:::: منتديات أبو فروع :::: - ياعظيمة* العظيم الله

يا عظيمه كل شي لـه حـدود و لـه نهايـة
لكن أنتي ما وقفتي عنـد حـدك يـا عظيمـه
أستلذيتـي بطعناتـي و أخذتيـهـا هـوايـة
كن مالـك حربـة توجـع و طعنـات أليمـه
آه ليتـك مـا تماديتـي بطعنـات البـدايـة
لين صار لكل طعنة فالحشـا معنـى و قيمـه
الله يبيحك ولكن كيـف فـي أغـرب روايـة
تكتبين الحـب كذبـة والهـوى دقـة قديمـه
و أنتي اللـي مـا لـدت عيونـك فالمرايـه
ما لمحتي الا اليتيم اللي خـذت قلبـه يتيمـه
و اليتيمـه فاليتامـى مالهـا حـق الوصايـة
الوصية عودها الغـض و نوايهـا السليمـه
لكن أنتي صار لك حق الوصايـة و الولايـة
و استبديتي و شدو البدو و أضحيتي مقيمـه
ما رحلتي ليـن حطمتـي بمـا فيـه الكفايـة
عاقل حب الجنون و صوت نارك في هشيمـه
استبحتي حرمة المجنـون بـادراك و عنايـة
و التفتي له بعقلك و ارتكزتـي فـي صميمـه
امتلكتي غايته لـو كـان مالـه فيـك غايـة
و انتصرتي في عيونه وأعترف لك بالهزيمـه
من كثر ما يعشقك ما قال لـك بالحـب رايـة
خايـف الأيـام لا تطلـع عواقبهـا و خيمـه
في طريقك كل ما كنـه لمـس درب الهدايـة
تـاه و دروب الحيـاة المستقيمـة مستقيمـه
تايه بصري و مـن جابـه لبيـت الله تايـه
عذر من غمض بعين و عينع الأخرى كريمـه
فدوتك ما فات من الايام و اللـي عـاد جايـه
يا بعد عمر مخاسـره معـك عنـدي غنيمـه
أنتي الفارع بقد و جـد و أسمـاء و كنايـة
من عشق مثلك يجوز من الهوى و شداد ريمه
ليه لا .. و أنتي بحسنك في ذوات الحسن آيه
لا ذهب لا ماس لا ياقوت لا أحجـار كريمـه
شاعر له مع أهل الرايـات فالمرقـاب رايـة
كل ما هبت هبوبـك علهـا قـدر و حشيمـه
سامحك من ألف باء الذنب الى مالـه نهايـة
و أستباحك عن خطاه و كـل طقـه بتعليمـه
يوم قلتـي أعطنـي حريتـي أطلـق يدايـه
ما ذخر عن وجهك الا طعنتين فـي صميمـه
ما العظيم الا الله....ودمتم