|
فرحه وحنين
مابصدق بي جلالك جيتنا زاير
جيتنا ومعاك جانا الفرح وهلت بشاير والريد اللي كان مكتوم جوة الضماير الليلة وبي وجودك أمسى ظاهر يوم جميل لما ليك إحنا بنسامر وإنت ياأغلى من كل الجواهر إنت ياإنسان ياشاعر ياأخي حركت المشاعر وياأخي قلبنا بيك فرحان وطاير يوم طريتنا وجيت لينا بي شوقك وحاير أنصفني بيك الزمن بعد ماكان عليا جاير وكنت من غيرك مهمومة وحزينة وزي النسيم جيت هليت علينا وبالسعادة والفرح إحنا إلتقينا وبي لهفة وحنان ليك مشينا وكم ضحكنا وكم حكينا وشربنا من كاس المحنة ولا إرتوينا وشوق جميل بان في عينينا وكلام حنين همسته لينا وغرقت في بحور حنانك ياغالي زي غرق السفينة والحياة من غيرك إنت بتبقى غربة يقطع الغربة وسنينا ويوم تعود وترجع إلينا بتسعدنا وتسعد بيك ليالينا وبتحزن الدنيا لو في يوم تجافينا وبي نار البعاد والصد بتكوينا وإذا في بالك تخلينا بتبهجنا وبترضينا ولويرضيك تبكينا وتحطم كل مافينا هاك كل الدموع ليك أهدينا وبرضو بتفضل أغلى أحلامنا وأمانينا وياحبيب أرسى ومعاك أبقى رسينا ياتختار البعاد يابوجودك تهنينا |
محاولة جيده مع بسيط من الهنات مثل :
تناول الجمل المطروقة التي كتبت من شعراء آخرين ، (يمكن أخذ المعنى فقط) عدم تساوي الكلمات في كل بيت يخل بالإيقاع اللحني للقصيدة استخدام الكوبليهات يريح نفس الشاعر القصيدة الطويلة تُكشف للمتلقي عيوبها أرجو تقبل النقد مع خالص حبي وإحترامي ابو رباب |
مشكور ياابو رباب على المرور الجيد والنصائح المفيده
|
العزيزة هناء
اتمني لك كل السعادة بوجود من يدخلون الفرح في حياتك شكراً علي الدرر |
| الساعة الآن 11:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir