الغربة مالات وماخذ
 

حزمت حقائبي متوجها الي بلد الرسول (ص) وفي مخيلتى آمال عريضة وامنيات لاتعد من بناء البيت المسلح الى السياره اللكزس الى ................. وغيرها من اصلاح اوضاع ذلك الجيش الجرار من الاهل لكن سرعان ما تبخر ذلك الحلم ودخلت في دوامة الكفيل والتجديد وحق الميز وتلفونات ناس السودان الولد مطرود من المدرسة والبت جاها عريس .
واكثر ما يثير ضحكتى البنات في الحله ينادين امي يا خالتى ياخالتى قايلات القبة تحتها فكي ولايعلمن ما صار اليه العبد لله
المهم اخوتى الكرام فكروا معي في كيفية للخروج من المأزق سؤال لك مغترب

هي ماشاءألله يوسف أخوي بخيروصحة جيدة ولكن ماطمني في بوستي،عموماحمدلله على ألسلامة وتاني جبت سيرت ألضحك وألله أنت لزيزشديد،ووضحت كل شي ماشاءألله وربنايعطيك ألعافية وجميع أهل بيتك وبلدألرسول[ص]دي بلددنياودين كان تخليت عنهاأولى ليك سودانك وألله إكرمك،ولك ألخفي.

في أغنية للفنان الراحل سيد خليفة بقول فيها :

للرجوع كيف الطريقة ***** والوصول للقيف محال

----------------
يا هو دهـ حالنا

ياراجل شد حيلك شويتين البطن ملاااااااااااااااانه وجع

يوسف .. معتز .. سامر واحمد شدو حيلكم وربنا يقدركم ويصبركم ما ضقت الغربه لكن قادره احس بي وجعكم
ولو ما يكون كلامي تنظير لانو اليدو في النار ما زي اليدو في المويه بقول ليكم كل الشغلانيه قرار بس انت كيف تاخدو وتتحمل تبعاتو واظن انو الفات من عمرنا ما قدر الي جاي احسن نلحق نستثمر ونستمتع بالباقي ونامل انو الجاي اجمل .... ولا شنو يا احمد

لك التحية ياخال وأقول ليك الله ادينا الصبر بس .

يغفو علي كفي طول تاملي وقلمي واعجز ما الذي ساقول
اخوتي لكم التحيه ومشكورين علي التظبيره الحلوة دي
وربنا اديكم العافيه