مساطيل الاسبوع
 

مسطول بيسأل صحبو: 'شنو اسماء اخوانك؟'. قاليهو:'كلهم أسمهم عبدالله الا ابراهيم اسمو مصعب'!!

مسطول شالتو نومة جو حرامية شالوا قروشو وحلقوا
ليهو صلعة
عمنا اتخلع لما لقى القروش مافي
بعد شوية هبش راسو لقاهو صلعة
قال: الحمد لله دا ما انا

مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة


قال ليك كان في شلة بتاعة مساطيل قاعدين في قهوة ..بيقولو ارقام وبيضحكو..واحد كان قاعد جنبهم استغرب من الحكاية دي ..
مشى سألهم الارقام دي قصتها شنو ليه بتضحكو عليها..؟
قالو ليه..نحن كل يوم بنجي نقعد هنا وبنحكي نكات وكل يوم بنكرر نفس النكات لمن حفظناها فقلنا بدل ما كل مرة نقول النكتة كلها ندي كل نكتة رقم والداير يحكي نكتة يقول رقمها والباقين يتذكروها ويضحكو..
صاحبنا داد عجبتو الفكرة قام قال ليهم عشرين..
المساطيل ديل اتدردقو في الواطه من الضحك.. قال مدام بيضحكو كده معناتا النكتة دي سمحة.. قال ليهم النكتة رقم عشرين دي حلوة للدرجة دي.. قالو ليه آي.. وبالمناسبة نحن أول مرة نسمعها


مسطول نايم في الحوش .. أمو بتصحي فيهو .. يا ولدي قوم الشمس طلعت .. قال ليها : دخليها وأقفلي الباب