــرى وانا فى الشعر حسانك
ان قصدت هلاكــى تـجــدنـى مـن فرسانك
وان عـطــفــــت عــلـــى ذاك مـن إحسانك
يا الحنـيـــن فـى نفـسك قولى ويـنه حنانك
شلت قلـــــــبـى ودمــى خـضـبـت بيهو بنانك
أن مررت تـــمــر فى الـروض عـلى افنانك
النجوم تـتـــــــغــزل فــى بـيــــاض اسنانك
يا الفريد في الريد ما في في القلوب ميزانك
من لطافتك حسنك من والجمال الزانك
طول حياتي أفكر وأرمي في أوزانك
أنت في الأفراح وأنا في أزدياد أحزانك
أيها الفتان حلمك على ولهانك
زودت من الامي وغقلي طار في رهانك
برضي خاضع يا حبيب مهانك
ليه نكرته هواي وريني أيه برهانك
ياحبيبي هوي يا سميري يا تومي هوي
ليه نكرت هواي وريني أيه برهانك
على النجيلة
على النجيلة ،، جلسنا
طربنا وإتآنسنا
عن الهوى إتحادثنا
قضينا ليلة لذيذة
نراها برهة وجيزة
قضينا ليلة جميلة
نراها برهة وجيزة
قلوبنا فيها طموحة
نفوسنا فيها عزيزة
حبيبنا كان فى السهرة
وديع لطيف كالزهرة
لما الكواكب غابت
الاجتماع انفضه
على النجيلة جلسنا
طربنا وإتآنسنا
عن الهوى اتحادثنا
فنانا .. اروع فنه
حكى لنا اشياء عنه
خلى الزهور فى الروضة
حيرانه غارت منو
فى الخميلة حلوسنا
أسعدنا بيها نفوسنا
من المدام العنبي
شربنا صافى كوؤسنا
لحظك الجراح
لحظك الجرّاح أذاي فيهو
وفيهو الطرب والراح
منايا زهرة الأفراح
للقلوب شرّاح
مبتعد شيء عجيب
مسجون وعندو سَرَاح
منايا زهرة الأفراح
بيّ ضاق الكون
لا أجدلو بَرَاح
منّي فارق وشال
نوم عيوني ورَاح
منايا زهرة الأفراح
عمري أضحى مُبَاح
وفي الغرام لا أقصد
غير لقاك أرباح
.زهرة الأفراح
سِرِّي ليك يُبـاح
مع الظلام تتبسم
وليلي أضحى صباح
تِعبَت الأصْـفَاح
طرفي جافى النوم
من طِيب عبيرو الفاح
في عبونو صفاح
في بيسيمو عقد الدُر
في صدرو جوز تفاح
العودة تاني
لي حبيب غشاني حنان الريد نساني
متين الجية تاني
يا حليمة الضراكي شريكة الروح براكي
أنا قلبي باركي وما بنفع بلاكي
سمح الريد نساني ....
مايسة قوامها بانة وعادا الناس لبانا
سحرنا جمال خدودا سحرنا عيونا
ورمش العين سبانا
سمح الريد نساني .......
مايسة قواما وزة ولقولبنا أستفز
والنورالمطلسم مال على بعضه هز
يا قلبي السراري وفيك كاتم أسراري
حبيبتك أبعدوها وسكنوها البراري
سمح الريد أباني متين العودة تاني
سمح الريد نساني ....
ودائما فكري دايح قلبي صبح سرايح
مالك يا الحمامة ما بتزوري الضرايح
سمح الريد نساني ...
ما بريدو الخشونة سافروا ما غشونا
مبارياهم قلوبنا الحبايب ألاوحشونا
سمح الريد نساني ...
دموعنا الفرقنا وبالنار حرقتنا
ظلمتنا الليالي و رجعت فرقتنا و
سمح الريد نساني .... متين الجيا تاني
سألتوعن فؤادي
سألتوعن فؤادي
أجابني ماهو عارف
عن سبب هيامه
أجابني ماهو عارف
حبيبي يا مدلل بحق صفا جمالك
منعتني وصالك بعدت عني مالك
أهوى الذى ضنانى ورماني بنابله
ولا سأل فى حالى ولا خطر بباله
أنا صريع محاسنك وانا اسير جمالك
تعالا شوف فعالك زفيرى والعواطف
يرانى أو أراه وأقيف ذليل قباله
واقوله أنت سيدى وفيم عنى صارف
سألتوعن فؤادي
أجابني ماهو عارف
عن سبب هيامه
أجابني ماهو عارف .....
ضامر قوامك
ضامر قوامك لان
قلبك قسى وجافيت
ليه يا جدي الغزلان...
أسهرت جفني ملان
يذرف دمع نازل
كالمزن في الهملان
ما بصح ليه يا فلان
طرفك دوام ناعس
وأنا طرفي ما غفلان
ضامر قوامك لان ....
أظهرت شكلك بان
كوكب منير يشرق
من فوق غصين البان
كم ليك محب تعبان
درب العشق ساهل
ودرب الوصال صعبان
ضامر قوامك لان ....
كالظبية في اللفتان
أما الخديد ناعم
ذي زهرة البستان
تجد الطباع امثل
وحسنك بديع رائع
منظر جميل فتان
ضامر قوامك لان ....
لا يحصى وصفه لسان
وجهك بدر كامل
من البدور إحسان
ما قصدي فيك لمسان
قصدي بس شوفتك
لا تضيع من الأنسان
ضامر قوامك لان ....
كالقمري في الاغصان
ذكرني ألفاظك
وقلبي إنطرب فرحان
يتواري لي لمحان
بروق درر فاهك
بالراح والريحان
ضامر قوامك لان ....
ليه كفك إتحنن
وليك قلبك القاسي
ما فيه لي حنان
يالراقص الفنان
حبك ملك قلبي
وجننت عقلي جنان
ضامر قوامك لان ....
15/ البوم نور العيون
حظو طيب
حظو طيب الله ادة
اصلو ما لاقانى زى دى دا
حبو ساكن فينى جوة يا قدرة الله ادينى قوة
ما كنت قايل يوم بيقدر يبقى سيد يامرنى هو
من لقلام سلطان زمانو من بعدو ما ولادة حواه
حظو طيب الله ادة اصلو ما لاقنى زى دة
من ياتو باب قفلنى خشى وناش قليبى نشلو نشئ
والله كان قلبى وصغير الزمان ما قدرو غشا
الا فى ريعان صباهو وقال كلامو وطردو مشا .. يااااااا ناس
حظو طيب الله ادة .. اصلو ما لاقانى زى دة
الله يستر من عيونو تبرى لونو حاد جنونو
ربك يستر من عيونو تبرى لونو حاد جنونو
بلاهو كيف الدنيا تبقى وتحل لى يا ناس بدونو
بلاهو كيف الدنيا تحلى وتبقى لى يا ناس بدونو
هو الوحيد الاصطفيتو فى الفواد والحشى سكونو
حظو طيب الله ادة .. اصلو ما لاقانى زى دة
حظو طيب الله ادة .. ياناس القمر دة
حظو طيب الله ادة .. ياناس القمر دة
حظو طيب الله ادة .. اصلو ما لاقانى زى دة
نور العيون
الوداع .. نشوت الروح .. الوداع
مادام هوانا باع سنينو المرة ضاااااااع
انا من زمان حاسس معاك بأنو دى النهاية
شاعر بانيك ما فهمتى من البداية
ومشيت معاك درب الاساء آه هه
بشكيكى لى نجم المساء
رغم انى بعدك بقبل الهم والضياع
الوداع ... نشوت الروح الوداع
مهما يكون زكراكى باقية وما بتهون
يا منبع الاخلاص ويا نور العيون
بتمنا ليك كل السمح آه آه لا تضوق عذاب لا تنجرح
لكن مع الايام لقيت ريديك خداع
الوداع ... نشوت الروح الوداع
انا كنتا دايريك تبقى لى وابقا ليكى
تتهنى فى دنيا الغرام واتهنى بيكى
ما لى غيريك تانى حبيب
وبحن ليك وكتن تغيب
لكن مع الايام لقيت ريدك خداع
الوداع ... نشوت الروح الوداع
مهما يكون زكراكى باقية وما بتهون
يا منبع الاحساس ويا نور العيون
بتمنا ليك كل السمح آه هه
لاتضوق عزاب لا تنجرح
لكن مع الايام لقيت ريديك خداع
الوداع ... نشوت الروح الوداع
مدام هوانا باع سنينو المرة ضاااااااااااااع
زنوبة
تعبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة .....
عيونا زنوبا تشبه عيون الريل
في المشية تتنا خلت قليبي يميل
شالت خلاص وحبيتا زنوبة
حبيتا زنوبة زنوبة زنوبة
يوم في عز الليل ... صوت الكرن جاااااااني
مشيت للحفلة لقيتا زنوبة
داير أقول ليها أحكيلا عن ريدي
داير أقول ليها أحكيلا عن حبي
شعرت برعشة طار الكلام مني
وحبيتا زنوبة شالت خلاص قلبي
وحبيتا زنوبة زنوبة زنوبة
تبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة
ما بلومكم
ما بلومكم في ظنونكم
فرحي مقبوض بين حصونكم
ماسور جريح بين سيجونكم
أصل زول ما قمت طيب أسألو العرفوني فيكم
ما جنيت على زول سليتوا قدمت روحي وفني ليكم
أنا أصلي زول ما قمت طيب أسألو العرفوني فيكم
ما جنيت على زول حبيتوا قدمت فني ورحي ليكم
جنيت علي نفسي المسالمة ولي ما حنت يديكم
العشرة كيف رخصت وهانت
أي زووول الفيهو بانت
ما لقيت حبايب وقفو جنبى غير القلييل والروحوعانت
في مصابي وقف مؤازر ظروفي خاينة والدنبا خانت
وما بلومكم فى ظنونكم ما بلومكم
أنا ما بلوكم في ظنونكم ما بلومكم
تعب الريدة
سقيتك من حنيني ليك جواي مساحة
تعبت معاك في دربي تعب الريد راحة
ما معقول تجافي عشرتنا وسنينا
حبك عارفو عايش وريدتك كيف تخونا
أغروك العوازل بالفرقة وظنونا
ما طيبت خاطر يا سيد السماحة
قبلك كنت تايه لا ريد لا محنة
قلبك سقاك حنانه وغيرك كان معنا
لو قلبك طراني أولو مرة حنا
الروح أياك سيدا يا بلسم جروحا
من أعماقي جوا أهديتك عواطف
عنوان للمحبة أريتك بيها عارف
كان بتعود تصافي تتودد تلاطف
لكن في المحبة مين البلقى راحة
قلبي ما هو شديد
قلبي ماهو شديد روحي طال ويلا
الليلة ما هو شديد روحي طال ويلا
كلو من ديلا كل ديلا كل من ديلا
ديلا ديلا ديلا من صدود ويلا .....
