|
أين وأين
فعلا المنتدى فيه عزله وعدم كتابات ماعارف الاسباب شنو انشاء الله المانع كل خير ، اتسأل اين الطيب سعيد وكل همه مشاريع ابوفروع متعه الله بالصحة والعافية ، اين عبد المنعم وخواطره قبل النوم، اين راكوبة سارة والجبنه والنميمه وله عشان خطبنا ووقفتيها ، اين يالغايبين نحن ما نسيناكم ، واين الكرسى الساخن ، واين الفاتح عبدالله ، واين مجدى الطيب ، محمد الهادى ، باختصار كلكم غايبين عندكم اورنيك اجازه من المنتدى افيدونا بسر غيابكم ومشاكل الحياة كثيرة لكن اجعلوا ابوفروع همكم الاول والاخير . مع خالص حبى وتقديرى لكم بدون فرز.
|
اقتباس:
اخونا عادل..وجيدأ جيت بوست الغيايب مفروض يتحزف لان الكل غائب.؟ ؟والحاضر برضو غائب..(يجي يتاوقوق ويجري)..عشان كده وقفنا الجبنه. .والراكوبه شلعها الخريف..محتاجه تصليح؟ الكرسي الساخن موجووود ومثبت..بس الضيف غائب..وماعايزين نرشح شخص اخر لحين عودته لان الخال فتح بله طالبت به غالبيه الاعضاء..ورشحوه..ومنتظرنه. الخال عبد المنعم ودروس في الاقتصاد وخواطر قبل النوم نفتقدها.. ============== دبل كليك انا..اعلن اختفائ بعد اسبوع..ولاكثر من شهرين..(اجازه في السودان) بوستاتي مفتوحه والمفتاح في الباب من اراد ان يدخل ويتولي الرد البيت بيته.. |
الاخ /عادل على يوسف
تحياتي وشاكرين تفقد كم لنا ولبقية الأعضاء.. وعنى حاضر دوما ومتابع وبقيت مشاركاتي قليلة طيلة الفترة السابقة لظروف ما .. ومعك أدعو الجميع للمشاركة. خالص الود أخوك/ الفاتح عبدالله أحمد |
الاخ عادل ....في البدايه لك الشكر الجزيل علي تفقدك للاعضاء....والله بس معصورين في الدراسه لكن انشاء الله كل البنقدر عليه بنسوي ....واتمني انو المنتدي ارجع احسن وانشط مما كان عليه....لك وافر الود والتقدير....تقبل مروري....ودمتم
|
الاخ الفاتح عبد الله ، يوسف اسماعيل طلتكم هى هدفنا وسعدنا بعودتكم وهذا هو مرادنا.
|
الاخ المفضال /عادل
التحية والتجلة ومشكور على سؤالك عنا اجمعين اعمل منذ فترة بمنطقة خلوية (عسكرية) و لا توجد طريقة للتواصل الا بعد25/12 ونتمنى ان يكون لدينا جديد وجوزيت خيرا |
| الساعة الآن 10:13 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir