|
افيدوني افادكم الله؟
الشريف مبسوط مني عشان انا بريد فني
مشيتلو باحساسي وبطبعي الاساسي محتشمه ملتزمه خاته توبي فوق راسي سودانا حافظاهو ما رميت مستواهو غنيت في نيجيريا للناس البتهواهو لقوني مافيشه قطعوا قايلني فيشه مشيت بدعوة خاصه ما اتخففته ريشه غنيت للحكومة في قلوبنا مرسومة انا من الناس محسوده والله مظلومه الحيين والماتو !!!!!!!!!!!!!!!!!!!!!!! عرفو ا فني وغلاتو الغالي بغلاتو نيجيريا تضوق حلاتو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هناي ويا هنايه امسكوا القنايه الرسيدس ولكزس بكره الهمر جايه اللكزس هديه ما علاقه شخصيه انا شرفي حافظاهو ما بدور لي وصيه اللكزس فريده وفي العربات بريده مهما الناس يقولوا هي اجمل حديده حسدوني المعايا في روعة غنايا غنايا من جوه اغاني ملانه قوه كتبه كوباني وامجد حمزه خوه جيت مالكم سكتوا طرشتو واتبكمتو جيت لبلدي تاني والعاقل يطلع شجرتو ياحليل كل شئ ؟!؟!؟!؟!؟ |
قمة الانحطاط الفكري وعصارة الكلمات الماجنه وشذوذ عن قواعد الادب والفن بالعربي انا مرارتي مفقوعه يناااااااااااااس
|
عليك الله ياابوحميد ما حاجه تزعل
وياتري المشكله فينا نحن المستمعين؟ ولا في اجهزة الاعلام؟ ولا في شعراء الاغاني؟ عليكم الله المشكلة وين؟ والحل شنو؟ |
والله ياشباب العالم ده مامعروف الحصل فيه شنو..لكن عشان اخفف عليكم وعلينا شوية اذكركم باميرة الشعراء العرب روضة الحاج وكيف انها فعلا عكست وجه السودان بكلماتها ومظهرها وبتستحق انها تفتخر بما قدمتو ..وطولو بالكم باسفيان واحمد لسه مامعروف الجايي شنو..لكم التحية
|
هبوط شديد :
اقتباس:
|
بسم الله الرحمن الرحيم
مبدأ كل شئ عظيم اديك العافيه ود دياب وهاك الموقف دا وقارن ولابلاش مقارنة حكي الشاعر الاستاذ الانسان اسحق الحلنقي هذا الموقف وشتان بين هذا وذاك قال: تعرض الفنان محمد احمد سرور الي لدغة عقرب اثناء قيامه بالغناء في حفل عرس احد اصدقائه في مدينة كسلا وكان ممكن ان يتوقف سرور عن الغناء لمداوة الامه ولكن عز عليه ان يعرض الفتاة التي كانت ترقص امامه علي (السباته) الي نوع من الاحراج فاصر علي الاستمرار والالام تتزايد عليه الي ان سقط علي الارض مغشيا عليه هكذا كان سرور وجيل العمالقه ! وتسال حلنقي تري ما الذي يحدث لو تعرض واحد من حناكيش هذه الايام الي (لسعة) باعوضه ؟اظن انه سيطلب المساعدة الفوريه من حماده واخواته من ذوات الثدي |
| الساعة الآن 01:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir