المحاولة الأولى للكتابة بدأتها في العام 2000م.

بحر الغرام

كلمات/ البلبل الغريد


فاح عطر سماك يا أركويت * وأصبحت عاشق زهرتوا
صابر هو في درب الغرام * والغربة بدا يتحملوا
سنتين حمُودي بلا عمل * وديون أبوه ماهو مسددوا
فِكروا يجمع كم ريال في الرياض* بي مهنة دآآب يتعلموا
راجع قليبوا على عمل مُربح * سريع وفترة الغربة يقصروا
رقد في نسمات ليل الصيف القصير * والقمر بكامل هيكلوا
حمُودي فجأة قرر للسفر * عن طريق جدة ربي يوصلوا
قبليه سافروا أخو وأبوه * شالوا الشِنط وإتقدموا
غمض للعيون إشترى سفاري وزينوا * وفي المُرور إفراج مؤقت سجلوا
في جمارك الباخرة ليهوا معارف * حمُودي العريس أبداً ما أخروا
طريق الرياض ـــ جدة بعيد المسافة * ولف سوق البطحاء أتعبوا
ومن سواكن شافلوا سائق وخبيراً * في الطريق وللقيادة إستأجروا
في إيدوا جوال يتصل بي أبوه * بعد كل كيلوا يطمئنوا
مرهق وصل بيتوا العريس * وكُل الحبايب والأهل إتجمعوا
ماماه غنت وكلهن رقصن * وشالن الشيلة وزغردوا
دايماً قليبوا مع أبوه * في كل شيء بيشاوروا
وده شورى لإعلان الفرح * أبوه قرر فرحوا الخميس وحددوا
سلمى أخيتي تعالى جاي * روحي قولهم العروسة تجهزوا
يوم العرس وسط الزغاريد * ساقا لي أحد الفنادق ودعوا
فندق على ضفة النيل * بعد السلام بدأ للحبيبة يداعبوا
العريس فجأة قام من نوم عميق * وللمخدة العروس هو حاضنوا
الساعة تسعة صباح عديل * حزين مدا إيدوا على المُكيف وقفوا
الشُغل في الرياض داير معارف * يا خلائق ليهوا إتوسطوا
عشان يِشتغل وبكره يصبِح * لي هُموموا مُقلِلُوا
إنتوا عارفين مُشكلة العرس * شاغلوا وفي رويحتوا مغلغوا
في بحر الغرام سابح سنين * وبنات آخر الزمن ما تضمنوا
ترجع رسايلُوا ودِبلتوا * وفي خلال ثانية واحدة تشوكِشوا
ويصبح بيهوا مجنون * لا مشايخ لا دكاترة بيعالِجوا
يتركوا الأمُر للواحد القادر * وفي البيت يتربط بي حِبالوا
وتلقاه دايماً في صِياح * مسكين لي هُدوموا موسخوا
يا غرام دربِك عذاب دربك ضياع * وبالجديد بكرة يكفِنوا
ومصيروا يضرب بيهوا أمثال * ومن درسوا الشباب يتعلموا
ومسيرة غرامي معاك يا * (نونه) الكريم ربي يسهلوا
تصبِحي لي زمانك عبلة * وأصبح لي زماني أنا عنتروا
هون عليّ يا كريم العودة * لزهرتي الفواح أنا أريد قطفوا