|
يا ناس الحله
السلام عليكم ورحمة الله وبركاته
كدى اول حاجه وفى التبادى فى سؤال معكر مزاجى انتوا اناس المنتدى ده فيه كم عضو ووينن يا كافى البلا والمحن لا مواضيع جديده لا مشاركه فى المواضيع المطروحه للنقاش ولا حس ولا خبر مام الحاصل عليهم شنو زعلانين من منو وفى شنو يقولو لينا معترضين الفهمونا ما عاجبن الحال يوصلو لينا فهمم شنوا بس يصحو شويه وكلنا اهل واخوان وحلتنا واحده زمان كان فريق وراء وقدام وحلة بخيت وحى الجنينه اسى اختلط الكل فى الكل وكلنا ارتبطنا ببعض بالنسب والمصاهره وحالتنا واحده وحلتنا واحده لما نتلاقى وقمنا كلنا سوا فى الفريق وفى المدرسه وفى الحواشات وفى الميادين عليكم الله ورونا مالكم المنعكم شنو قولو اى حاجه فى اى حاجه ولا تسكتو اها انشاء الله المره الجايه اخش المنتدى القى اسامى جديده ومشاركات بالذات من الكسالى مامكن كل مره نلاقى نفس الجوه والشريط الجارى ده محتكر ل ا =ك=ش=ح=م=ط بعدين المشرفين ديل ما يحركو الناس شويه ويسالو هم عن اسباب الانقطاع وكان عندهم مشكله يحلها ليهم اذا فى مقدورهم الحل |
منتدانا ده محير يا مرغني ,,, مرة الواحد ما يقدر يلحق يقرأ كل المشاركات ومرات تلقاه كله زوار ويجمد فترة من الزمن ما معروف الجماعة ديل الحاصل عليهم شنو ؟
الله يكون في العون |
بالمناسبة ,,, الفراعة في الفيس بوك ما بيدوك الدرب
|
بسم الله الرحمن الرحيم
التحية للاخ الثائر ميرغني الشايقي, نتمنى ان يشكل الرواد حضور دائما , و لكن بلا شك ان لكل انسان ظروفه الخاصة التي قد تحول دون مشاركاته احيانا مع العلم انه بالتجربة عرفنا انا انسان ابوفروع يجود بوقته و بكل ما هو متاح له للتواصل اجتماعيا و ماديا , نتمنى مشاهدة اعضاء جدد و لكن قد يكون انضمام اعضاء جدد موقوف مؤقتا لاسباب فنية لا يعرفها الكثير منا و هذا في ايدي المتحكمين في الشبكات العنكبوتية و ليس بأرادة المشرفين على المواقع . اما بخصوص الوجوه التي نراها دوما نتمنى ان لا تغيب لحظة لان هؤلاء هم الدينمو المحرك للمنتديات و هؤلاء هم ايادي العطاء التي بعلوها دوما ازدهرت ابوفروع و تعمرت مدارسها و تطور مركزها الصحي و مساجدها و الان قد رأينا قبل امس العطاء الذي جادت به هذه الوجوه جزاها الله خير الجزاء بالمكيفات التي سوف تكون في مساجد ابوفروع هؤلاء هم جيل العطاء , رغم اختلاف الاعمار الا انهم يشكلون ندية في العطاء الذي يذكرني دوما مقطع اغنية (ابكريق في اللجج سدر حبس الفجج) و يذكرني ايضا رائعة محمد المكي ابراهيم, التي سوف ادرجها اسفل الصفحة , هؤلاء هم من شمروا عن سواعد الجد و صاروا كعسكر الليل الذي لا ينام لحراسة ابوفروع على الرغم من ان زمن بعضهم غالي لدرجة لا نتصورها اطلاقا , دقيقة من بعضهم يبحث عنها الباحثين عن بعض الاستشارات بأغلى الاثمان و لا يجدونها, لذلك نحن نحمد الله ان جعلهم رواد في منتدياتنا ونحمد الله ان جادوا لنا باغلى شي وهو الزمن الذي لا يقدر بثمن , نتمنى ان نراهم دوما. -------------------- (جيل العطاء ,, محمد المكي ابـــراهيم) -- .من غيرنا يعطي لهذا الشعب معنى أن يعيش وينتصر من غيرنا ليغير التاريخ والقيم الجديدة والسير من غيرنا لصياغة الدنيا وتركيب الحياة القادمة جيل العطاء المستجيش ضراوة ومقاومة المستميت على المبادىء مؤمنا المشرئب إلى النجوم لينتقي صدر السماء لشعبنا جيلي أنا.. هدم المحالات العتيقة وانقضي سيف الوثوق مطاعنا ومشى لباحات الخلود عيونه مفتوحة وصدوره مكشوفة بجراحها متزينة متخيرا وعر الدروب وسائرا فوق الرصاص منافحا جيل العطاء لك البطولات الكبيرة والجراح الصادحة ولك الحضور هنا بقلب العصر فوق طلوله المتناوحة ولك التفرد فوق صهوات الخيول روامحا جيلي أنا .. جيل العطاء لعزمنا حتما يذل المستحيل وننتصر وسنبدع الدنيا الجديدة وفق ما نهوى ونحمل عبء أن نبني الحياة ونبتكر |
تحياتي للجميع وأفتكر كلام الأخ حاتم شافي ووافي ، وكان لقيت سبب أدينا خبر !!!
|
والله صراحه اخونا ميرغنى الشايقى عندو مليون حق فيما قال . ويمكن تبريرات الاخ حاتم وافيه وشافيه وديل اهل الخير وما محتاجين شكر او ثناء لما قدمو . لكن وسط زحمة العمل المابتنتهى دى الا بنهاية الدنيا . خلو المنتدى يكون ليكم لحظة ترفيه وذى ما قدمتو الكثير الجميل حاولو تعمرو المنتدى ’وصراحه ابوفروع ولاده فيها الشاعر والكاتب والمفتى والاديب . غنيه بشبابها وشيبا . ياريت نسيب الكسل ما نخلى شهادت بحثو عند قلة من الناس . ماعايزين نلجاء لمنتديات تانيه وابوفروع موجوده . هى اولا انا ما عارفه الناس خايفه من المنتدى ليه ؟ فى حين انو هم متواجدين فى الفيس بوك ع راى اخونا صديق ياريت نتحرك ولو بربع ساعه |
| الساعة الآن 07:56 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir