ضرب مثل
 

--------------------------------------------------------------------------------


ياجماعه رليكم شنو نجعل البوست دا للامثال وكل شخص لديه مثل اكتبو لينا لتزداد معرفتنا بباقي الامثال جميعها وكما تعلمو ان السودان واسع وكل بلد لديه امثاله 0وفي الحقيقه لفت انتباهي لهذا الموضوع اخي الدالي عندما ضرب مثل وكان لاول مره اسمعه واترك له الفرصه لكي يكررو مره اخري هنا0
وهذه جزئيه من الامثال واتمني المزيد0000
بخيت شكروه قال داك شهر تاني
الجاياك ما بتخشاك
حساب ولا كوار
الحساب ولد
اذا حضر الماء بطل التيمم
الحلفك كتلك والشاكاك عاداك
الحوت ما بهددوه بالغرق
خت الخمسه فوق الاتنين
ْْان جنك ضررين شيل الاخف
اهلك قبال تهلك
اسمك خصمك ياعلمك الدغاله ياعلمك الهباله
اصله مارق في الربا والتلاف
اللعور وسط العمي يقدل
الاسد ماكتل مرته اسمع كلام الكبير لو كان
الابكم مو شقي شقي البتكلم معاه
ابوك امير وابوي امير مين بسوق الحمير
ختوه غرض
خربانه من كباره
خلي ريحته طير طير
خم وصر
الخواف ربي عيالو
الخيرو حيرو
الخيل تجقلب والشكر لحماد
دخانكم يدخن وجوعكم يمحن
دمع الحن بقيف ودمع النفع يمحن
الدين لو درهمين يسود الخدين
راحت شمار في مرقه
راسه ضاربه
ارعه بقيدك
سرارة اللعوت تتلاقي يوم الموت
*اضف المزيد مع خالص الشكر

القلم في المدرسة كالسيف في المعركة

القحة ولا صمة الخشم