الكريم ربي يا يا الله يا مهون القاسي
لمتين تجيني رسالة من حبيب قاسي
لسه فاااااااكرني و لا لي ناااااااااسي
قلبي ماهو شديد .........
الكريم ربي يا يا الله يا واهب ألأرزاق
تطفي نار شوقي لهيبا ما بنطاق
تجمعني بديلااااااا طال علينا فراق
قلبي ماهو شديد ................
بنات الحور
تضوي كالبلور زي بنات الحور
أنا ماعيان جيبوا لي بخور
****************************
تضوي نور في نور جلّ من خصاك
بي جمال موفور
*****
الجمال مسحور يحفظك مولاك
في نعيم وسرور
***********************
كل شئ محصور في حصون محياك
سامي عالي بدور
محبة وريد
محبة وريد لي الله مراد ما تمّ يلا
يا ناسي الريد النسي لقديمو ضلّ
*****
طرفي الما توانى مما شافو لمحو
جاش بي كل حنينو الشوق العاصي فضحو
وما إستأذني خاطرو الماس البضوي فاطرو
شال عبابي قبلي شال قلبي كف لفحو
*****
بمحض إرادتي ردتو عن إيمان قناعة
فيهو ما سمعت كلمة قول الناس إشاعة
بريدني وموت بريدو كان سيدي وأنا سيدو
لكن دي الإرادة الريد والعشرة ضاعا
*****
أول حب وريدة قالوا الناس أكيدة
دنيا الحب مدارس ومهما الزول يجيدا
يلقى مصيرو لسا بين همسة ريد ولمسة
يسيبا وتاني يرجع من الألف يعيدا
16/ البوم برتاح ليك
جوبا
في مدينة جوبا أجمل مدينة
طيارة قومي سريع ودينا
أشتقنا ل(مونيكي) ل(ماما ريجينا)
في مدينة جوبا ....
سلام بتاعكم ناس في كتوري
سلام بتاعنكم ناس في ملكية
سلام بتاعكم ناس في (اطلع بره)
سلام بتاعكم ناس في (كونجو كونجو)
في مدينة جوبا....
حبيبي لاقيتو يوم في موقف يي
مشينا سوا لي صالة نجاكوري
هبيبي لاقيتو يوم في موقف يي
مشينا سوا لي صالة نجاكوري
في مدينة جوبا ....
حبيبي لاقيتو يوم في موقف يي
مشينا سوا لي صالة نجاكوري
هبيبي لاقيتو يوم في موقف يي
مشينا سوا لي صالة نجاكوري
ونلعبو سوا سوا
ونونسو سوا سوا
شمالي جنوبي سوا سوا
سوا سوا سوا...
ونلأبو سوا سوا
ونونسو سوا سوا
سوا سوا سوا ...
الخطوة من دونك
الخطوة من دونك
الخطوة منك كيف
مهما الظروف تقسى
ارسى ومعاك انسى
حلوة وسمح لونك
احساسي معاك مابقيف
الخطوة من دونك ...
اقرا الضفاف لوحة
اجدف واحسك فيه
اكتب حرف من تيار
الموج يهيج يطفئي
الشوق صياحو يصلك
صوتك صداك ما بقيف
البي اواصلو كييييف
حلم الفريق يصفو
صدق الحبيب لطفو
درب العميق اليم كايس جذور صدفو
مهما الزمن كتفو
حلم الرياح خطفو
لابد يلاقى القيف .....
وعد اللقيا
لو يزور طيفك خيالي ** يبقى وعد اللقيا قرب
أصلي مغرم بعيونك ** قلبي في بعدك معذب
أصلي في أيام غيابك ** ما بيزور النوم عيوني
طالعة في أنفاسي آهة ** يالهواك مصدر شجوني
ياما ديمة بغني ليك ** انت يا الهام عيوني و
تشرق الآمال في قربك ** وياما بيكي يضوي نوري
دنيك غير دنياك قاسية ** انت ساقطة وديمه ناسية
يا ما شوفتك لي شافية ** ابتسامتك ليا عافية
لو يزور طيفك خيالي .....
تؤام روح
قبل ألقاك وترسى الروح تسرح في الأماسي تروح
كنت بلاك جرح ما بروح قلباً بي الأنين مجروح
وجيت الليلة يا سيدي وبقيت لي روحي توأم روح
قبلك ما عرفت الحب ولا راودني في الأحلام
سابح في بحور فكري في أحزاني في الأوهام
حياتي رتيبة، غير عينيك وضحكة ثغرك البسام
وجيت الليلة يا سيدي وبعدك ما عرفت ملام
عرفتك ما عرفت الخوف شقتك ما قدرت أشوف
بقيت لي انت واحد وبس بيك قصرتا حد الشوف
إلا عيونك السمحة ولغة الحب ذواهب وروح
منهن أبقى بي مسعاي حولهن اشتياقي يطول
تؤام روح .... اوه أوه اوه اوه أو أو أو أوه
برتاح ليك
برتاح ليك.... يا غيمة ظليلة
وغيمة حب في الزمن القاسي..
زمن الضحكة بقت مفقودة
وكل الكون للفرحة ينادي..
