العطاله
 

يااخوانا انتو ماشايفين في الفتره د ي العطال بقي كتيرفي الحله الشباب متخرجين من احسن الكليات ومالاقين شغل قاعدين من ضل لي ضل ينتهي ضل الضحي يمشو لي ضل العصر الكلام ده كلو عشان الواسطات يعني الزول لوماعندو واسطه ما بشتغل انا مضرب مثل قدامكم متخرج لي اربعه سنه ياداب لميت في شغل ولسه مامعرف اتعين معاهم ولا لا قضيت فتره ترينق ثلاثه شهور منتظر منهم رد ولسه ماجاني خبر منهم.
ارجع بيكم لي الواسطه معاي واحد امي بحت لا بعرف يقرا ولايكتب وسبت من اول مره لي لانو واستطو قويه
في شريحه من شباب ابوفروع لو جبت ليه الشغل في البيت مابشتغل قبل كده جاتم فرصه في الاول كان في حماس شديد لمن بقي وكت الجد رست علي اربعه اشخاص .
فانا بقترح انو انتو لو لقيتو فرصه شغل توروا الشباب ديل وانا لواتعين مبقصر معاهم
واسال الله ان يوفقني ويوقف الجميع

الابن محمود ( ود اخوى)

احيى فيك حماسك للشغل وربنا يوفقك واتركز فى شغلك غكواتمنى من ابناء الحلة عدم الركون للعطال وانتظار الفرصة لحدى ماتجى عندهم والسعى بشتى السبل لاقتناص فرص العمل
واذكر انو شباب ابوفروع كان مضرب مثل فى حماستهم للشغل وكان العطال من اكبر العيوب ولازلت اذكر اننا كنا طلبة بجامعة الخرطوم وكنا نشتغل فى البنيان وعتالة فى اللوارى ولمن مايكون فى شغل فى الحلة كنا بنمشى ا بنمشى نفرش ليمون فى السوق والشغل عمرو ما كان عيب لكن العيب هو العطالة والاتكالية

بسم الله الرحمن الرحيم
السلام عليكم ورحمة الله تعالي وبركاته
تحياتي أخي محمود
وأعضاء المنتدي والزوار
موضوع العطاله والوساطة
بالنسبة لي العطاله ونسبتها في ابوفروعنا الحبيبة موجودة وبكثرة لكن الأغلبية لعدم توفر فرص العمل ما حباً في الركلسة إلا قليل .
و متواضعين نشتغل طلب وبنا ومنطقة صناعية وفي الكماين يعني شغل مواسم والله يكون في العون .
إتحطمت كل طموحات الطفوله والشباب من أمنيات وآمآل مع الواقع بعد محاولات أعتبرها كافيه في البحث عن وظيفة وحتي الفرن والبقالة و المنطقة الصناعيه ما خليناها والإمور كما هي ما في إستقرار في شغل معين كلها مواسم والقسمه ما معروفه وين.
بالنسبة لي سعيت السفر والإنضمام إلي المحرومين من الأهل والأحباب والجيران والأصحاب والحمد لله ماشي الحال وربنا يعين الجميع
ويسترنا في غربتنا .
عفواً هذا عن تجربة شخصية
أعجبتني ابيات شعر للإمام الشافعي عن هذا الحال ومنها:
تغرب عن الأوطان في طلب العلا *** وسافر ففي الأسفار خمس فوائد
تفريج هم واكتساب معيشة *** وعلم وآداب وصحــــــــبة ماجد
فإن قيل في الأسفار ذل وغربة *** وقطع فيافٍ وارتكاب الـــــشدائد
فمـــوت الفتى خير له من حياته *** بدار هوان بين واش وحاســـــد

محمود يا ابنى احيى الروح العملية التى ينقصها الحماس الطلابى قول لى كيف
انسيتم ايها الخريجين وانتم داخل القاعه من غير فطور والغذاء زرديه والعشاء موية فول
بعد ذلك ترجع الغرفه تراجع المحاضرات والنقاش الطويل
اين تلك القوة الخارقه هل سحبها ذاك الامى الذى ينافسك فى تخصصك
طبعا لا----- انتم الذين تخليتم عنها ووجدها هذا الذى تستنكره
انا ضد النقد واحرمه - - - هذة هى احدى الاسلحه التى كانت بحوزتكم وارجوا تطويرها
للعلم ان هناك كثير من الاشخاص يملكون المال والاولاد والبيوت والزوجات والعربات ووظيفة
كل هذا ولا توجد فى حياتهم لحظة سعادة \\\\ الضحك تمثيل ومجاملة والابتسامه مزيفة غير حقيقة
ما السبب !!!!!!! هل نحن فى زمن الاكتئاب الاعظم ام ان السعادة وراحة البال لملموا بقاياهم وغادروا!!
المشكلة ان البعض لا يعرف فن الاستمتاع بالحياة\\ ولا يجعل الفشل معولا يشق بة طريقه
شوف كيف كان الفشل عند الفيلسوف الساخر برناتشو اولا لم يستطيع التواصل فى المدارس من شدت الفقر
واكمل تعليمة فى البيت وقال ان المدارس سجـــــــــــــــــــــــــــــون واشتغل بالصحافة تسعة اعوام وبعد هذا الجهد
كان فاشل ولكن لم يترك الفشل وفى عام 1925 نال جائزة نوبل واول الامر رفض هذه الجائزة لكن رجع عن قراره
وقال هذة الجائزة ليس له ولكن لوطنه واختاره الحاكم البريطانى وزيرا وهو ليس بريطابى
شوف كيف سلاح الفشل كذلك تفاعل مع الكاتبة اجاسى كرستى وهى تحمل رواياتها على ظهرها سبع سنين
وشوف صاحبك الامى الذى ذكرته فشل فى التعليم الذى \ \\ كيف فعل بهالفشل يقارع الجامعين وهو امى
اتمنى ان كل خريج او كل من يبحث عن عمل ان لا يجعل نفسه فرشة تلوين يقمس فى اللون الاسود ويلون فى حياته
نحن من امة محمحد صلى اللة علية وسلم دستورنا الكتاب والسنه
قال تعالى فى كتابه العزيز\\\ ان الذين توفهم الملائكة ظالمى انفسهم قالوا فى ما كنتم قالوا كنا مستضعفين فى الارض
الله واسعة فتهاجروافيها فاوليك ماواهم جهنم وساءت مصيرا \\\\ الايه 97 من صورة النساء

thanx hota after my graeting its important to discous like this hey u moshtageen