:::: منتديات أبو فروع :::: - مستحيل أرجع ليك

:::: منتديات أبو فروع :::: (http://www.abofru.net/vb/index.php)

- منتدى الشعر والشعراء والأدب (http://www.abofru.net/vb/forumdisplay.php?f=27)

- - مستحيل أرجع ليك (http://www.abofru.net/vb/showthread.php?t=2834)

مستحيل أرجع ليك

مستحيل أرجع ليك
الدمعة لو غلبا النزول حرمانه لو تنزل عليك
شوقي لو غلبو الصبربتحدى لو يحن ليك
لو قلبي إتقطع وراك أصلي ما بنذلا ليك
و جروحي تنزف بالسنين ودواها يصبح بين ايديك
مستحيل مستحيل أرجع إليك

****
لو جاني إحساس بالامل ترجع علاقة حبي بيك
أو جاني إحساس بالحنين أتمنى ما أرجع اليك
أتمنى من كل الدروب تنسدى لو بتودي ليك
بتمنى من الليل يطول لو الصباح واقف عليك
مستحيل مستحيل أرجع إليك

****
فاكرني بشتاق لي عينيك أنا أصلي ما لعبة بيديك
فاكرني بجري عشان رضاك بنساك ولا أسفا عليك
فاكرني غير حبك بموت أنا حي كيدا عليك
آخر كلام من عندي ليك
مستحيل مستحيل أندم عليك

الأغنية أهداء لـ 0000 ومخصوصه لـ 0000

الحبايب الأتفارقو مستحيل يتصادقو
الصداقه بعد الريد صداقة صياد للصيد
ماالريده ياحبان لافيها جفا لا كيد
الحبايب الأتفارقو مستحيل يتصادقو

***

الخوة بعد الهوى هشة وبشيلها الهواء
مابنسو الحبايب الريد العملوه سوى
الحبايب الأتفارقو مستحيل يتصادقو

***

الريد محال ينقلب الهوى محال ينغلب
مهما يحاولوا ينسو الفي القلب في القلب
الحبايب الأتفارقو مستحيل يتصادقو

***

ماشفنا حب انفصل وباب الصداقه انوصل
يالناس تتم العشق يانهائي ينسو الحصل
الحبايب الأتفارقو مستحيل يتصادقو

***