برتاح ليك ..انا برتاح ليك ..
من ما شفتك وشوفت ملامحك
نبضك ملك أحساسي
دربك كلو ملان حنيا
ريدك يوم حيسود أنفاسي
شلت خطاك مترقب جيتك
قلت كلمات بزمني أساسي
برتاح ليك.....
دي الطبول دقت لمحيك
جيت لهواك دوقيه نحاسي
شاعر أني بريد كلي
من قدمي لسبيبة راسي
مش حأفرط فيك وأتنازل
ريدك أصبح رقم قياسي..
زمن الضحكة بقت مفقودة
برتاح ليك ..... يا غيمة ظليلة
روضة حب في الزمن القاسي
زمن البسمة بقت مفقودة
وكل الكون للفرحة ينادي..
برتاح ليك ..انا برتاح ليك ..
خايفة
خايفة من الريد أنتي يا الساحر جمالك
أنت كم ذوبتي مهجة كلو زول عاشق جمالك
خايفة من درب المحبة
وعاملة من الحبة قفة
راجعي روحك حبة حبة
والدلال ما تسوي سبة
أنت ليه طبعك مخالف
عارفة حتى الطير بوالف
أصلو ديل عزال نعانف
يا حبيبي الحب مواقف
خايفة .....
خايفة حقو انا اللا أخافاك
لكن من يوم قلبي شافك
الغرام آخر مطافك
أيه يفيد عدم أعترافك
خايفة .......
كل ما اجيك
كل ما أجيك تائه بشوقي وحنيني
تقسى علي عيونك تسرح بي شجوني
هامن بيك عيوني يا القسيت سنيني
كل ما أجيك و أسأل تتجاهل كلامي
زي محتاج حنانك ماك محتاج حناني
ساعة أزيل همومك ساعة تزيد همومي
هامن بيك عيوني يا القسيت سنيني
كل ما أجيك و أسأل تتجاهل كلامي
زي محتاج حنانك ماك محتاج حناني
ساعة أزيل همومك ساعة تزيد همومي
هامن بيك عيوني يا القسيت سنيني
كل ما اجيك و أبادر
القى صدود جزاي القي عيون تكابر
ايه كان ذنبك فيك شلت فيني خاطر
يبقى عذابي غاية وتبقى الحيرة آخر
هامن بيك عيوني يا القسيت سنيني ...
17/ البوم قائد الأسطول
جاهل وديع مغرور
جاهل وديع مغرور
فى أحلام صباه
نايم خلى ومسرور
ما عرف الهوى
فى سور وداخل سور
فى روضة زهور
غناء وقصور فى قصور
آية الجمال مبصور
أخلاق الرضيع
فى هيبة المنصور
باهى الدلال موفور
محجور الخدور
ما هو الخليع وسفور
زاد فى نفورو نفور
وأصبح قلبى فى ايدو
اليمين عصفور
لو ينفع المحذور
مالى ومال هواه
الضامر المفزور
قاسى ومنيع مابزور
لكن دابو تاب
جاهل صغير معذور
هل الهلال فى حجور
متقلد نجوم
لافح أزار ديجور
ما برحم المهجور
ماسور الجمال
قال برضى حكم الجور
ناعس لواحظ حور
هاروت لو رآهن
مثلي كان مسحور
فاق الحسان الحور
فى خدو الزهور
زاهية وجمالها بحور
أنا بيك سعادتي مؤكدة
أنا بيك سعادتي مؤكدة وبلاك حياتي منكده
حرام عليك ياجميل مابصح ليك تعمل كدا
*****
يامن محاسنك بي قلوب العاشقين مستفردة
خليتني أشكو من الغرام وأقول حقائق مفردة
حرام عليك يا جميل ما بصح ليك تعمل كدا
*****
وأقول حبيبي عمل عدوي خلاني للأذى والردى
ماعندي مانع حتى لو ضيعني ساكن الموردة
حرام عليك ياجميل مابصح ليك تعمل كدا
*****
أنا بي محاسنك بفتخر وانت المحاسن سيده
مهما أعاين في الشباب وين زي محاسنك أوجده
حرام عليك يا جميل ما بصح ليك تعمل كدا
*****
البدر لو شافك يدوب من الأنوار الجيدة
أما الشمس لو شافتك ترجع أسيرة مقيدة
حرام عليك ياجميل مابصح ليك تعمل كدا
*****
أنا طرفي شايفك ياجميل فقت اللجين والعسجدة
يومي الاشوفك يبقى عيد والدنيا تبقى معيده
حرام عليك ياجميل ما بصح ليك تعمل كدا
*****
مالحكمة في كونك بخيل وأهلك أرابيب الندى
أصلك بتدلل علي والا الحكاية معاندة
ياجميل مابصح ليك تعمل كدا
في غفلة رقيبي
في غفلة رقيبي
رُحت أزور حبيبي
لقيتهُ شوية حاسي..
*****
ضاجع في سريره متوسد وثيره
بين طيات حريرهُ
حَييتُه وجلسْتَ
من حُسنُه إختلستَ
في سِحرُه أنغمستَ
بحديث دبلوماسي قالى نوري ماسي
وأحذر إلتماسي..
*****
قلت ليهو في جمالك سحروك وله مالك ؟
صار ياحبيب لونك
فاتر زي عيونك
قال لي عندي حُمه وبىَّ صداع آلمَّ
من أثر إنتكاسي تعذر نعاسي ولي يومين أقاسي..
*****
قلت ليهو في وسامتك وحلاوة إبتسامتك
كفارة وسلامتك
والف عزيز كرامتك يالحافظ كرامتك
مهما كُنتَ قاسي
او لى عهدي ناسي ليك يذداد حماسي..
*****
قال لي انت عاقل ومافي لزوم تشاغل
وانا في روحي شاغل
قلت ليهو انت روحي
وانت سبب جروحي
وانت لشعري مُوحي
ياروعة جناسي ياحُبي الأساسي
يالنسيتني ناسي ..
سهران الليل
سهران الليل بناجي القمرة
*****
طيفو حلّ نوم عيني قلّ يوم
حبيبنا يزورنا مرة سألت الله
*****
أحب أشوفو يزورني طيفو
لكن ظروفو أبت تجمعنا مرة
*****
يالحبايب نوم عيني غايب
سفر حبيبي سبب لي مصايب
أنت بدر السما
انت بدر السماء في صفاك قولي من عيني من خفاك
حبيبي متى وفاك
*****
قلبي دون الناس إصطفاك وروحي تسمو سماك آنفاك
الممات والحياة بين شفاك فيك نفور الظبا في صفاك
*****
قلبي واله بيك ما نساك عاني فيك العنى من أساك
قصدي زورة طيفك عساك ياحبيب القسى سيب قساك
*****
إنت كعبك حب لليضوق إنت جنة ودانيات قطوف
إنت كل الحياء واللطوف إلا قلبك قاسي ماعطوف
*****
مالو بدر السماء ماشروق من حماهو منعو المروق
خدو زهري وبسمو البروق غير أشوفك أنا مابروق
*****
ياحليل زمن الجهل بين تلال الربا في السهل
من شروقنا بنشرب نهل يازمن هل من عودة هل
*****
من زمان
من زمن مستني عودة قلبي راحل
كنت بكتب ليهو بي دمي الرسائل
قلت فيهو أشعاري واتعذب ضميري
كل كلمة حنان يفيض يغمر شعوري
كل حرف كتبتو من أعماق شعوري
إفتكرتو يرد رسالتي يطمني بخطابو
ماخطر في بالي يأسرني بعتابو
نسى أول مرة دة أغراني بشبابو
وكل ما إتدلل يزيد إعجابي بيهو
كنت شايف الجنة في نظرات عينيهو
كل أسباب السعادة الكنت أنا بتمناها ليهو
كان جميل من قلبو دنا ويرحم عذابي
والدليل أنا شايفو عايش في خطابي
كل أيامو ولحظاتو الهنية
حاول يخفي شعورو ويتدلل عليّ
يا قايد الأسطول
يا قائد الاسطول تخضــع لك الفرسـان
ياذو الفخار والطول ارحم بني الانسان
----------------
مين لى سماك يطول ما بطولك اللمسان
معناك شرحه يطول على كل جيل فى لسان
اصدق كفانا مطول يا ذو الحسن وحسان
انا عقلى بيك مخلول والناس عقول ولسان
-----------
مابنكر المعقول امنت بالايمان
يا الطلسم المصقول بدلى خوفى امان
بالنور سحرت عقول كانت صــمـيمة زمان
يا من تحق القول قتل النفوس حرمان
----------
ما الجندى دا المقتول وطالب الغفران
من ايدو راح منتول واستعوض النيران
فاقد الصواب مبتول من ما راى حيران
واصبح زهر مشتول وفاح ملاء الجيران
---------------
يا الفى سماك مفصول تنشاف عيان وبيان
ماعرفنا ليك وصول وما دنيت احيان
انت الخطاك اصول يعلم الحيان
مثلت فينا فصول ما بدرسا النسيان
18/ البوم عاش من شافك
عاش من شافك
عاش من شافك
عاش من شافك وين أيامك
يالدسيت جواي أحلامك
جيت زي أروع غيمة ورحت
وين وديت في الصيف أنسامك
*****
يالعلمت قليبي يغني
يشتل كيف الدنيا تمني
جيت زي أروع غيمة ورحت
وين وديت في الصيف أنسامك
*****
عاش من شافك وين أيامك
يالدسيت جواي أحلامك
ريدتك كنت بشوفا بعيدة
ويوم طليت تورني سلامك
الايدين بي شوقن نادن
والعينين قالنو كلامك
سمهرية
أنسى أقول نساني يطرأ يكوس حناني
أخاصمو اليوم وأرجع ليهو تاني
*****
لي في الريد مظالم أعمق من قضية
زي ناس قيس وروميو وليلي العامرية
في تعذيبي بارع تشهد ليك مواقع
وا ناري وسهادي يا عيوني الشقية
في تعذيبي هانية و كم هنية
*****
أسبابي في غرامو أبداً ما شوية
خفة روح لطافة سامي شعورو حية
كتر من دلالك أعمل ما بدا لك
تلقاني المسامح مهما تزيد أزية
معرفة
تجهلني كيف انت تتغابى فيني المعرفة
مشتاق وشايل الشوق ميعاد
بعيون حزينة و خايفة مكسوفة جد متأسفة
*****
يا شايلة شوق عبر السنين كايسة الحنان والعاطفة
جابا شوق ما قدرو شوق لو كنتي فعلا ناصفة
أديها من قلبك حنان ياشراع يقاوم العاصفة
سيبيها من هجرك كفا
*****
شاقي البلود كايس الديار كان القى في عينيك وطن
أو لمحة من عينيك كفاي تفرحني لو جار الزمن
لكني ما لقيتك معاي في المحنة والخوف والوهن
إخلاصي ليك ضاع والوفاء
ما تسأل (في ستين )
حلمت عشمت يا قلبي بكرة تريدك و تصافي
تقاسم عمرك الأفراح تشيل من همك و تواسي
تسهر معاك في ليل أسى و تسير معاك درباً قسى
يعوضك الله روح بالفيك منو الغير الله عاد بجزيك
ولاتسأل هي راحت وين تروح إن شاء الله في ستين
*****
تقول بس قدرك إنت كدة ولاتسعد ولا ترتاح
لا حزنك يداخلو سرور ولا ليلك يعاقبو صباح
لو الريد عشم وحظوظ أكيد يا قلبي ما محظوظ
بتخلص تخجل الإخلاص وتوفي الريدة ريدتاً صاح
*****
شجاع إخترت فيها البين ولا غافل ولا مسكين
لا أول غرام أو ريد ولا أول فراق إتنين
مسالم كنت ليها وديع افنيت في هواها أحلى ربيع
أنا الوشوشت أحلى ربيع ولا غني في هواها ربيع
سيبا وسيب معاها سنين كفاك عمراً قضيتو حنين.
