لتشجيع شبابنا علي الزواج يجب ان نحارب هذه العادات والتقاليد
 

تعال بالعندك ابوي بسندك

تعقيد اجراءات الزواج عندنا في السودان

.. مدخل رومانسي ..
- الو حبيبي انت حتجي متين اهلي منتظرنك ؟؟
- حاجي يا روحي بس انتي عارفه الظروف
- لا ما تقول لي الظروف انا ما عايزه منك ايييييييي حاجه انتا بس تعال ونبني حياتنا حته حته وكان علي انا بالعندك والما عندك بعرسك وكان علي اهلي الناقص بتموه
-قلتي كدا ؟؟!!!
- اااااي وعارفه انا بقول في شنو ...
مدخل خفيف ....
- يا ولدي ما ممكن نمشي للناس ايدنا فاضيه سجم خشمي يقولو شنو ..؟
- طيب يا امي انتي فهمك شنو ..؟
- طيب عايزين نشيل لينا حلاوه وبارد وهديه للعروس وامها ..
وما تنسي تجيب لي توب سمح اخش بيهو للناس وابوك ده جلاليبو كلهن شربانات ومركوبو مطرقع .
- خلاص يا مي جدا ..
طبعا يا ولد يا محمد عايز شويه حاجات بي 500 جنيه .. وهديه للعروس وامها قول 1000 .... والحاج والحاجه قول 1000 جنيه يعني 2500 جنيه بسيطه في النهايه وصلت البيت وعزيت حبيبتك ...
مدخل مريح ..
- يا ولدي مبروك اديناك ونحنا ناس ستره وحالنا زي ما شايف يا ريت لو عندنا نحنا نديك والله يقدرك .. ما عازيين منك حاجه بس ياهو المهر وتاخد مرتك ..
ايووووووووووووووووووووووي يوووي يووويييي
- يا ولد يا محمد الناس ديل كلامهم واااضح واحسن تستعجل تتم عرسك مع انهم ما ناس تمومه زي ما قالت ليك بس ما مكلفين احسن تتخارج .
- الو حبيبي مبروك علينا اها حتلبس الدبل والشبكه متين ؟
- ايوه يا روحي بس موضوع الشبكه ده احسن نختصرو انتي عارفه ال...
- مقاطعه ..لا يعني ما عايز تلبسني دبله وشبكه وانا كلمتا صحباتي وكده حتحرجني شديد وده المهم عندي الباقي كلوووو ما مهم .
- خلاص ما تزعلي الاسبوع الجاي عشان اقدر اتصرف .
-- يا ولد يا محمد الدهب ناااااار بس لازم تتصرف عشان هي ما قصرت قالت ما عايزه ايي حاجه بس الموضوع ده محرج بالنسبه ليها وكلها 4000 جنيه يعني الكنتا خاتيهو للمهر دي وهم اصلا قالو مهر السنه ما فرقت .
- حبيبي فستان الشبكه الحجزتو رهيييييب فلا يستاهل عروسك وما غالي كمان كلو بي الكوفير واللبس بيعمل 3000 جنيه ..تخيييل ..؟
- شنوووووو ؟
- حبيبي الخط بقطع انا خاشه الكوفير تعال ليهم بره حاسبهم يلا باي .. توت ..توت
- ايوه انا العريس ودي التلاته الف بتاعتكم ..
- لا يا استاذ لسه عندك اكسسوارات وحمام مغربي وحنه يدين وكم حاجه الحساب 5500
ررررن ررررن الو انا صاحبتها هي بيعملو ليها في شعرها ما حتقدر تتكلم بس قالت ليك اضرب لي حمودي اخوها اديهو حق الفنان .
-- كوفير وفنانه دي شنو الورطه دي ترررررن ترررررن يا ابو علي انا محمد عليك الله داير لي دين 6000 بديك ليها الاسبوع الجاي اخوك خطب وكده ههههه شكرا يا ابو علي .
طيب الحكايه لحدي اسي عامله ليها 13500 جنيه القصه د\ي ماشه لي وين ؟؟؟؟
- مبروك يا بتي مبروك يا ولدي خلاص اتفقنا العقد 27 رجب بعد شهر شد حيلك يا ولدي
يا ولد يا محمد الكلام دا قرب بس ما ممكن تكسر راي الكبار والاتبلبل بعوم
...
مدخل في اللحم الحي ..
- الو حبيبي ابو ي قال ليك حتجيب المهر كم ؟؟؟
- اااأأه
- المهر المهر كم ؟ انتا عارف ابوي قال ليك ما عندو حاجه عشان كدا انا راي تجيبو اربعين متكفي عشان انا ما عايزاك تصرف كتيير والباقي اهلي بتموه ..
- اهلك يتوه شنو يتم اجله
- قلتا شنو ؟
- لا ما قلتا حاجه قلتا الله يخليهم ويقدرني اجازيهم ( يجازيهم بالبيجازي يجز راسم واحد واحد همهمهم )
- ما سامعاك قلتا شنو ؟؟
- لا ما قلتا حاجه متكفي دي يعني تاني ماف حاجه ؟
- طبعا حبيبي .
- خلاص كويس ....
-- طيب لو وديت متكفي دي احسن حاجه تجي زول حفله سااااي وبتتهون بس قول يا رب .. كده عملت 53000 وباقي عزومتك وكده ابشر يا عريس

-- مدخل قاسي --
الو ازيك يا ولدي انا حاجه عوضيه نسيبتك ...
- اهلا اهلا يا احلي نسيبه امرك .
- لا بس يا ولدي قربنا ولسه اهلك ما جابو الشيله واهلي جو من البلد يشوفهوها هييههههه طبعا .. نحنا عاداتنا كلللللللل البنات خياتها وبنات خالاتها جابو ليهن اقلللللله واحده سته سته وانتا عارف هي اسمحن صلاه النبي عليها هيهيهيي يلا مع السلامه يا ولدي ..
...........
-- يا ولد يا محمد المره شكلها لسانها فالت وما بتنستر احسن تتصرف سريع تكسر عينها البيضاء دي سريع واستلم مرتك بعدين الباقي هين ..
- الو ابو علي خجلان منك والله بس الموضوع مشي سريع ومحتاج لي خمسين بديك ليها مع السته عشان المهر والشيله وكدا ما عندك مشكله بكتب ليك شيك ..تسلم ..
...........
طيب كدا عملت ليها 63000 بس بعد ده العزومه بيحلها الكشف والدين بنسده
-- الو يا امي
-- ضربت نسيبتك بتسال من الدهب
- دهب شنو نحنا مش دفعنا متكفي ؟
- لا يا ولدي هي قالت المهر شالو ابوها والدهب اصلهن حقينك راجعين ليك تقوم تمشي السوق مع اختك وقت عملتها مااا تسود وشنا معاك
- الووو ابوعلي يا اصلي والله ما عارف اقول ليك شنو هيههي
- الو حبيبي انتا في السوق انا جايه عليك عشان الكريمات .. لابسه توب اصفر ومتبلمه
................
طيب يا محمد السوق داداير من دهب لي صندل لي كريمات وكده شايل ليهو 29000 يعني كدا بقيت 92000 اححححححححح بس الحمد لله اتخارجنا
اووووووووووه
........................
مدخل مؤلم .....
يا عريس الحنه بكره مبروك جبنا البوكس بتاع صاحبك ابو علي عشان السوق والخضار والبهايم يلا عشان ماشيين الووو ابو علي ..
- يا عريس الصيوان والبارد والتلج الووو ابو علي
- يا عريس الفان والكروت والجلابيه في الترزي الو ابو علي هيهيهيهي
- يا عريس حق تصديق الحفله الوو ابو علي
- الووو حبيبي طبعا ماااا قادره اصبر ليك موووووووووووت بالمناسبه الصندل قصر عايزيين رطل تاني بي تسعميه ومعاهو علبه بت السودان وشويه ضفره يلا باي
- الووو ابو علي يا خي اعفي لي والله والله ما عارف اقول ليك شنو بس برسل ليك الشيك مع عمر ...
- يا عريس كلو تمام بس الجو حر عايزيين مكيفاات وزياده كراسي وصبارات
- يا عريس نسابتك جو بي بص والسواااق واقف ...
- الو حبيبي طبعا انتنا اصلك ما قصرتا وبيضتا وشي مع اهلي مبسوطين منك وانا عارفه اعمل ليك شنو بس اوعدك حاسعدك بي عيوني يا عيوني
بالمناسبه طبعا عارف شارعنا ضيق وجيرانا عندهم بكا وانا نفسي اعرس في صاله بعدين ناسكم كتار وانا حمودي لقي لي صاله رخييييييصه بس تسعتاشر مليون وخرافيه وحتكون منور جواها وده تلفونهم يلا باي عشان ماما مانعاني اتكلم معاك نظام محبوسه وكدا هيهيهيهي باي حبيبي ..
.............
طيب العزومه وحنتي مشت لي 27000 والصاله قالو الا بالعشاى36000 يعني عملت ليه 155000 اييييييك دي اسددها كيف يا ربي الكشف يكون عمل كم الله يستر ..
- يا عريس شد حيلك عارف ظروف الناس والكشف عمل ليهو 2500 شالها ابوك قضي بيها الناقص ابشررررررر
..... مدخل سخيف ..
نعيما يا عريس حسابك بالصبغه وايجار البدله 700 جنيه
- الوو حبيبي نحنا خلصنا تعالو بعد ده الناس في الصاله منتظرين وحاسب بت الكوفير ...
الكوافير وماااااا ادراك مااا الكوافيييييير
هههههههههههههههههه
العروس وصحباتها السبعه والفستان والي منو وايييييييك وما بتطلعو من هنا الا تدفعو لا موبايلات لا دهب دي سياسه المحل والحنك داك ..
الحساب 2850 جنيه وو ..
- حبيبي عايزه ورد طبيعي عشان ارميهو لصحباتي كلو بي 500 جنيه ..
........
يعني بي ايجار العربيه والتصوير ده عملت ليها سبعه ال شويه ومحسوبه بالمناسبه
يعني كده عملت 162000 ....
- ابشرررر يا عريس الشقه ايجارها 10 يوم 1000 جنيه وجيب 500 جنيه نملاها ليك (التلاجه)
..........
مدخل طرب ................
ابشر يا عريس ابشرررر
تنتنتنتن
النبق النبق النبق
جبج جب جب جب جب ابشرررر يا عرييس
يلا يا بتي ربنا يغنيكم من العين
ودعتك الله ابقي عشره علي راجلك اهي اهي اهي

بسم الله الرحمن الرحيم
السلام عليكم و رحمة الله تعالى و بركاته
المحترم الاخ /احمد امام العالم
موضوع تشجيع الشباب على الزواج و محاربة العادات و التقاليد( التي تسبب تأخر الشباب لدرجة اشبه بالعزوف ) موضوع نتمنى لو أن وزارة التربية تتطرق في مناهجها التربوية لمثله, خصوصا المناهج التي يدرسنها البنات, و مناهج فصول محو الامية التي يدرسنها النساء الكبار , لانه كما قال الشاعر: (الأم مدرسة اذا اعددتها اعددت شعبا طيب الأعراق) .
لا شك ان النظرة المادية صارت تسيطر على معظم شعوب دول العالم المتأخر و لو قارنا بين الزواج في العالم المتأخر و العالم المتقدم حتى الغير مسلمين نجد ان زواجهم مبسط لدرجة تشجع على الزواج .
لو تتبعنا كتب السيرة النبوية نجد فيها مواضيع تشجع على تبسيط الزواج و لكن مناهجنا التربوية لا تتطرق لها , لذلك نجد ان معظم البنات يجهلنها تماما .
--------------------------
نراجع قصة زواج السيدة عائشة و السيدة فاطمة الزهراء و نتمنى ان يصل مضمون القصتين لكل أنسانة .
تزوج النبي صلى الله عليه وسلم من السيدة عائشة بعد غزوة بدر في شهر شوال في السنة الثانية للهجرة. وكانت السيدة عائشة تتباهى بذلك حيث أنه كان شهر مبارك عند العرب وتقول "خطبني الرسول صلى الله عليه وسلم في شوال وبنا بي في شوال"حتى أن السيدة عائشة كانت تزوج البنات في عائلتها في شوال. كانت تقول السيدة عائشة قبيل زواجها من النبي صلى الله عليه وسلم "كان وزني خفيف وكانت أمي تسمنني للزواج من النبي صلى الله عليه. وفي يوم الزواج تقول السيدة عائشة: فبينما أنا مع صويحباتي على أرجوحة إذا بأمي تصرخ علي تعالي تعالي, فجئت إليها أقول هة هة يكاد ينقطع نفسي فأخذتني وأدخلتني الى دور من دور الأنصار فإذا نساء من الأنصار يستقبلنني يزينونني يأخذن شعري ويصلحنه, ثم جاء النبي صلى الله عليه وسلم وبينما أنا في البيت أقيمت الوليمة فقدم النبي للناس اللبن وشيء من الطعام فأعطى النبي للبنات الصغيرات الطعام فأستحيين فقلن: لا نريده فقال لهن النبي صلى الله عليه وسلم: لا تجمعن جوعا وكذبا فأخذن الطعام من النبي صلى الله عليه وسلم. فلما إنتهت الوليمة لم يبق في البيت إلا النبي صلى الله عليه وسلم والسيدة عائشة وأسماء بنت زيد. فجلس النبي بجوار عائشة وناولها كوبا من لبن فاستحييت السيدة عائشة وأحنت رأسها فقالت لها أسماء خذي من النبي صلى الله عليه وسلم فأخذت السيدة عائشة الكوب وشربت شيئا وتركته. أما مهر السيدة عائشة كان خمسمائة درهم هو مبلغ قليل جدا وهو تطبيق لقول النبي صلى الله عليه وسلم "أكثرهن بركة أقلهن مهورا".
أما بيت السيدة عائشة فكان بسيط جدا يحتوي على وسادة حشوها ليف وفراش حشوه ليف وجرة ماء وحصيرة. حتى أن الحسن كان يقول: كنت أدخل بيوت زوجات النبي فألمس السقف بيدي, وقال سعيد ابن المسيب: ليتكم كنتم رأيتم بيوت النبي صلى الله عليه وسلم كي لا تبالغوا في بيوتكم ولتعلموا كيف رضي رسول الله عليه وسلم من الدنيا بالقليل وكان يستطيع أن يأخذ الدنيا بحذافيرها.

