:::: منتديات أبو فروع ::::

في خاطري

لحظاتنا الندية

وإنتي ساعة

المغربية

قعدتك جنبي

وعيونك

سارحه في

الدنيا البهيه

خايفه من

سفرا بودي

للمسافات القصيه

قصه الزول المفارق

قلبو عشره

علي الوصيه

كنت جد

ناوي الرحيل

إلا شايل ذكري منك

خفت في

الغربه البعيده

المسافات يبعدنك

العيون الشايله سيرتك

بكره يبكن ويفقدنك

والاماسي الحالمه

تحزن

والمشاوير يتعبنك

شفتي كيف؟

شُفتي كيف لما الشمس

مدت نوافير الشعاع

الضفاف بعدت كتير

والريح ملت جوف الشراع

كيف هناك بدت الظلال

تتلاشي في

زمن الضياع

وإنتي ساعه المغربيه

خايفه من

كلمه وداع

للشاعر القامه (مدني النخلي)