ولا تسأل هي راخت وين تروح أنشاء الله في ستين
قسوة ظروف
أرحميني يا مشاعر يا مواقف يا ظروف
ما كفاك الشلتي مني قلبي كلو مليتي خوف
*****
شلتي آمالي البنيتا وضاعت أنغام الحروف
الناس بتحصد في الفرح وأنا بحصد الهم والجروح
ياما الصبر جواي زاد لا ملّ لا طالب يروح
*****
الحصاد الوقتو فات بنتظر باكر يعود
تملأ دنياي السعادة وانسى أيام الصدود
وبزرع الغنية إبتسامة وانسى أيام الصدود
الكان زمان
وراجع بعد كمل الحنان طال السفر والشوق فتر
يا ريت رجوعك كان زمان
*****
ما كان زمان راهنت بالحب النبيل لابرضى ذلة ولا هوان
وقفت قدام الخلق دافعت جد قدام إمتحان
لكن خلاص غلطان أنا قلبي إنكسر كسر الرهان
*****
ماكان زمان أنا قلت فيك أجمل غناي حضرت ليك أروع جمل
قايلك تحن تاني وتعود وتصحي في قلبي الأمل
لكن خلاص بعد الضياع الدمعة جفت في المقل
*****
ما كان زمان موسيقى كانت بين إيديك والفرحة بانت في عينيك
لو قلت لي عايز النجوم كل النجوم حأجيبا ليك
لكن خلاص حصل الفراق أعلن نهاية ريدي ليك
زي ما بريد ريدي
زي ما بريد ريدي
زي ما بريد ريدي لا ريدا متلافي للزول المو جافي
نحاربا ونعافي النية كان صافي
*****
متهول الفكر لانوعى لا ندري
شوقك في صدري زي السموم يسري
خلى القيب محري حكم الغرام جبري
*****
مجبور على الريد سويتا بي إيدي
جفاك ما تزيدي ردي علي فيدي
رضاك يوم عيدي بالريد تحل قيدي
وداد
نحن حافظين لي ودادك ما بنطيق نحمل بعادك
*****
الظروف حكمت علينا بكرة تبعد عن عينينا
قوم وسافر يا حبيبنا لليالي المرة سيبنا
*****
بس تتزكر في غيابك كل يوم ترسل خطابك
حملو الشوق والمحنة هم حياتنا وأملنا
*****
لما ترجع لينا تاني ليك بنهديها التهاني
من قلوبنا تفيض معاني
19 / البوم أكتبي لي
قسم منامي
ساهر بي قسم منامي
في قلبي أتوسد ألامي
شلت الليل خاطر عيونه
ما ساهر بي ما شال الليل
زولي الكان سعدي ومرامي
دا الساهر بي قسم منامي
ذوبني بسحره وعيونو
خلاني أنظم في فنونو
يا قلبي أصابك جنونو
ما صان هواي بس كيف تصونوا
يا قلبي ما بتسمع كلامي
قال لي حبيب حاني وأحنا
لا فيهو ريبة ولا مظنا
يا نسمة يا سلسال في جنا
يرويني من نبعو المحنا
لكنو جار بدل غرامي
بدل غرامي قسم منامي
ذوبني بسحره وعيونو
خلاني أنظم في فنونو
يا قلبي أصابك جنونو
ما صان هواي بس كيف تصونوا
يا قلبي ما بتسمع كلامي
قال لي حبيب حاني وأحنا
لا فيهو ريبة ولا مظنا
يا نسمة يا سلسال في جنا
يرويني من نبعو المحنا
لكنو جار بدل غرامي
بدل غرامي قسم منامي
ساهر بي قسم منامي ...
شقاك أزاك
شقاك أزاك
أزاك شقاك
أزاك جزاك
شقاك ازاك
أزاك جزاك
شقاك أزاك يا عيني
شقا جتيه لي
شقاك أزاك يا عيني شقا درتيه لي
-----------------
ليه بتميلي ليهو
الما بتقدري عليهو
نسيتهو ترسي
ولا بتجي راجعة بيهو
-------------------
ويضيع أنا ليه شبابي
الزول القلبي حابي
يسهرك الليالي الليالي
تقبلي كيف عذابي
شقاك أزاك ....
