رسالة الى لويس أوكامبو
 

رسالة الى لويس أوكامبو
منو القاليك يااوكامـــــــــبو ُضفـُــــر من عــازه بيهــــــــون ليك
ومـنـــــــــــو القا لــــــــيك عِــقـــــــد الســــــبحة رهـــــن ايديك
اظن قايلنا خيطــًا واهي ضـــــــــــــلاً ســــــــاهي هــّــــــين ليك
استنفـــــــــــــــــر كــــــلاب لاهـاي تعــال خلينا نركــــــــــع ليك؟
واغشى معاك علوج امريكا عــــشان امريكــــــــا ترضــى عليك
برضــــو كمـــــان قــــــــرود بريطـــانيا او باريـس يطـبلوا ليك
تكون واهــم لو ماعـــرفـــت دا الســــــــــــودان بيهـــــــــزا بيك
يمين ياعلج لو ساكت تمد اِيـديك صغــارنا يلحسوك كـــــــرعيك
ولو قاصــــــــــــدنا في ريســـــنا يمين قبـــــــــــالو نحــن نجيك
ولومامصدق تعال جـرب قســــــــــــم تلقانا جــــــــاهــــزين ليك
شمال وجنوب ما نحن دهب نحن قرنق نحن اساقة نحـن اوشيك
ونحن المهدي وود حبوبة ونحــن المـــك، فتح يالويس عــينيك
ولو عــايزنا بي تلقانا نجـــيبك تحــــــــــــــــــــبي بي ركــــــبيك
ولو ماســـمعت ولا درســــــــــــــــــت تعال خلينا نحــــــكي ليك
نحن اسود ونحن فهود ونحـــن المـــــــــــــــوت نرســـــلوا ليك
اكان مابتقــــرأ للتاريخ ولا التاريخ بذاكــــــــــــــــــــــــر لـــــيك
اســـــأل عننا الايام والايام بتســــــــــــــــــــــــــــــــــــرد لـــــيك
وين غردون واســــمـــــــاعيل الخرطـــــــــــــوم تترجـــــــم ليك
وحملة هكـــــس والشــــــــــــــــلالي وباقي فلوله يحــــكوا لــيك
ناس ابوعنجه عثمان دقنه ابطــــــــال الصـــــمـــــــــود (ياديك)
بطــــــــــــولات خـــلـــــــدا التاريخ لـــــو عـــايز نرســـــــلا ليك

هاشم عوض الكريم – بورتسودان م/11115262 09
الى الاخوة الاعزاء في منتدى أبو فروع اولا الشكر كل الشكر لاستشهادكم في المنتدى بهذه القصيدة والتي أتمنى أن تكون بداية تعارف وتعاون بيني وبينكموبدعوة كريمة من الاخ العزيز والصهر الكريو دكتو أبوذر محمد أحمد الجلي أمل أن اكون ضيفاً
خفيفاً في منتداكم العامر بإذن الله للرقي والنهضة بوطننا العزيز السودان لكم التحية والتقدير
ودمتم

الأخ هاشم
مرحباً بك في دارك وحبابك مليون ، ومنتظرين المزيد
والقصيدة جميلة ورد لكل المتربصين بالسودان

- اللهم جنب بلادنا شر المحن -

اللهم جنب بلادنا شر المحن -



شكرا الاخ معتز على الترحاب الحاتمي لك الود