قصة زواج السيدة فاطمة الزهراء من على كرم الله وجهه

لما بلغت فاطمة مبلغ الزواج تقدم لخطبتها
أبو بكر الصديق وعمر بن الخطاب فأجابهما رسول الله
بقول جميل كما فى النسائى إنها صغيرة وفى رواية
إنى أنتظر بها القضاء
وهنا أشار عمر بن الخطاب على عليّ بن أبى طالب أن يتقدم
لخطبتها وقال له : أنت لها يا علىّ
فتقدم علىّ لخطبتها وكان عمرها فى حوالى الثامنة عشرة
من عمرها وكان علىّ فى الثانية والعشرين
و روى أن نفرا من الأنصار قالوا لعليّ بن أبى طالب
عندك فاطمة فائت رسول الله فسلم عليه وكلمه ،
فذهب علىّ إلى رسول الله فما كاد علىّ يجلس
حتى قال له رسول الله :
" ما حاجتك يا ابن أبى طالب ؟ "
فذكر علىّ فاطمة - رضى الله عنها -
فقال رسول الله : " مرحبا وأهلا "
ولم يرد ، وخرج على - رضى الله عنه -
إلى أولئك الجمع من الأنصار وهم ينتظرونه
قالوا : ما وراءك ؟
قال علىّ - رضى الله عنه - :
ما أدرى غير أن رسول الله قال لى : مرحبا وأهلا
قالوا : أيكفيك من رسول الله إحداهما :
أعطاك الأهل وأعطاك المرحب ؟
وفى اليوم التالى وقف علىّ - رضى الله عنه -
قريبا من رسول الله فألقى عليه السلام ،
ثم قال : أردت أن أخطب فاطمة يا رسول الله .
فالتفت إليه رسول الله برفق وحنان ثم سأله :
" وهل عندك شىء ؟
" فرد عليه علىّ قائلا : لا يا رسول الله .
فقال رسول الله : " فأين درعك التى أعطيتك يوم بدر ؟ "
فقال علىّ - رضى الله عنه - : هى عندى يا رسول الله .
فقال رسول الله: " ائت بها "
فجاءه بها فأمره رسول الله أن يبيعها ليجهز العروس بثمنها ،
وعلم عثمان ابن عفان بما كان بين رسول الله
وعليّ - رضى الله عنه - فاشتراها منه ابن عفان
وبالغ فى الثمن ليمكنه من دفع ما يليق بصداق الزهراء
فدفع إليه أربعمائة وسبعين درهما فدفعها علىّ كلها
صداقا وتمت الخطبة وأعطى النبى لبلال - رضى الله عنه -
مبلغا ليشترى ببعضه طيبا وعطرا ثم دفع الباقى إلى
أم سلمة - رضى الله عنها - لتشترى ما يحتاج إليه العروسان