-------------------
منك يومي باكي
حاير ساهي شاكي
منك يومي باكي
حاير قلبي شاكي
من الأطرا وجدي
من غيرك وبراكي
شقاك أزاك...
-------------------
خبر ما بسرك
وشاعرابو في سرك
فراق الزول وهجرو
أسباب البلية
شقا درتي ليا .. شقاك أزاك...
-------------------
ضحيت بشبابي
فراقه دق بابي
قصدت الجنة مرة
لقيت نيرانا حية
شقي درتي ليا...
شقاك أزاك ....
أزاك جزاك
شقاك جزاك
أزاك شقاك ....
حنيني اليك
حنينى اليك وليل الغربة اضنانى
وطيف ذكراك بدمع القلب بكانى
وأقول ياريت زمانى الفات يعود تانى
القاك يا حبيب عمرى وتلقانى
القاك يا وحيد عمرى وتلقانى
تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تانى
حنيني اليك ....
بهرب من خيال طيفك فى عيني بلاقيه
و اعيش ايامى بالذكرى
الم افراح اعيش بيه
متين الليل يصافينى
ونعود تانى تانى تانى من تانى
القاك ياوحيد عمرى وتلقانى
تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تاني
بحسك
اه بحسك فرحة في جواي
أه عرفتك وأنت كنت معاي
كل ما أتوه بلاقيك في العمر سلوى
اه لا لا لا للاااا لررلل لا
اه جبينك بسمة من النور
ويبرق محيك الضواي
واتمناك متين ألقالك
والقى هناي وأغني غناي وماني براي
بريدك بريدك بريدك بريدك
يا صباح العيد ويااا طلة قمر في سماي
كنت معاي .... كل ما أتوه بلاقيك في العمر سلوى
اه لا لا لا للاااا لررلل لا
اه بترحلي أنت من دنياي
منو البعدك بقاسم الليل اه
سهاده معااااااي
قدر مكتبوب
طريق مسدود
أواصل لنهايته براي
كنت معاي .... كل ما أتوه بلاقيك في العمر سلوى
ماتبكي يا عيوني
خلاص ما تبكي يا عيوني
كفاك ما تبكي يا عيوني ...
كفاك يا عيوني ما تبكي
والجفاك ما تسكي
ما تألمي وتشكي
الساب الحنان فكي
حقيقة الريده بتبكي
خلاص ما تبكي ياعيوني
أتاريهم نسو الريد ونسوها وحتى نسوني ..
كفاك يا عيوني ما تعبتي ...
حتي الليل دا غلبتي
أه يا ياعيوني ما تعبتي
حتى الليل دا ساهرتي
منو نهلتي وشربتي ...
سابك وما حصل سبتي
خلاص ما تبكي ياعيوني
كفاك ما تبكي يا عيوني
أتاريهم نسو الريد ونسوها وحتى نسوني ..
قنوعة
بتريدني موت وبريدا
قنوعة بالزول البريدا..
بتريدني موت وبريدا
مقتنعة بالزول البريدا
قالت لي تعال أبوي
حتما آكيد بديك
لو جاء وسألني عليك
حاقول كلام يرضيه
كل همه يسعدني
شرفني أسعدني
أنت بتجيب والديك
طالبين يدي لايديك
قنوعة..
بتريدني وموت بريدا ....
راحة الضمير والبال
يا سيدي بالأقسام
كونك فقير عدمان
ما عيب ولاهو حرام ...
منك كتير الحب
المنيا والأحلام
تحيا وتعيش وتجيب
ما دايرة منك غيث
قنوعة ...
بتريدني وموت بريدا ...
كن ممطئن حيكون
بأذنه كلف الخير
خلي الامور لله
يا لي صباح الخير
يكفيني منك ريد
والفاتحة قولة خير
تحيا وتعيش وتجيب
ما دايرة منك غيث
قنوعة ..
بتريدني وموت بريدا ..
أكتبي لي
أكتبي لي وطمنيني عليكي
قولي يا بنية
أكتب لي وطمنيني عليكي
أحكي يا بنية
لاخبر لا جواب
أيه حاصل ليه مالك
عاملة كيف والناس
في الغربة كيف حالك
قلبي زاد خوفه
بالهيام زايدي
حاني لوصالك
أكتبي لي ....
و كيف شعور الناس
في الغربة كيف عاملة
كيف بمر اليوم والعيون آملة
زادن العوده و وحشة ألاوطان
عودي يا حالمة
أكتبي لي ....
كل زول بشتاق لبلده وأحبابه
عندو فيها حبيب راجي واصحابه
كل زول بشتاق لبلده وأحبابه
عندو فيها حبيب راجي أحبابه
كل ليل حاضن الوسادة الطيف
ينوم و يصحابو
أكتبي لي .....
20/ البوم عامل كيف
عـــامـــل كـــيــف
عامل كيف .. كامل كيف .. يا الخضرتا مواسم ريدى
الكانت قبلك آآه كلها صيف
يا تحنان الريد الاول قول لى حبى الغايب الطول
أ نا عن ريدك ما بتحول .. لو دقات القلب تقيف
عـــامل كـــــــــيف
خلى عهودك زى ما هى .. كدة على طول بتزيد حنية
بس لو تشفق مرة على ... وتبقى الدنيا بى لون الطيف
عااااااامل كيف
عامل كيف .. كامل كيف .. يا الخضرتا مواسم ريدى
الكانت قبلك آآه كلها صيف
سلام الجفا
سيب سلام الجفا .. حبيبى تعال
من عنادك كفا .. حبيبى تعال
لى ريدك جيبو .. انت قلبى نصيبو
باقى ليهو حبيبو .. حبيبى تعال
الريد بلاك ما بزيدو .. حبيبى تعال
سيب سلام الجفا .. حبيبى تعال
من عنادك كفا .. حبيبى تعال
يا حياتى وروحى .. يا شرافت لوحى
من سهادى ونوحى .. حبيبى تعال
تعال وداوى جروحى .. حبيبى تعال
سيب سلام الجفا .. حبيبى تعال
من عنادك كفا .. حبيبى تعال
فكرتك فى بالى .. يا العزيز الغالى
الحسود مد بالى .. حبيبى تعال
تعال وكيد عزالى
سيب سلام الجفا .. حبيبى تعال
من عنادك كفا .. حبيبى تعال
دروب الشـــــــــــــــــــوق
دروب الشوق لمتين تودينا
مخلاص تهنا وضاعت امانينا
كم مره اوعدنا وخلف مواعيدو
كم مره حاولنا ننسي
ونسيب ريدو
لكن بدون نشعر
تلقانا بنريدو
مكتوب علينا هواهو
ومصيرنا في ايدوو
جنيت علي ياقلبي ورميتني
في حبو
انت عارفو زول قاسي
وزي الحجر قلبو
انت عارفو زول قاسي وما بحن ليك قلبو
الناس كثير رادوهو
ما اتهنو في قربو
والله احسن ليك تنسي وتفك دربو
كتر في المحبة
كتر في المحبة زيد الريدة حبة
نحنا اتنين أحبة وإلا الشوق مخبا
من قمنا وربينا والشوق سامي بينا
جمعتنا العواطف وأخضرت سنينا
لو تعرف يا ظالم هواك هو الباقي لينا
ما دام انت راضي تاني ولا علينا
وكتر في المحبة وزيد الريدة حبة
نحنا اتنين أحبة وإلا الشوق مخبا
خلي الناس في حالة ما تسمع قوالا
يا سيد اللطافة ريدتك ليهم محالة
صايباني العيون ورامياني بنبالة
بريدك وانت ريدني الناس زعلانة مالة
لو فاكر حبيبك ما تطول بعادك
أسأل كل عاشق مين الزيي رادك
يا سيد اللطافة أبقى على ميعادك
وكتر في المحبة وكتر في ودادك
وكتر في المحبة وزيد الريدة حبة
كتر في المحبة
طروني ليك
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
الا تارى البينا للسع مانسيتو ولا نسانى
فجاء اتذكرتو ريدنا والزمان الكان معاكا
والمشاوير والامانى والفرح ساعات لقاكا
حتى قلبى القال نساكا مالو زى المانساكا
صحى جرح الماضى تانى من جديد هسع بكاكا
الا تارى البينا للسع مانسيتو ولا نسانى
طرونى ليك من تانى اندم زى كانى كنت ظالم
لمت نفسى وقلت ياريت لو الظروف بتلمنا تانى
طرونى ليك انا كيف ظلمتك
لم جيت غلطان وراجع طرونى ليك
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
دمعي جاري
أنا دمعي جاري وأسبابي جاري
يا ريته يعلم بي البي جاري
أ ه دمعي جاري وأسبابي جاري
يا ريته يعلم بي البي جاري
في قلبي ساكن جاري البعزو
هاجرني لكن آسرني حبه
يا ريت يدري الام محبه
يسعفني حالاً قبال وداري
جاري البعزو الطلة سابا
كل ما طريتو أزداد صبابا
يا ريت ديارنا جا ودق بابا
يمسح دموعي ويطفيها ناري
أ ه دمعي جاري
مهما جفاني ما بهوى غيره
من لون سماره الناس بغيره
لو مر طل أو فاح عبيره
أشواقي تفرح ويزداد حساري
أ ه دمعي جاري وأسبابي جاري
يا ريته يعلم بي البي جاري
يا ريته يعلم بي البي جاري
البي ما حاسي
البي ما حاسي
مالك بقيت قاسي
وين حنانك لي أنا
وين رحت يا ناسي
دسيت كلام الريد وما بحتو صرحت
قلبي البريد عينيك جد ليهو حرحت
رغم المحنة الفيو بالريدة ما بحت لا لا
لا قدرت أنسى هواك لا منو أرتحت
دسيت كلام الريد وما بحتو صرحت
لا قدرت أنسى هواك لا منو أرتحت
رغم المحنة الفيو بالريدة ما بحت لا لا
لا قدرت أنسى هواك لا منو أرتحت
البي ما حاسي ........
يا الزدت في هجري وناسي البدينا زمان
أجمل غيم عذري قلبك نساه وخان
قاسي الزمن نساك ما خلى فيك حنان
نسيت معاني الريد والطيبة في الأنسان
البي ما حاسي ..........
امي
أيا يا أمي معقول تجافيني
خليني نفند كدي نلقا مراد قلبي
انا كان تعرفي رايي نسوي التدوري
كلام ما بحقك انا خاطي بس نتري
اسمعي كلام قلبي وبيت الحنان