:::: منتديات أبو فروع :::: - المطر من رشتو..

زمان كانت المدارس في الحلة بتنظم رحلات سنوية غالبا للخرطوم.. الناس بزورو فيها الحدايق والمتاحف ومعرض الخرطوم وغيرهاومع المغربية بجو راجعين وده كان حلم كل طالب في الوقت داك وبننظروهو بفارغ الصبر..واحدة من الرحلات دي كانت لمدرسة البنات المتوسطة، بعد ماجو راجعين سمعنا منهم انو في واحد من ناس الحلة الساكنين في الخرطوم عزم كل المجموعة غداء في بيتو العامر باركويت..دي كانت اول مرة اسمع فيها اسم عمنا المهندس صالح البدوي الجنيد وهو كان صاحب الدعوة الكريمة..حقيقة بعد داك بقي في زيادة اهتمام بهذا الاسم من ناحيتي كل مااسمع زول يقولو بحاول اعرف بقول عنو شنو وماسمعنا والله الا الخير.بعد كبرنا شوية شفتو في الحلة في اغلب المناسبات لانو كان حريص ومواصل رغم سكنو بالخرطوم..اول مرة اتعامل معاه بصورة مباشرة بعد مادخلنا الجامعة زرناه في البيت ومعاي مجموعة من شباب الحلة بخصوص مشاكل رابطة الطلاب المازالت مستمرة السكن وغيرو..وزي مابقولو من راي ليس كمن سمع وكان اروع من كل شي سمعتو عنو ..
الاعزاء في المنتدي حبيت في الموضوع ده احيي عمنا صالح
عبر منتدانا وهو غني عن التعريف واسهاماتو كانت ومازالت واضحة في كل مشاكل الحلة وكلكم بتعرفو الكلام ده..والتحية ليكم اولا واخيرا يارايعين..