من متاع وغيرهوقبل الحفل قال رسول الله
( لخادمه أنس بن مالك انطلق وادع لى
أبا بكر وعمر وعثمان وطلحة والزبير وغيرهم
من المهاجرين والأنصار ودعا أنس جميعا كبيرا من المسلمين
فقام رسول الله خطيبا وقال :
" الحمد لله المحمود بنعمته المعبود بقدرته
المطاع بسلطانه المهروب إليه من عذابه
النافذ أمره فى أرضه وسمائه الذى خلق الخلق بقدرته "
... إلى أن قال : " إن الله عز وجل جعل المصاهرة
نسبًا حقًا وأمرًا مفترضا وحكمًا عادلا وخيرًا جامعًا ..
فقال الله عز وجل :
" وَهُوَ الَّذِى خَلَقَ مِنَ الْمَاء بَشَرًا فَجَعَلَهُ نَسَبًا وَصِهْرًا وَكَانَ رَبُّكَ قَدِيرًا "
ثم إن الله تعالى أمرنى أن أزوج فاطمة من علىّ
وأشهدكم أنى زوجت فاطمة من علىّ على
أربعمائة مثقال فضة إن رضى بذلك على السنة
القائمة والفريضة الواجبة فجمع الله شملهما
وبارك لهما وأطاب نسلهما وجعل نسلهما مفاتيح الرحمة
ومعادن الحكمة وأمن الأمةأقول قولى هذا وأستغفر الله لى ولكم "
فقال علىّ : رضيت يا رسول الله
ثم خر ساجدا شكرا لله فلما رفع رأسه
قال رسول الله:
" بارك الله لكما وعليكما وأسعد جدكما وأخرج منكما الكثير الطيب
وتزوج علىّ فاطمة وبنى بها بعد مرجع المسلمين
من بدر فى محرم فى السنة الثانية من الهجرة
وأولم عليها فذبح عليها كبشًا أهداه إياه سعد بن عبادة الأنصارى
وكان علي بن أبى طالب فقيرا
قال عليّ بن أبى طالب : لقد تزوجت فاطمة
وما لى ولها غير جلد كبش تنام عليه بالليل
ونعلف عليه الناضح بالنهار وما لى ولها خادم غيرها .وأرسل رسول الله مع فاطمة عند زواجها
بخملة ووسادة حشوها ليف وسقاء
وجرتين فكان ذلك هدية زواجها من أبيها
عن السيدة عائشة - رضي الله عنها - قالت :
ما رأيت أحداً أشبه كلاماً وحديثاً من فاطمة
برسول الله - صلى الله عليه وسلم -
وكانت إذا دخلت عليه رحَّب بها ،
وقام فأخذ بيدها
فقبَّلها وأجلسها في مجلسه .
أخرجه الترمذي
---------------

http://www.4cyc.com/play-mrsLHKr18TY

تشجيع الشباب علي الزواج
 

مشكلة الاقبال علي الزواج أضحت هاجسا بغض مضاجع الأسر والشباب يتكاليفه الباهظة الخاضعة للعادات والتقاليد بالمجتمع ومصدر أثار نفسية للفتيات اللائي يبلغن سن الزواج وعلاجها ليس بالأمر العسير إذا كانت إرادة المقبلين علي الزواج قوية وعزيمتهم علي الرباط المقدس أقوي من العوامل الاجتماعية بعاداتها البالية ومظاهرها .
وهنالك تجارب ثرة لمجتمعات حاربت غلاء المهور والصرف البذخي الذي يقوم به بعض ضعاف النفوس من الشباب أو الأسر لأكمال نقص إجتماعي كما يؤكد علماء النفس أو التربية ذلك.

لنحصر الأمر داخل مجتمع أبوفروع فقد عاصرنا محاولات جاده من الآباء للتحديد نظام تم الاتفاق عليه من الجميع ( بما يعرف بنظام الكوره ) وحدث ذلك عام 1967 واستمر هذا النظام ساريا باشراف لجنة استمر حتي عام 1979 تقريبا حيث بدأ المغتربون في إحداث خلل إجتماعي كبير في السودان خلال حقبة الثمانينات والتسعينات من القرن الماضي وقمنا بمناقشة أمر تسهيل الزاج في الثمانينات .
آخر تجربة عاصرتها عام 2007 م كنت في اجازة بالسودان وحضرت ندوه بنادي الشاطي عن مشكلة الزواج وكلفت يتكوين لجنة لدراسة هذا الأمر وعقدناا أول اجتماع بمدرسة البنات بعد اختيار عدد من المعلمات والمعلمين وممثلين لعدد من الأسر لهم تأثير وقرار داخل أسرهم ووجد ا الأمر تجاوبا من الجميع حرصا علي أتاحة الزواج بطرق ميسرة حيث تم الاتفق علي الآتي
1/ ا، يكون المال مليون جنية 2/ الشنطة تحتوي علي ثلاث مجموعات ( ثوب وتوابعه ) 3/ السيرة عدد 20 شخص فقط وهذا تم بعد دراسة لتجارب من ثلاثة مناطق وتم تكوين لجنة برئاسة د. الطّيب يوسف كان ذلك في شعبان من عام 2007 م تقدم لهذه اللجنة عدد 18 طلب زواج تم أيا م عطلة عيد الفطر وأستمر هذا الإتفاق ساريا لفترة وأتاح الفرصة لعدد كبير من الشباب لاكمال نصف دينهم .. وبعد فترة حصل إختراق من البعض لهذا النظام المتفق عليه ..
عليه أرجو من تلك اللجنة مواصلة عملها وأجراء تعديلات علي النظام وفق أرتفاع الأسعار والمستجدات وأن يحرص الآباء والأمهات والشباب علي ذلك والوقوف ضد كل من يتخطي الأجماع وعزله من المجتمع ..... والله الموفق

الزواج أصبح أكثر تعقيدا في المجتمع حسب المدنية
يعنى كشف حساب ومراجع قانوني
نقول حسب الوضع المادي
ورايي الشخصي البعد عن المظاهر بين الشباب أنفسهم
ممكن لكل شاب ان يمسح هذه الأرقام
والا أصبحت البنات عوانس ومخللات
يعني بعيدا عن المظاهر والتعقيدات في المجتمع
ممكن الزواج يكلف 1000 الى 100000