يا حلتنا وينك
 

بسم الله والصلاة والسلام على رسول الله وبعد .
أولاً أحيي كل الفراعة داخل وخارج السودان ومن هم بين بين(كما هو حالي) وسلامات بالأحجام الكبيرة للقائمين على المنتدى . وطوالي أنا حا أقوم أرحب بى نفسي في المنتديات وأتمنى إنو مشاركاتي تتواصل والحاجات البقولوها في الترحيب ديك بإعتبار إني عضو جديد كرت من الورقة .
أنا داير أهبش لي حتة صغيرة كدا وما عارف راي الناس فيها شنو إمكن يوافقوني وإمكن لا، وهي حتة إنو كل المشاركات الفي الموقع بتاع الحلة أو أغلبها مشاركات من أعضاء هم خارج حدود السودان أو بي صورة عامة هم خارج الحلة (ودي محمدة لمن هم بالخارج) ، هل معنى الكلام دا إنو الجماعة البرة ديل بيهتموا بي مواضيع الحلة أكتر من التانيين ، ولا الجماعة ديل عشان هم بعيدين بكونوا شفقانين على الحلة ودايرين حاجة تربطهم ببعض أكتر ، ولا كمان ثقافة النت دي في الحلة ما منتشرة عشان الناس تقوم تتعامل مع موقع الحلة وغيرو ، أنا غايتو في رايي إنو الحاجات دي كلها مجتمعة بتشكل السبب في الشي الحاصل دا .مع التركيز على السبب الأخير.
يا ريت الناس تقوم تورينا رايها شنو في الكلام دا بدون حساسية ويشوفوا ليهو المعالجات الممكنة عشان ننشط المشاركات من داخل الحلة.

سلام أخ حذيفة (بالحجــــــــــــــــــــــــــم العـــــــــــــائلي)
وسعيدين بإطلالتك وبمشاركاتك ويا ريت تواصل بنفس الروح الحماسية دي وتحث الباقيين على المشاركة

وبخصوص موضوعك:

والله في رأي أنا انه السبب الأخير ده يمكن يكون الواقف في طريق باقي الناس وهي ما بتسمى ثقافة بالنسبة للوضع دهـ لكن ممكن نسميها صعوبة الحصول علي الجهاز والنت في الحلة ،، لكن طبعاً في ناس الداخل هم أكثر اهتمام بأبي فروع من الناس الخارجها وحريصين برضو على المشاركة في مجالات واماكن تانية

مرة تانية سعيدين بيك وخليك موااااصل



.

حبابك الف اخي حذيفة انت اضافه حقيقية لهذا المنتدي واصل هذا الالق الجميل وكل ماطرحته سيجد النقاش بجدية فقط قليل من الصبر والمثابرة ....

الاخ حذيفه ( بعد السلام ) مشكور على هذه المداخلة الطيبة ونتمنى أن تكون مواصل وكذلك بقية الأخوة من داخل حلتنا الحبيبة وتمدونا بالاقتراحات والافكار والاخبار النيرة السعيدة .ولك التحية.

شكراً كتير على المرور أخوانا معتز ، احمد دياب ، أشرف

الاخ حذيفه تحيه من القلب ابعثها البك وانت تفتح هذا الموضوع الهام الذي يستحق المناقشه
حقيقة مشكلة النت في الحله محتاجه نقاش