:::: منتديات أبو فروع ::::

لك التحية العزيزة تيسير وكل الاسرة وقفت المنتدي قطتنا من التواصل معكم خصوصا مابينا قنوات اتصال الا هنا..
وما شالله مجهود مقدر...وهمة وطنية عالية..وربنا يديم السلام والاستقرار في ربوع الوطن..عارفة الاحداث البتحصل في السودان شعورها والانفعال بها
(عند المغتربين مضااااعف.).
حاسين بيكم ايام الاعتداء علي هجليج تكون قناة الجزيرة فاتحة 24 ساعة ما بتغيروا الا لتلفزيون السودان فترة وترجعو للجزيرة تاني ومتابعة وانفعال بادق التافصيل وهم بالحاصل في البلد و الغلاء والنا س بتكون عاملة شنو
(شعور خبرناه جيد وحالة عشناها ثلاثة عشرر .عام)
نحكي ليك الوضع هنا..طبعا يوم الاعتداء الناس كللللها المعارض قبل المؤيد ادان الاعتداء وزعل شددديد وشعور بالاهانة..ولاي الجنوبين يعملو كدة بعد ما اديناهم بلدهم بي بترولو يجو يعتدو علينا في بيتنا..
تاني يوم طوالي الدولار ارتفع ورتفعت الاسعار اصلا اتعودنا علي الارتفاع الشهري في السلع الاساسية بس الجانا قبال الشهر ده ما مستعدين ليهم..وكمان جابت ليها ازمة موصلات وصف بنزين ..يعني ما صف كبيير زي حق الثمانينات (لكن صفيف) شل حركة الموصلات نسيبا" الحمد لله ما معاه صف عيش
طبعن التجار في السوق ما عايزن يبعو حضوصا السلع الكهربائية يعني لو عايزة تشتري خلاطة او اي اسبير بسيط يدوك سعر مضاعف ثلاثة مرات حتي ما تقدري تقولي خفضو لي لانو مهمت خفض ما بيصل السعر المفروض ويقول ليك عديل ( ما داير نبيع امشئ نحن ماعارفين بكرة بيصبح السعر كيف ولا الدولار بيصل كم)
اخدنا في الحالة دي اسبوع..والناس بداءت تتسخط مفروض الحكومة يكون عندها تدابير وقائية للحدث ولمتين نحن نستحمل ونصبر ..
يوم الجمعة يوم تحرير هجليج كان عادي خلاص الناس صبرت واستحملت يعملو شنو (رضو بالله ارادو ليهم) وازمة الموصلات بداءت تنفرج..خروج الناس في المسيرات فعلا كان عفوئ..والفرحة كانت كبيرة..في الغربة كنا بنسمع انو دي ضجة اعلامية او ناس مؤجرين للخروج ..لكن عن تجربة شاهدتها الناس كللها خرجت تلقائيا"نعم في ناس فاهمة الحاصل شنو وخرجت مؤيدة..وفي شريحة خرجت تبع خروج الناس..لكن الفرحة كانت قاسم مشترك
انا من الناس ما كنت ناوية اطلع ولا بحب الجمهرة خصوصا ان يوم الجمعة يوم ملئ بالنسبة للعاملات المتزوجات
لكن تصادف خروج الاولاد مع ابوهم لمشوار ورجعو فرحااانين انو شافو الجيش يجوب الشوارع ..ويدقو في النحاس اصرو انو نمشي نحضر المهرجان في القيادة.العامة فاقترحت ان انزل عند اخواتي في شمبات وهم يمشو القيادة
لكن الشوارع كانت ممتلئي وكل العربات تحمل الاعلام وشارع المعونة مزدحم..وتحت ضعط الاولاد مشيت معاهم بي شارع الانقاز..بي وراء اه اليوم داك القيادة العامة بقت عاامة لكل الناس الحواجز البتحدد دخول العربات الناس رمتا في الوطة ودخلو جوووة المكاتب لا في زول بسال ولا موظف استقبال يستفسرك..
بعده قالو الناس تمشي الساحة الخضراء للقاء الرئيس..طبعنا ان رفضت جدا"بلغ بي التعب مبلغا" وبحاول اقنع في الاولاد نرجع البيت التفت علي صوت احدهن تقول لي :عليك الله يلا نمشي ؟ فنظرت لمصدر الصوت شابات في العشرين من اعمارهم لابسين بنطلون الاسكني.. وشعرهم مفتوحة. فسالتهم باستغراب اسة انتو معجبين بالبشير وماشين من هنا للساحة الخضراء للبيعة..والتايد؟فاجابت احدهن بضحكة بيعة شنو وبشير شنو ؟جو فرحة ارح .خلي اولادك يفرح ونغير جوءطبعن الاولاد مع بعض خلقو علاقات مع ناس مابنعرفهم نوع بوري عربيتنا اعلي من حقكم (كل الاطفال هم من تحكمو في في بوري عربات اباؤهم في زلك اليوم )..ونحن سبقناكم يلا الحقونا. نحن ابونا ح يودنا نشوف البشير ونرقص مع موسيقي .انتو ما ح تمشو؟؟
في النهاية حكمت رائئ ورجعنا البيت ..نعم فرحنا بتحرير هجليج ..لكن مسيرات وتجمعات ما عندنا ليها قدرة..