حفظة القران الكريم بأبي فروع
 

لك التحيه الخال عبد المنعم. من اوئل الحفظه جدنا (محمد الامين القرشي). (وابوبكر احمد ألامين). (ود خالتي سيده).بعد حادث فقد بصره تفرغ لعلوم للقران من جامعه القران وكانت له دروس لتعليم القران للنشئ والكبار ف بيته بالفتحاب.

اقتباس:

هذه البوست هو بداية للتوثيق لرافد اساسي في تزكية و تنمية التربية الدينية القومية و هم حفظة القران في ابوفروع عبر تاريخها الطويل

شكرا أستاذنا منعم لإبتدار هذا البوست التوثيقي لحفظة القرآن الكريم في ابوفروع
موضوع والله فى غاية الأهمية وطال إنتظاره من ناحيتي.. بس الجراب خاوي
وارجو من الاستاذ/ حنفي المشاركة في هذا التوثيق .

الاخ العزيز ابوذر
شكراً للاضافة القيمة
سؤال فكي محمد احمد ود حاج حمد هل هو ابو مصطفي ؟؟؟
احمد ود حاج حمد هل ابوه ؟؟ ام أخوه
لو كان اخوه اولاده منو؟
علاقتهم بي ود المصكفي شنو ود المصطفي
لانو يتخيل لي ديل هم اخوال جدي و جدك
برضو رسل لي الاخ هاشم قريش رسالة بسال عن تلفونك و رسلتو ليه
تحياتي
برضو اتذكر عماتي الرسالة بت سعيد و بشيرة بنت محمد احمد كانو بتكلموا عن انو حبوبتنا بت حماد كانت تحفظ كثير من القران برضو دي دايرة تأكيد
كمان في بعض الاخوات الان متجهدات في الحفظ و فيهم علي ما اظن من حفظن
دي دايره تأكيد برضو

بسم الله الرحمن الرحيم
السلام عليكم و رحمة الله تعالى و بركاته
هذا البوست بخصوص حفظة القرآن في ابوفروع و من ضمنه اسم نتشرف كثيرا بادراجه مع حفظة القرآن و لكن يحتاج الاسم لتوضيح اكثر لانكم ذكرتوا معه اسم الشبارقة (-الفكي محمديد (الشبارقة) .)

أثار الأخ عبد المنعم إبن العم سعيد موضوع حفظة القرآن بابي فروع وهو رجل موسوعه في تاريخ القريه وحضارها وهو بلا شك مستقبلها فله منا كل الود أولا أتمنى أن أكون من حفظة القرآن الكريم وقد أحزنني في البوست أنه لايحتوي
من هو أصغر سنا من المذكوريين ولنا الحق في أن نفتخر بهم ونباهي بهم وهم أعمام وأخوال وأخوان ومن الواجب أن نوثق لهم والفخر بحفظ كتاب الله شئ جميل وليس هناك أحسن من الفخر والإفتخار به ويا إخوتي أبوفروع غنيه ( ما عايزيين تجي في زمنا وتفقر)والآن الحمد لله وسائل التعليم ووسائطه أسهل وأتمنى من الله أن يزداد عندنا أعداد الحفظه فنحن الحمدلله تجدنا أكثرحبا لهم وفخرا بهم ويكفي أن المولى عز وجل مكنهم من ذلك ( جعلنا الله من حفظة كتابه وأنتم كمان وفي ذلك خير كثير جدا )وفقكم الله والشكر مره أخرى للأستاذ إبن العم عبد المنعم سعيد

فكي محمديد هي في مقام الخال لابائي اولاد محمد احمد ود الحسين و اولاد احمد و د جلي و اولاد عبد الله ود حمد و اولاد الطيب ود العرش و واولاد محمود ود العرش و الفضل و احمد الحسن ( الحوري ) و في مقام العم لبنات ود المصطفي و لي مصطفي محمد احمد و اولاد حميدة و هم الركابية في ابوفروع
و كي لا يلبتس الامر فاولاد الحسين جميعم امهم ركابية و ام احمد ودالجلي و ام عبد الله ود حمد.
من الركابية و منهم فكي محمد ود حاج حمد و والدة علي الطيب و احفاد الفكي احمد ود مساعد و ال حميدة.
و فكي محمديد هو حفيد الركابية الذين كانوا بابوفروع و ذهبوا الي الشبارقة و لا زال احفادهم بها لتدريس القران و الله اعلم. و منهم جزء كبير من ال حميدة احفاد اللقية بنت الحسين من عطان المنان الجعلي الذيدابي و الذي تزوج بنته الحرم حميدة الركابي موجودين بالركابية.
نسب محد و د حاج حمد موجود
و اهم ما اريد الوصل اليه ان الركابية بابي فروع هم
اولاد الفكي احمد ود حاج مساعد و ابنائه
جدنا ابراهيم و ود احمد و مساعد توفي و ليس له ابناء و تزوج ستنا بنت رغم الله بعد وفاة زوجها تميم الدار و د شرف
الحرم بنت احمد و د مساعد و و اولادها هم الفضل و الفضل ابوه ركابي
من بعده تزوجت الحسن ود الزبير و انجبت منه احمد و د الحسن ود الزبير
عائشة بنت احمد ود مساعد و هي والدة اولاد محمود و د العرش
برضو والد بلة ابو الدليل ( ود فاطمة بنت عوض الكريم ) (ابوه ود الفكي احمد ود مساعد )
كمان زوجات الفضل و زوجة الطيب و د شهاوي والد اخونا هاشم ابوها و ولد الفكي و د احمد ود مساعد
و الفكي احمد ود مساعد رجل مشهود له بالصلاح و كان مكان اقامته في جوار بيتنا الان و مكان اقامة احفاده اولاد محمود و يت احمد ود الحسن
من الركابية ايضا ود المصطفي و هو و جد اولاد محمدين التلب و كان محل اقامته بيت المرحوم صلاح محمدين الان
من الركابية كما ذكرت ايضا الفكي محمد احمد و د حاج حمد و ابنه هو المرحوم مصطفي ( بري ) و كان مشهود له بالصلاح و القرانية
ايضا الركابية هم ال حميدة
و ينسب الركابية الي غلام الدين بن عايد الركابي و هم موزعون في جميع انحاء السودان و مشورد لهم بالصلاح و القرانية.

السلام عليكم ورحمة الله وبركاته

موضوع مهم ودسم
وياريت شيخ بابكر (عضو المنتدى) يشاركنا ويدلي بدلوه

وبارك الله فيكم